မြင်းနို့ရေခဲမုန့်မှာ နွားနို့ရေခဲမုန့်ထက် ပို၍ ကျန်းမာရေးနှင့် ညီညွတ်

သြဂုတ် ၁၀၊ ၂၀၂၄
M-Media

-နွားနို့နဲ့ ပြုလုပ်တဲ့ ရေခဲမုန့်ထက် မြင်းနို့နဲ့လုပ်တဲ့ ရေခဲမုန့်ဟာ ကျန်းမာရေးနဲ့ ပိုမိုညီညွတ်တယ်ဆိုတာကို ပိုလန် သိပ္ပံပညာရှင်တွေက တွေ့ရှိခဲ့ပါတယ်။

ပုံမှန်အားဖြင့် ရေခဲမုန့်တွေကို နွားနို့နဲ့ ပြုလုပ်တာဖြစ်ပါတယ်။ မြင်းနို့မှာတော့ နွားနို့မှာ မပါ၀င်တဲ့ လူ့ခန္ဓာကိုယ်အကျိုးဖြစ်စေတဲ့ အင်ဇိုင်းတွေ၊ ပရိုတိန်းတွေ ပါ၀င်ပါတယ်။

ပိုလန်နိုင်ငံ West Pomeranian နည်းပညာတက္ကသိုလ်က သိပ္ပံပညာရှင်တွေဟာ မြင်းနို့နဲ့ ရေခဲမုန့် ၄ မျိုး ဖန်တီးခဲ့ပါတယ်။

လူ ၆၀ လောက်ကို အစမ်းကျွေးခဲ့ရာမှာ ပုံစံနဲ့ အရသာတွေဟာ နွားနို့နဲ့လုပ်တဲ့ ရေခဲမုန့်ထက် ပိုကောင်းတယ်လို့ ၀န်ခံပြောကြားခဲ့ပါတယ်။

သိပ္ပံပညာရှင်တွေဟာ မြင်းနို့နဲ့ ဒိန်ချဥ်ကိုလည်း ဖန်တီးခဲ့ပါတယ်။

Ref: Interesting Engineering