ဖိလစ်ပိုင်တွင် အမေရိကန် ဆန့်ကျင်ရေး ဆန္ဒပြ

အောက်တိုဘာ ၂၀၊ ၂၀၁၆
M-Media

– ဖိလစ်ပိုင်မြို့တော် မနီလာရှိ အမေရိကန် သံရုံးရှေ့တွင် အမေရိကန်ဆန့်ကျင်ရေး ဆန္ဒပြမှုအတွင်း ဆန္ဒပြလူအုပ်ထဲသို့ ရဲကားတစ်စီး အတင်းမောင်းဝင်လာမှုကြောင့် ရုန်းရင်းဆန်ခတ်ဖြစ်ပြီး လူသုံးဦး ထိခိုက်ဒဏ်ရာရရှိခဲ့သည်ဟု သိရသည်။

အင်္ဂါနေ့က ပြုလုပ်သည့် အဆိုပါ ဆန္ဒပြမှုတွင် လူပေါင်းရာချီ ပါဝင်ခဲ့ကြပြီး နိုင်ငံအတွင်းရှိ အမေရိကန်တပ်ဖွဲ့များ ထွက်ခွာရန် တောင်းဆိုခဲ့ကြသည်။

ထို့သို့ ဆန္ဒပြနေစဉ်အတွင်း ရဲတပ်ဖွဲ့ဝင်တစ်ဦး မောင်းနှင်လာသည့် ဗန်ကားတစ်စီးမှာ လူအုပ်ဆီသို့ အတင်းမောင်းဝင်လာကာ ရှေ့တိုးနောက်ဆုတ်ပြုလုပ်၍ ကားအား ၀န်းရံထားသည့် ဆန္ဒပြသူများကို အကြိမ်ကြိမ် တိုက်ခဲ့သည်။

ဖိလစ်ပုိုင် ရဲတပ်ဖွဲ့ကလည်း ဆန္ဒပြသူများကို မျက်ရည်ယိုဗုံးများ အသုံးပြုကာ ဖြိုခွင်းခဲ့ပြီး၊ ဆန္ဒပြသူများ၏ ခေါင်းဆောင်တစ်ဦးဖြစ်သူ ရီနာတို ရီယက်စ်က ကျောင်းသားသုံးဦး ထိခိုက်ဒဏ်ရာများ ရရှိခဲ့သည့်အတွက် ဆေးရုံသို့ ပို့ဆောင်ခဲ့ရသည်ဟု ပြောကြားခဲ့သည်။

ဆန္ဒပြမှုအတွင်း အချို့မှာ သံရုံးအား ၀င်ရောက်စီးနင်းရန် ကြိုးစားခဲ့သည်ဟု သတင်းအချို့က ဖော်ပြခဲ့သည်။ ၎င်းတို့မှာ “အမေရိကန်စစ်အခြေစိုက်စခန်း၊ အမေရိကန်တပ်သားများ အလိုမရှိ” ဆိုသည့် ဆိုင်းဘုတ်များကို ကိုင်ဆောင်ခဲ့သည်။ ရဲတပ်ဖွဲ့ဝင်များ၏ လုံခြုံရေးစည်းကိုလည်း ဆန္ဒပြသူများက ဖြတ်ကျော်ဝင်ရောက်ကာ သံရုံး၏နံရံကို အနီရောင်မှုတ်ဆေးများဖြင့် ပက်ဖြန်းခဲ့ကြသည်။

အမေရိကန်နှင့် ဖိလစ်ပိုင်တို့၏ ဆက်ဆံရေးမှာ အရှေ့တောင်အာရှတွင် အရှည်ကြာဆုံး တည်ငြိမ်ခဲ့သည့် ဆက်ဆံရေးဖြစ်သော်လည်း ဖိလစ်ပိုင်သမ္မတ ဒူတာတေး တက်လာပြီးနောက်ပိုင်းအဖုအထစ် ဖြစ်လာခဲ့သည်။ ဒူတာတေးကမူ ၂၀၀၂ ခုနှစ်ကတည်းကစ၍ နိုင်ငံတောင်ပိုင်း မင်ဒါနာအိုတွင် တပ်ဖြန့်ချထားခဲ့သည့် အမေရိကန်အထူးတပ်ဖွဲ့များကို တိုင်းပြည်မှထွက်ခွာရန် ပြီးခဲ့သည့်လက တိုက်တွန်းခဲ့သည်။

Ref : Presstv