အစွန်းရောက်အမြင်များကို တိုက်ဖျက်မည့် စင်ကာပူမှ လူငယ် အစ္စလာမ့်ဓမ္မပညာရှင်များ

နိုဝင်ဘာ ၂၊ ၂၀၁၆
M-Media

အလ်-အဇ်ဟာရ်မှ ဘွဲ့ရ စင်ကာပူလူငယ်များနှင့် စင်ကာပူသမ္မတ

– ဘာသာရေးအစွန်းရောက်အဖွဲ့များက ဆိုရှယ်မီဒီယာများတွင် လူငယ်များအား ၎င်းတို့နှင့် လာရောက်ပူးပေါင်းရန် သွေးဆောင်ဖျားယောင်းနေကြသည့်အချိန်တွင် အီဂျစ်ရှိ ထင်ရှားသည့် အလ်-အဇ်ဟာရ် အစ္စလာမ့်တက္ကသိုလ်မှ ဘွဲ့ရ စင်ကာပူလူငယ်များကတော့ အဆိုပါအစွန်းရောက်အတွေးအမြင်များကို ဖြေရှင်းရန်၊ မှားယွင်းကြောင်း သက်သေပြန်ရန်အတွက် မိမိတို့မှာ အရေးပါသည့်နေရာတွင် ရှိနေသည်ဟု ရှုမြင်နေကြသည်။

“အလ်-အဇ်ဟာရ်တက္ကသိုလ်က ဘွဲ့ရတစ်ယောက်အနေနဲ့ အစ္စလာမ်ဟာ အစွန်းရောက်အယူဝါဒ မဟုတ်ဘူးဆိုတာ လူထုကို ပညာပေးဖို့၊ သင်ကြားပေးဖို့ ကျွန်မဟာ အရေးပါတဲ့ အခန်းကဏ္ဍက ပါဝင်နေတယ်လို့ ခံစားရသလို၊ တကယ်လည်း ဒီလိုတာဝန် ရှိနေပါတယ်” ဟု အလ်-အဇ်ဟာရ်တက္ကသိုလ်မှ ထူးချွန်စွာအောင်မြင်ခဲ့သူ စင်ကာပူမွတ်စလင်အမျိုးသမီး နူရ် ဒီယာနာ ဇာအစ်က ပြောကြားခဲ့သည်။

သူမက ကျောင်းပြီးလျှင် ‘လူငယ်များကို အသိပညာပေးရန်၊ အမျိုးသမီးများကို စွမ်းအားမြှင့်တင်ပေးရန်’ အတွက် ပညာရေးနှင့်ပတ်သက်သည့် လမ်းကြောင်းတစ်ခုပေါ်၌ လျှောက်လှမ်းသွားရန် စီစဉ်နေသည်။

“အစ္စလာမ်ရဲ့ စစ်မှန်တဲ့ သင်ကြားမှုတွေ ဖြန့်ဝေဖို့၊ အစ္စလာမ်ရဲ့ အကောင်းဆုံး အယူအဆကို ပေးအပ်ဖို့နဲ့ ဒီတက္ကသိုလ်မှာ ကျွန်တော် သင်ကြားခဲ့သမျှကို ပြန်လည်မျှဝေဖို့ စိတ်ကူးထားပါတယ်” ဟု အသက် ၂၅ နှစ်အရွယ် အူဖာက ပြောကြားခဲ့သည်။

အူဖာမှာ အလ်-အဇ်ဟာရ်တွင် ဒဿနိကဗေဒနှင့် အစ္စလာမ့် သီယိုလိုဂျီတို့ကို သင်ယူခဲ့ပြီး စင်ကာပူသို့ ပြန်လည်ရောက်ရှိပါက ပညာသင်ကြားရေးလိုင်းဖက်တွင် ကျင်လည်ရန်လည်း သူက စီစဉ်ထားသည်။

မစ္စတာအူဖာနှင့် မစ် ဒီယာနာတို့မှာ အင်္ဂါနေ့ညပိုင်းက အလ်-အဇ်ဟာရ်တက္ကသိုလ်မှ ဘွဲ့ရခဲ့ခြင်းဖြစ်ပြီး ဘွဲ့နှင်းသဘင် အခမ်းအနားတွင် အီဂျစ်နိုင်ငံသို့ နိုင်ငံတော်တာဝန်ဖြင့် အလည်အပတ်ရောက်ရှိနေသည့် စင်ကာပူသမ္မတ တိုနီ တန် ကင်ယမ်လည်း အထူးဧည့်သည်တော်အဖြစ် တက်ရောက်ခဲ့သည်။

အစ္စလာမ့်ဓမ္မရေးရာသင်ကြားမှုတွင် ကမ္ဘာ့အချက်အချာနေရာတစ်ခုဖြစ်သည့် အလ်-အဇ်ဟာရ်တက္ကသိုလ်မှ ယခုနှစ်တွင် ဘွဲ့ရခဲ့သော စင်ကာပူကျောင်းသားအရေအတွက်မှာ ၄၅ ဦး ရှိခဲ့ပြီး အစ္စလာမ့်တရားဥပဒေ၊ အစ္စလာမ့်သီယိုလော်ဂျီ၊ အာရဘီဘာသာစကားနှင့် စာပေတို့ဖြင့် ဘွဲ့ရခဲ့ခြင်းဖြစ်သည်။ အလ်-အဇ်ဟာရ်မှာ ‘အစ္စလာမ့်ရေးရာ အောက်စဖို့ဒ်’ ဟုလည်း အမည်တွင်သည်။

“ခင်ဗျားတို့အားလုံးဟာ မွတ်စလင်လူ့အဖွဲ့အတွက် မျိုးဆက်သစ်ခေါင်းဆောင်တွေပါပဲ” ဟု သမ္မတ ဒေါက်တာတန်က ဘွဲ့နှင်းသဘင် အခမ်အနားပြီးနောက် အဆိုပါ စင်ကာပူ ကျောင်းသားများကို ပြောကြားခဲ့သည်။ ဘွဲ့နှင်းသဘင် အခမ်းအနားတွင်လည်း သမ္မတက ၎င်းတို့၏ ကြိုးစားအားထုတ်မှုများ အောင်မြင်ပါစေကြောင်း ဆုမွန်ကောင်း တောင်းပေးခဲ့သည်။

ထိုကျောင်းသားများအနေဖြင့် ‘စင်ကာပူတွင် လူမျိုးရေးနှင့် ဘာသာရေး သဟဇာတဖြစ်မှုကို ဆက်လက်မြှင်တင့်ပေးမည်’ ဟု မိမိအနေဖြင့် ယုံကြည်ကြောင်း မစ္စတာတန်က ထည့်သွင်း ပြောကြားခဲ့သည်။

ယခင်နှင့် လက်ရှိ မွဖ်သီများအပါအ၀င် စင်ကာပူရှိ မွတ်စလင်ခေါင်းဆောင်အများစုမှာ အလ်-အဇ်ဟာရ်တက္ကသိုလ်မှ ဘွဲ့ရထားကြသူများဖြစ်သည်။ အဆိုပါတက္ကသိုလ်က စင်ကာပူရှိ မဒ်ရာဆာ (အစ္စလာမ့် အခြေခံ ဘာသာရေးသင်တန်းကျောင်း) ၄ ခုကိုလည်း အသိအမှတ်ပြုလက်မှတ် ထုတ်ပေးထားသည်။

ထို့ပြင် ပြီးခဲ့သည့် ၁၀ စုနှစ်တစ်ခုအတွင်း စင်ကာပူကျောင်းသားများကို ပညာတော်သင်ဆု ပေးသည်။ အလ်-အဇ်ဟာရ်မှ ဘွဲ့ရခဲ့သူအများစုမှာ နိုင်ငံတွင်းရှိ မဒ်ရာဆာများတွင် ဓမ္မဆရာများ ဖြစ်လာခဲ့ပြီး အစိုးရမဟုတ်သော အဖွဲ့အစည်းများတွင် ၀င်ရောက်လုပ်ကိုင်သူ၊ နိုင်ငံရပ်ခြားသံရုံးများတွင် ဘာသာပြန်အဖြစ် လုပ်ကိုင်သူများလည်း ရှိသည်။

“သူတို့တွေ (ဘွဲ့ရခဲ့သည့် ကျောင်သားများ) ဟာ အရေးပါတဲ့ အခန်းကဏ္ဍမှာ ရှိနေပါတယ်။ သူတို့ဟာ စင်ကာပူမှာ ကျင်လည်ကြမှာဖြစ်ပြီး ကျွန်တော်တို့လူ့အဖွဲ့အစည်းမှာ လေးစားအားထားမှုအဆင့်တစ်ခုကို ရရှိမှာပါ” ဟု စင်ကာပူနိုင်ငံ၏ မွတ်စလင်ရေးရာဝန်ကြီး ယာကွဘ် အီဘရာဟင်က ပြောကြားခဲ့သည်။

“မတူညီတဲ့လူ့အဖွဲ့အစည်းတွေ အပြည့်အဝေ ပူးပေါင်းပါဝင်တဲ့ လူ့အဖွဲ့အစည်းဖြစ်တည်ရေးဆိုတဲ့ ကျွန်တော်တို့လိုချင်တဲ့ ရလဒ်မျိုး ရရှိဖို့အတွက် လူ့အဖွဲ့အစည်းကို ကူညီဖေးမဖို့ အဲဒီ ကြည်ညိုလေးစားမှုကို သူတို့ ပါးပါးနပ်နပ် အသုံးချရမှာ ဖြစ်ပါတယ်”

Ref: Channelnewsasia