အမေရိကန်တွင် ဗလီမီးရှို့သူကို ထောင် ၅ နှစ်ချ

အောက်တိုဘာ ၂၀၊ ၂၀၁၆
M-Media

– အမေရိကန်ပြည်ထောင်စုရှိ ဗလီဝတ်ကျောင်းတော်တစ်လုံးကို မီးရှို့မှုနှင့် ဆေးခန်းတစ်ခုကို မီးရှို့ရန် ကြိုးစားမှုတို့အတွက် မစ်ဇူရီပြည်နယ်မှ အမျိုးသားတစ်ဦးအား ဖက်ဒရယ်တရားရုံးက ထောင်ဒဏ် ၅ နှစ်နှင့် ၃ လ ချမှတ်ခဲ့သည်ဟု သိရသည်။

အသက် ၃၂ နှစ်အရွယ် ဂျီဒီဒီယာ စတောက်ဆိုသူဖြစ်ပြီး ၂၀၁၂ ခုနှစ် သြဂုတ်လက ဂျိုပလင်ဗလီဝတ်ကျောင်းတော်ကို မီးရှို့ ဖျက်ဆီးမှု၊ ၂၀၁၃ ခုနှစ် အောက်တိုဘာလအတွင်း ဂျိုပလင်မြို့မှ Planned Parenthood ကို မအောင်မြင်သော မီးရှို့ရန်ကြိုးစားမှု ၂ ကြိမ် ပြုလုပ်ခဲ့မှုတို့အတွက် အပြစ်ရှိကြောင်း တွေ့ရှိခဲ့ရသည်ဟု တရားရေးဌာနမှ ထုတ်ပြန်ခဲ့သော ကြေငြာချက်တွင် ဖော်ပြထားသည်။

စတောက်ကမူ မိမိအနေဖြင့် အစ္စလာမ်ကို မကြိုက်ဟုဆိုပြီး မျိုးပွားမှုဆိုင်ရာ ကျန်းမာရေးဝန်ဆောင်မှု ပေးသည့်အတွက် ဆေးခန်းကို မီးရှို့ခဲ့ကြောင်း စုံစမ်းစစ်ဆေးသူများကို ပြောကြားခဲ့သည်။

“ပြည်သူတွေ ၀တ်ပြုရာနေရာ ဒါမှမဟုတ် မျိုးပွားမှုဆိုင်ရာ ကျန်းမာရေးဝန်ဆောင်မှုပေးရာ နေရာတွေကို ပစ်မှတ်ထားတဲ့ အကြမ်းဖက်မှုဟာ တိုင်းပြည်ရဲ့ဥပဒေကို ချိုးဖောက်ပြီး၊ ဆိုးရွားတဲ့ နောက်ဆက်တွဲတွေ ဖြစ်စေတယ်ဆိုတာကို ဒီပြဒဏ်ချမှတ်မှုက ရှင်းရှင်းလင်းလင်း သတင်းစကား ပေးလိုက်တာပါပဲ” ဟု တရားရေးဌာန၏ နိုင်ငံသားအခွင့်အရေးဆိုင်ရာဌာနခွဲ အကြီးအကဲ ဗာနီတာ ဂွပ်တာက ပြောကြားခဲ့သည်။

စတော့မှာ ထိုအမှုများအတွက် နစ်နာကြေးအဖြစ် ဒေါ်လာ ၇၀၂၀၀၀ ပေးရမည်ဟုလည်း တရားရေးဌာနက ပြောကြားခဲ့သည်။

၂၀၁၃ ခုနှစ် အောက်တိုဘာ ၃ ရက်နှင့် ၄ ရက်နေ့တို့တွင် မီးလောင်လွယ်သည့် ပစ္စည်းများထည့်ထားသော ကျောပိုးအိတ်တစ်ခုကို Planned Parenthood ဆေးခန်း၏ ခေါင်မိုးပေါ်သို့ စတောက်က ပစ်တင်ခဲ့ပြီး စနက်တံကို မီးရှို့ခဲ့သည်။ ထိုမအောင်မြင်သော ကြိုးပမ်းမှုကို လုံခြုံရေးကင်မရာဖြင့် မှတ်တမ်းတင်နိုင်ခဲ့ပြီးနောက် ၎င်းအား ဖမ်းဆီးနိုင်ခဲ့ခြင်း ဖြစ်သည်။

၂၀၁၂ ခုနှစ် သြဂုတ်လ ၆ ရက်နေ့က ဗလီကို မီးရှို့ရာတွင်လည်း ထိုနည်းလမ်းအတိုင်း ပြုလုပ်ခဲ့သည်ဟု ၎င်း ၀န်ခံခဲ့သည်။

Ref: Reuter