တူရကီရှိ ဆီးရီးယားဒုက္ခသည်များအတွက် အီးယူက ယူရို သန်း ၅၀၀ နီးပါး ကူညီ

အောက်တိုဘာ ၂၀၊ ၂၀၁၆
M-Media

– တူရကီက လက်ခံထားသည့် ဒုက္ခသည် ၃ သန်းအတွက် အကူအညီအဖြစ် ယူရို ၃ ဘီလီယံ ပေးမည်ဟု ကတိပေးထားမှု၏ တစ်စိတ်တစ်ပိုင်းဖြစ်သော ယူရို ၄၆၇ သန်းကို တူရကီအား ပေးအပ်ခဲ့သည်ဟု ဥရောပသမဂ္ဂက ယခုတစ်ပတ်တွင် ကြေငြာခဲ့သည်။

“Facility ခေါင်းစဉ်အောက်နေ ခွဲဝေပေးခဲ့တာ စုစုပေါင်း ယူရို ၂.၂ ဘီလီယံအထိ ရှိသွားပြီဖြစ်ပါတယ်။ အရစ်ကျ ပုံစံနဲ့ အကူအညီပေးခဲ့တာ ဒေါ်လာ ၁.၂ ဘီလီယံအထိ ရှိပါတယ်။ အဲဒီထဲကမှ ယူရို ၄၆၇ သန်းကို မိတ်ဖက်တွေ အကောင်အထည်ဖော်လို့ရအောင် ပေးခဲ့တာ ဖြစ်ပါတယ်။ စီမံကိန်းတွေ အကောင်အထည်ဖော်မှုကိုလိုက်ပြီး ကျန်တာတွေကိုလည်း ပေးသွားမှာဖြစ်ပါတယ်” ဟု ဥရောပကော်မရှင် ဥက္ကဌ ယန် ကလောက် ဂျန်ကာက ပြောကြားခဲ့သည်။

အဆိုပါ Facility အစီအစဉ်မှာ တူရကီတွင် ရှိနေသည့် ဒုက္ခသည်များ ၃ သန်း နေထိုင်ရေးအဆင်ပြေစေရန်နှင့် ကျန်းမာရေး၊ ပညာရေး၊ စားနပ်ရိက္ခာနှင့် လိုအပ်နေသော ကာကွယ်ရေးတို့အတွက် ဖြစ်သည်။

တူရကီနှင့် အီးယူတို့မှာ မတ်လ ၁၈ ရက်နေ့က ဒုက္ခသည်ကူညီမှုဆိုင်ရာ သဘောတူညီချက်တစ်ခုကို လက်မှတ်ရေးထိုးခဲ့ပြီး အဆိုပါသဘောတူညီချက်က လူကုန်ကူသမားများအတွက် ပိုမိုတင်းကြပ်သည့် အရေးယူမှုများ ပြုလုပ်ခြင်း၊ တူရကီတွင်ရှိနေသည့် ဒုက္ခသည်များ၏ နေထိုင်မှုအခြေအနေ ကောင်းမွန်အောင် ဆောင်ရွက်ခြင်းတို့မှတစ်ဆင့် အေဂျီယန်ပင်လယ်ကိုဖြတ်၍ အန္တရာယ်များသည့် အခြေအနေမျိုးဖြင့် ၀င်ရောက်ခြင်းမဖြစ်အောင် ရည်ရွယ်ခြင်းဖြစ်သည်။

Ref : IINA