အာဆင်နယ်သို့ ပြန်မရောက်တော့ဟု ၀ီလ်ရှိုင်းယားထင်နေ

အောက်တိုဘာ ၂၉၊ ၂၀၁၆
M-Media

– ဒဏ်ရာများဆက်တိုက်ရကာ အာဆင်နယ်တွင် အပြည့်အ၀ အားမစိုက်နိုင်မှုများ ဖြစ်ခဲ့ပြီးနောက် မိမိမှာ အသင်းနှင့် အနာဂတ်တွင် ဆက်လက်ရှိနေမည်လားဆိုသည်ကို မသိရှိတော့ဟု အာဆင်နယ် ကွင်းလယ်လူဟောင်း ၀ီလ်ရှိုင်းယားက ပြောကြားလိုက်သည်။

အသက် ၂၄ နှစ်အရွယ်ရှိ ၀ီလ်ရှိုင်းယားမှာ သြဂုတ်လက ဘုန်းမောက်အသင်းသို့ တစ်နှစ်အငှားစာချုပ်ဖြင့် ပြောင်းရွှေ့သွားခဲ့ပြီး ခြေစွမ်းပြနေသည့် ဘုန်းမောက်တွင် အဓိကအခန်းကဏ္ဍမှ ပါဝင်နေသည်။

အာဆင်နယ်တွင်ကစားခဲ့စဉ်က ၀ီလ်ရှိုင်းယားမှာ ဒဏ်ရာအနာတရများနှင့် လုံးပမ်းခဲ့ရပြီး ယခုနှစ် နွေရာသီအပြောင်းအရွှေ့တွင် မိုဟာမက် အဲလ်နီနီနှင့် ဂရာနစ်ဇာဟာတို့ကို ခေါ်ယူပြီးနောက်ပိုင်း ၀ီလ်ရှိုင်းယား၏ အာဆင်နယ်အနာဂတ်မှာ မှေးမှိန်လာခဲ့သည်။

အာဆင်နယ်နှင့် ၂၀၁၈ ခုနှစ်အထိ သက်တမ်းရှိနေသည့် ၀ီလ်ရှိုင်းယားကမူ အာဆင်နယ်တွင် ပြန်လည်ချေခြခွင့်မရတော့ဟု ယူဆနေသည်။

“တစ်ရာသီလောက် အားထုတ်ပြီး ကစားသမားတစ်ယောက်အဖြစ် တိုးတက်အောင်လုပ်ပြီးတဲ့နောက်ပိုင်းမှာ အနာဂတ်နဲ့ပတ်သက်လို့ ကျွန်တော် တကယ့်ကို မစဉ်စားဖူးသေးပါဘူး။ အာဆင်နယ်၊ ဒါမှမဟုတ် တစ်နေရာမှာ အဆုံးသတ်မလားဆိုတာ ကျွန်တော်သေချာတောင် မသိပါဘူး။ ပြီးခဲ့တဲ့ ၂ လလောက်တုန်းက ကျွန်တော့်ကို အာဆင်နယ်မှာ အဆုံးသတ်မလားလို့မေးရင် ကျွန်တော် ‘အင်း – ဟုတ်တာပေါ့’ လို့ဖြေမိမှာပါ” ဟု ၀ီလ်ရှိုင်းယားက ပြောကြားခဲ့သည်။

ထို့ပြင် မိမိအနေဖြင့် ပရိသတ်များ၊ အာဆင်ဝင်းဂါးနှင့် အသင်းဖော်များကို ကျေးဇူးတင်ကြောင်း ၎င်းက ထည့်သွင်းပြောဆိုခဲ့သည်။

Ref: Goal