ကမ္ဘာလှည့်ခရီးသွားလုပ်ငန်းကို အိုမန် မြှင့်တင်မည်

အောက်တိုဘာ ၃၁၊ ၂၀၁၆
M-Media

– ၂၀၄၀ အရောက်တွင် နိုင်ငံတကာခရီးသွားဧည့်သည် ၅ သန်းကျော်ကို ဆွဲဆောင်နိုင်ရန်အတွက် အိုမန်အစိုးရက ကန်ဒေါ်လာ ၃၅ ဘီလီယံတန်ဖိုးရှိ ရင်းနှီးမြှုပ်နှံမှု အစီအစဉ်သစ်တစ်ရပ်ကို စတင်လိုက်သည်ဟု သိရသည်။

အဆိုပါ အစီအစဉ်အသစ်အရ ကမ္ဘာ့လှည့်ခရီးသွားကဏ္ဍတွင် အိုမန်နိုင်ငံသားများအပါအ၀င် လူငါးသိန်းကျော်ကို အလုပ်အကိုင်ပေးနိုင်ရန် အစိုးရက ခန့်မှန်းထားသည်။ ရင်းနှီးမြှုပ်နှံမှုအတွင်း ဟိုတယ်များ၊ အားလပ်ရပ် အပန်းဖြေအိမ်များ၊ ခရီးသွား အိမ်ယာများ ဆောက်လုပ်မှု ပါဝင်မည်ဖြစ်သည်။

ဒိုဖာပြည်နယ် မြို့တော် ဆာလာလာသည် အိုမန်ခရီးသွားလာရေးလုပ်ငန်း၏ အချက်အချာကျသည့် နေရာဖြစ်နေပြီး အဆင့်မြင့်ဟော်တည်ကြီးများ ရှိနေသည်။ ထို့ပြင် အုန်းစိုက်ခင်းများ၊ စွန်ပလွံသီးခြံများ၊ တိတ်ဆိတ်သော ကမ်းခြေများ၊ ဘာသာရေးဆိုင်ရာ သမိုင်းဝင်အဆောက်အဦးများလည်း ဒိုဖာပြည်နယ်တွင် ရှိနေသည်။

အိုမန်နိုင်ငံ၏ စီးပွားရေးသည် ရေနံကို ရှာဖွေမတွေ့ရှိမီအချိန်ထိ စိုက်ပျိုးမွေးမြူရေး၊ ငါးဖမ်းလုပ်ငန်း၊ ကုလားအုတ်နှင့် ဆိတ်မွေးလုပ်ငန်း၊ လက်မှုအနုပညာလုပ်ငန်းများကို မှီခိုခဲ့ရကာ ပြီးခဲ့သည့် ဆယ်စုနှစ်လေးခုအတွင်း အဆိုပါဘုရင့်နိုင်ငံတော်သည် တဖြည်းဖြည်း ဖွံ့ဖြိုးတိုးတက်လာခဲ့သည်။

ပြီးခဲ့သည့်နှစ်အတွင်း အိုမန်နိုင်ငံသို့ လာရောက်လည်ပတ်သူ ၂.၅ သန်းရှိခဲ့ပြီး ၂၀၄၀ ခုနှစ်တွင် ခရီးသွား ၅ သန်းကျော် ရရှိနိုင်ရေး ဆွဲဆောင်သွားမည်ဟု အိုမန်အစိုးရက ယခုနှစ်အစောပိုင်းတွင် ကြေငြာခဲ့သည်။ လက်ရှိတွင် ခရီးသွားလုပ်ငန်းက နိုင်ငံစီးပွားရေး၏ ၂.၅ ရာခိုင်နှုန်း ရှိနေကာ အစိုးရက ၆ ရာခိုင်နှုန်းအထိ မြှင့်တင်သွားရန် အစီအစဉ်ရှိနေသည်။

Ref; IINA