အာကာသစူးစမ်းရေးသမိုင်းတွင် မှတ်တမ်းသစ်တစ်ခု အိန္ဒိယထပ်ရ

ဇန်န၀ါရီ ၁၈၊ ၂၀၂၄
M-Media

-အိန္ဒိယ အာကာသအေဂျင်စီဟာ အာကာသထဲမှာ ဂြိုဟ်တုငယ်နှစ်ခုကို အောင်မြင်စွာချိတ်ဆက်နိုင်ခဲ့ပြီး ဒီလို လုပ်ဆောင်နိုင်တဲ့ ကမ္ဘာပေါ်က စတုတ္ထမြောက် နိုင်ငံအဖြစ် မှတ်တမ်း၀င်ခဲ့ပါတယ်။

အာကာသမှာ ပစ္စည်းနှစ်ခုကို ချိတ်ဆက်တဲ့လုပ်ငန်းဟာ အန္တရာယ်များပြီး၊ ကျွမ်းကျင်မှု လိုအပ်ကာ ကိုယ်ပိုင်အာကသစခန်းထားရှိနိုင်ဖို့၊ လပေါ်ကို လူလွှတ်ဖို့ စတဲ့ နောက်ပိုင်း စီမံကိန်းကြီးအတွက် မရှိမဖြစ် အရေးပါပါတယ်။

ချိတ်ဆက်မယ့် ဂြိုဟ်တုငယ်နှစ်ခုကို နိုင်ငံတောင်ပိုင်းက အာကာသစခန်းကနေ ဒီဇင်ဘာ ၃၀ ရက်နေ့မှာ ဒုံးပျံတစ်စီးနဲ့ လွှတ်တင်ခဲ့ပြီး ဇန်န၀ါရီ ၁၆ ရက်နေ့မှာ အောင်မြင်စွာ ချိတ်ဆက်နိုင်ခဲ့တာ ဖြစ်ပါတယ်။

“လာမယ့်နှစ်တွေမှာ ဖြစ်လာတော့မယ့် အိန္ဒိယရဲ့ ရည်မှန်းချက်ကြီးတဲ့ အာကာသစီမံကိန်းတွေအတွက် အလွန်အရေးပါတဲ့ အခြေခံအုတ်မြစ်ဖြစ်ပါတယ်” လို့ အိန္ဒိယ၀န်ကြီးချုပ် မိုဒီက ဆိုရှယ်မီဒီယာမှာ ရေးသားခဲ့ပါတယ်။

Ref: BBC