မောင်တောစစ်ဆင်ရေးတွင် သေဆုံးမှု အစိုးရထုတ်ပြန်သည်ထက် ပိုများနေ

အောက်တိုဘာ ၂၃၊ ၂၀၁၆
M-Media

– ရခိုင်ပြည်နယ်မြောက်ပိုင်းတွင် အစိုးရစစ်တပ်က ပြုလုပ်နေသည့် စစ်ဆင်ရေးအတွင်း သေဆုံးသူအရေအတွက်မှာ သတင်းထုတ်ပြန်ထားသည်ထက် ပိုမို များပြားနေသည်ဟု ဒေသခံများနှင့် လူ့အခွင့်အရေး တက်ကြွလှုပ်ရှားသူများက ပြောကြားလိုက်သည်။

မြန်မာအစိုးရက စစ်တပ်နှင့် ရဲတပ်ဖွဲ့မှာ ရိုဟင်ဂျာမွတ်စလင် လူ့အဖွဲ့အစည်းမှ အနည်းဆုံး လူပေါင်း ၄၀၀ ကျော်ပါဝင်ပြီး နိုင်ငံရပ်ခြား အစ္စလာမ့်မစ်စစ်သွေးကြွများနှင့် အဆက်အသွယ်ရှိသည့် အုပ်စုနှင့် တိုက်ခိုက်နေသည်ဟု ပြောကြားထားသည်။

အောက်တိုဘာ ၉ ရက်နေ့က ဖြစ်ပွားခဲ့သည့် နယ်ခြားစောင့်စခန်းများ တိုက်ခိုက်ခံရမှု၏ နောက်ကွယ်တွင်ရှိသည့် ထိုအုပ်စုကို အဓိကပစ်မှတ်ထားကာ နယ်မြေရှင်းလင်းရေး လုပ်ဆောင်နေသည်ဟု အစိုးရတာဝန်ရှိသူများက ပြောကြားထားသော်လည်း ထိုဒေသတွင် နေထိုင်သူများကမူ လုံခြုံရေးတပ်ဖွဲ့ဝင်များမှာ တိုက်ခိုက်ရေးသမား မဟုတ်သူများကို သတ်ဖြတ်ခြင်း၊ နေအိမ်များမီးရှို့ခြင်းတို့ ပြုလုပ်နေသည်ဟု Reuters သတင်းဌာနသို့ ပြောကြားခဲ့သည်။

ဘင်္ဂလားဒေ့ရ်ှနှင့် ထိစပ်နေသည့် အဆိုပါ မောင်တောမြို့အား စစ်တပ်က ပိတ်ထားသောကြောင့် အစိုးရက ထုတ်ပြန်မှုနှင့် ဒေသခံများ၏ ပြောကြားမှု နှစ်ခုစလုံးကို အတည်ပြုနိုင်ခြင်း မရှိပေ။

ရခိုင်ပြည်နယ်တွင် ရိုဟင်ဂျာများ၏ သွားလာလှုပ်ရှားမှု၊ အခြေခံဝန်ဆောင်မှု ရပိုင်ခွင့်များကို နှစ်ပေါင်းများစွာ တင်းတင်းကျပ်ကျပ် ကန့်သတ်ထားပြီး အောက်တိုဘာ ၉ ရက်နေ့က တိုက်ခိုက်မှုအတွက် ရိုဟင်ဂျာဘာသာစကားပြောဆိုသည့် လက်နက်ကိုင်အုပ်စုတစ်စုက ၎င်းတို့၏ လက်ချက်ဖြစ်သည်ဟု အွန်လိုင်းတွင် ဗီဒီယိုလွှင့်တင်၍ ပြောကြားခဲ့သည်။

နိုင်ငံပိုင်မီဒီယာကမူ ထိုတိုက်ခိုက်မှုအပြီးနောက်ပိုင်း ဓားဖြင့်ခုတ်သည့် အမျိုးသမီး ၂ ဦး အပါအ၀င် တိုက်ခိုက်ရေးသမား ၃၀ ကို သုတ်သင်နိုင်ခဲ့သည်ဟု သတင်းထုတ်ပြန်ခဲ့သည်။

သို့သော်လည်း မောင်တောမြို့နယ်မှ ရပ်ရွာခေါင်းဆောင်နှင့် ဒေသခံများ၊ ရန်ကုန်ရှိ သံတမန်များနှင့် လူ့အခွင့်အရေးအဖွဲ့များကို Reuters သတင်းဌာန၏ မေးမြန်းမှုအရ ၎င်းတို့၏ပြောကြားမှုမှာ အစိုးရ၏ ထုတ်ပြန်ချက်နှင့် ကွဲလွဲနေသည်။

“သေတဲ့လူ ၃၀ ကျော်တာကတော့ သေချာပါတယ်။ သူတို့ထဲက အများစုဟာ အရပ်သားတွေဖြစ်ပြီး တိုက်ခိုက်ရေးသမားတွေ မဟုတ်ပါဘူး” ဟု ရခိုင်ပြည်နယ်စောင့်ကြည့်ရေးအဖွဲ့တစ်ခုဖြစ်သော Arakan Project မှ ခရစ် လီဝါက ပြောကြားခဲ့ပြီး မောင်တောမြို့နယ်တစ်ဝှမ်းရှိ သတင်းရင်းမြစ်များမှ ရရှိသည့် သတင်းများဖြစ်သည်ဟု ဆိုသည်။

ထို့ပြင် မြန်မာအစိုးရစစ်တပ်မှာ ‘အရပ်သားများအား နေရာတွင်ပင် ပစ်သတ်ခြင်း၊ နေအိမ်မီးရှို့ခြင်း၊ ပစ္စည်းများ လုယက်ခြင်းနှင့် တရားလက်လွတ် ဖမ်းဆီးခြင်း’ တို့အပါအ၀င် ‘သောင်းကျန်းသူတိုက်ဖျက်ရေးတွင် လုပ်လေ့လုပ်ထရှိသည့် နေည်းလမ်းများကို သာမန် အရပ်သားများအားအပေါ်’ ပြုလုပ်နေသည်ဟု လီဝါက ထည့်သွင်းပြောကြားခဲ့သည်။

ပြန်ကြားရေးဝန်ကြီးဌာနမှ ညွှန်ကြားရေးမှူးဖြစ်သူ ဦးရဲနိုင်မူ အစိုးရ၏ ထုတ်ပြန်မှုများမှာ ယုံကြည်ရနိုင်သည်ဟု ပြောကြားခဲ့သည်။

“လက်ရှိစစ်ဆင်ရေးက မျက်ကန်းရှာဖွေတာမျိုး မဟုတ်ပါဘူး။ တပ်မတော်က စစ်ကြောရေးတွေကနေ သတင်းအချက်အလက်တွေ ရထားတာကြောင့် ပစ်မှတ်ကို ရှင်းရှင်းလင်းလင်းသိပြီး စစ်ဆင်ရေးနယ်ပယ်ကလည်း သတ်သတ်မှတ်မှတ်ရှိပါတယ်”

စစ်တပ်ကမူ ထိုကိစ္စအတွက် မှတ်ချက်ပေးခြင်း မရှိပေ။

‘စစ်ဆင်ရေး ဧရိယာ’ အဖြစ် ကြေငြာထားသည့် အဆိုပါဒေအတွင်းသို့ နိုင်ငံခြားသတင်းထောက်များကို ၀င်ရောက်ခွင့်မပြုပေ။ သို့သော်လည်း Reuters သတင်းဌာနကမူ ဒေသခံနှင့် ရပ်ရွာအကြီးအကဲတစ်ချို့ကို တယ်လီဖုန်းဖြင့် ဆက်သွယ်နိုင်ခဲ့သည်။

အမည်ထုတ်ဖော်ပြောဆိုခြင်းမရှိခဲ့သည့် အဆိုပါ ဒေသခံများ၏ ပြောကြားမှုများမှာ အစိုးရ၏ တရားဝင်သတင်းထုတ်ပြန်ချက်နှင့် သိသိသာသာ ကွဲလွဲနေသည်။ ၎င်းတို့က သေဆုံးသူအရေအတွက်မှာ သတင်းထုတ်ပြန်သည်ထက် ပိုမိုများပြားနေကာ သတ်ဖြတ်ခံရသူများမှာလည်း လက်နက်မဲ့များဖြစ်သည်ဟု ပြောကြားခဲ့သည်။

နိုင်ငံပိုင် မြန်မာ့အလင်းသတင်းဌာနကမူ အောက်တိုဘာ ၁၁ ရက်နေ့က ကြက်ရိုးပြင်ရွာအနီးတွင် လူ ၃၀ ခန့်ရှိသည့်အုပ်စုက အစိုးရတပ်ဖွဲ့များအား တိုက်ခိုက်ခဲ့ပြီး ထိုတိုက်ခိုက်မှုတွင် အကြမ်းဖက်သမား ၁၀ ဦး သေဆုံးခဲ့ကြောင်း၊ တိုက်ခိုက်မှုပြီးနောက် အကြမ်းဖက်သမားများမှာ ထွက်ပြေးသွားခဲ့ပြီး နေအိမ်များကို မီးရှို့ခဲ့သည်ဟု ဖော်ပြခဲ့သည်။

သို့သော်လည်း အဆိုပါဒေသတွင် နေထိုင်သူ ရိုဟင်ဂျာများကမူ ထိုနေ့တွင် လုံခြုံရေးတပ်ဖွဲ့ဝင်များက အမျိုးသမီး ၈ ဦးအပါအ၀င် အနည်းဆုံး လူ ၁၉ ဦးကို သတ်ဖြတ်ခဲ့သည်ဟု ယုံကြည်ရပြီး ရွာ၏ အစိတ်အပိုင်းများကို မီးရှို့ခဲ့သူများမှာလည်း စစ်သားများဖြစ်သည်ဟု ပြောကြားခဲ့သည်။

ကုလသမဂ္ဂကမူ အဆိုပါ တိုက်ခိုက်မှုများကြောင့် ထိုဒေသအတွင်း စားနပ်ရိက္ခာနှင့် ဆေးဝါးအကူအညီများ ပေးပို့ရန် အကူအညီပေးရေးအေဂျင်စီများအတွက် အဟန့်အတားဖြစ်နေသည်ဟု ပြောကြားခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကမူ စစ်ဆင်ရေးတွင် ဥပဒေအတိုင်း ထိန်းထိန်းသိမ်းသိမ်းဆောင်ရွက်ရန် တိုက်တွန်းခဲ့သည်။ သို့သော်လည်း စစ်ဆင်ရေးကို ကိုင်တွယ်နေသည့် ပြည်ထဲရေးဝန်ကြီးဌာန၏ ၀န်ကြီးနှင့် အခြားလုံခြုံရေးတပ်ဖွဲ့နှစ်ခု၏ ၀န်ကြီးများမှာ စစ်တပ်မှ ခန့်အပ်ထားသူများဖြစ်သည်။

အိန္ဒိယသို့ သွားရောက်သည့်ခရီးစဉ်တွင် ဒေါ်အောင်ဆန်းစုကြည်က အောက်တိုဘာ ၉ ရက် နယ်ခြားစောင့်စခန်းအား တိုက်ခိုက်မှုနှင့်ပတ်သက်၍ အစိုးရ၏ ကနဦးထုတ်ပြန်ချက်က အခြေခံထားသည့် သတင်းရင်းမြစ်မှာ ယုံကြည်စိတ်ချရမှု မရှိသည်သော သတင်းရင်းမြစ်လည်း ဖြစ်နိုင်သည်ဟု ပြောကြားခဲ့သည်။

သံတမန်များကမူ နယ်ခြားစောင့်စခန်းများကို တိုက်ခိုက်သည့်အဖွဲ့ကို နိုင်ငံပြင်ပမှ ထောက်ပံ့သူများမှာ အစ္စလာမ့်မစ် စစ်သွေးကြွအဖွဲ့များထက် ပါကစ္စတန်နှင့် ဆော်ဒီတို့တွင် ရွှေ့ပြောင်းနေထိုင်နေရသည့် ရိုဟင်ဂျာများဖြစ်သည်ဟု ယုံကြည်ရကြောင်း ပြောကြားခဲ့သည်။

Ref: Bangkokpost