ကျူးကျော်နေထိုင်သည့် ဂျူးတစ်ဦးက ပါလက်စတိုင်းမိသားစုကို ကားဖြင့်တိုက်သတ်

အောက်တိုဘာ ၂၇၊ ၂၀၁၆
M-Media

– ပါလက်စတိုင်းပိုင် အနောက်ဖက်ကမ်းရှိ အစ္စရေး၏ ကျူးကျော်အိမ်ယာများတွင် နေထိုင်သူတစ်ဦးမှာ ပါလက်စတိုင်း မိသားစုတစ်စုကို ကားဖြင့်တိုက်သတ်မှု ဖြစ်ပွားခဲ့ပြီး မိသားစုတစ်စုလုံး ဒဏ်ရာရရှိခဲ့သည်ဟု သိရသည်။

အင်္ဂါနေ့က အနောက်ဖက်ကမ်းမြောက်ပိုင်း ကွာကီလ်ယာမြို့တွင် ဖြစ်ပွားခဲ့ခြင်းဖြစ်ပြီး ပါလက်စတိုင်းလခြမ်းနီအသင်းက တိုက်ခိုက်ခံရသူများသည် ပါလက်စတိုင်း ဇနီးမောင်နှံနှစ်ဦးနှင့် ၎င်းတို့၏ သားဖြစ်သူတို့ဖြစ်ကြောင်း ပြောကြားခဲ့သည်။

ပါလက်စတိုင်းပိုင် အနောက်ဖက်ကမ်းတွင် အစ္စရေးက ဆောက်လုပ်ထားသည့် တရားမ၀င် အခြေချအိမ်ယာများတွင် နေထိုင်သူများမှာ ပါလက်စတိုင်းပြည်သူများကို ကားဖြင့်တိုက်ကာ ထွက်ပြေးမှုများရှိနေပြီး အစ္စရေးအာဏာပိုင်များကမူ ထိုကိစ္စများအတွက် ထိရောက်သည့် အရေးယူမှုများ ပြုလုပ်ခြင်း မရှိပေ။

စက်တင်ဘာ ၁၀ ရက်နေ့က တရားမ၀င်နေထိုင်သူ ဂျူးတစ်ဦးမှာ အနောက်ဖက်ကမ်းတောင်ပိုင်းရှိ အစ္စရေး၏ တရားမ၀င်အိမ်ယာသို့ သွားသောလမ်းတွင် အသက် ၆ နှစ်အရွယ် ပါလက်စတိုင်းအမျိုးသမီးငယ်တစ်ဦးကို ကားဖြင့် တိုက်သတ်ခဲ့သည်။

၁၉၆၇ ခုနှစ် အစ္စရေးက ပါလက်စတိုင်းပိုင်နက်များကို ကျူးကျော်သိမ်းပိုက်ပြီးနောက်ပိုင်း ပါလက်စတိုင်းပိုင်နက်အတွင်း ဆောက်လုပ်ထားသည့် တရာမ၀င်အိမ်ယာပေါင်းမှာ ၂၃၀ ကျော်ရှိပြီး လက်ရှိအချိန်တွင် ထိုအိမ်ယာများ၌ လူ သန်းဝက်ကျော် နေထိုင်နေကြသည်။

အစ္စရေးက ထိုကဲ့သို့ အိမ်ယာဆောက်လုပ်မှုများမှာ နိုင်ငံတကာ ဥပဒေအရ တရားမ၀င်ဘဲ ရပ်တန့်ရန် နိုင်ငံတကာ အသိုင်းအ၀ိုင်းက တိုက်တွန်းမှုများရှိသော်လည်း အစ္စရေးက လိုက်နာခြင်းမရှိပေ။

Ref : Presstv