Crypto ဘုရင်ဟောင်း လိမ်လည်မှုဖြင့် ထောင် ၂၅ နှစ် ချမှတ်ခံရ

မတ် ၂၉၊ ၂၀၂၄

M-Media 

-နာမည်ကျော် ဒစ်ဂျစ်တယ်ငွေကြေး(Crypto) အိတ်ချိန်း (FTX) ကို တည်ထောင်သူ ဆမ် ဘန့်မန်းဖရိုင်းဟာ ဒေါ်လာဘီလီယံချီ လိမ်လည်မှုနဲ့ ထောင်ဒဏ် ၂၅ နှစ် ချမှတ်ခံလိုက်ရပါတယ်။ 

ဖရိုင်းတည်ထောင်ခဲ့တဲ့ FTX ဟာ ကမ္ဘာ့အကြီးဆုံး ဒစ်ဂျစ်တယ်ငွေကြေးအိတ်ချိန်းတွေထဲက တစ်ခုဖြစ်ခဲ့ပြီး အကြီးအကျယ် အောင်မြင်ခဲ့တာပါ။ 

ဒါပေမယ့် ၂၀၂၂ ခုနှစ် စျေးကွက်အလှုပ်အခတ်မှာ ဖရိုင်းရဲ့လုပ်ငန်းဟာ ဒေ၀ါလီခံခဲ့ရပါတယ်။ ကုမ္ပဏီမပျက်ခင်မှာ ဖရိုင်းတစ်ယောက် ဖောက်သည်တွေထံကနေ ဒေါ်လာ ၈ ဘီလီယံကျော် အလွဲသုံးစားလုပ် ရယူခဲ့ပါတယ်။ 

ဒီငွေတွေနဲ့ ဖရိုင်းဟာ အိမ်ယာအဆောက်အဦးတွေ၀ယ်တာ၊ နိုင်ငံရေးအသင်းအဖွဲ့တွေကို လှူဒါန်းတာနဲ့ အခြားရင်းနှီးမြှုပ်နှံမှုတွေ လုပ်ဆောင်ခဲ့ပါတယ်။ 

လိမ်လည်မှုတွေနဲ့ ဖရိုင်းမှာ အပြစ်ရှိကြောင်း တွေ့ရတယ်လို့ အမှုကိုစစ်ဆေးနေတဲ့ နယူးယောက်တရားရုံးက ပြီးခဲ့တဲ့နှစ်မှာ ထုတ်ပြန်ခဲ့ပြီး ပြစ်ဒဏ် ၂၅ နှစ်ကို မတ်လ ၂၈ ရက်နေ့မှာ ချမှတ်ခဲ့တာပါ။ 

တရားရုံးရဲ့ ထုတ်ပြန်ချက်မှာ ဖရိုင်းက ဒီကိစ္စတွေအတွက် ဘာမှမသိကြောင်း၊ နောက်ဆုံးအချိန်ကျမှသိရတာဖြစ်ကြောင်း လိမ်လည်ထွက်ဆိုခဲ့တယ်လို့ ဖော်ပြထားပါတယ်။ 

ငွေကြေးလိမ်လည်သူတစ်ယောက်အတွက် ထောင်ဒဏ် ၂၅ နှစ်ဟာ အမေရိကန်မှာ ပြင်းထန်တဲ့ အပြစ်ပေးမှုဖြစ်ပါတယ်။ ဒါပေမယ့် ဖရိုင်ကျူးလွန်ခဲ့တဲ့ လိမ်လည်မှုတစ်ခုစီတိုင်းအတွက် ဥပဒေပါသတ်မှတ်ချက်အတိုင်း အပြည့်အ၀ အပြစ်ပေးမယ်ဆိုရင် ထောင်ဒဏ် နှစ် ၁၀၀ ကျော် ကျခံရမှာ ဖြစ်ပါတယ်။ 

Ref: BBC