တောင်တရုတ်ပင်လယ်တွင် သြဇီနှင့် အင်ဒိုတို့ ပူးတွဲကင်းလှည့်မည်

နိုဝင်ဘာ ၂၊ ၂၀၁၆
M-Media

– မိမိတို့အနေဖြင့် အင်ဒိုနီးရှားနိုင်ငံနှင့်အတူ အငြင်းပွားတောင်တရုတ်ပင်လယ်ပြင်တွင် ပူးတွဲရေကြောင်းကင်းလှည့်မှုပြုလုပ်ရန် စီစဉ်နေသည်ဟု သြစတေးလျနိုင်ငံခြားရေးဝန်ကြီး ဂျူလီဘစ်ရှော့က ယမန်နေ့တွင် ပြောကြားလိုက်သည်။

ပြီးခဲ့သည့်သီတင်းပတ်က ဘာလီမြို့တွင် ပြုလုပ်ခဲ့သည့် နှစ်နိုင်ငံအစည်းအဝေးတွင် အင်ဒိုနီးရှားက ထိုကဲ့သို့ ပူးတွဲကင်းလှည့်မှုပြုလုပ်ရန် တင်ပြခဲ့ခြင်းဖြစ်ပြီး ဘစ်ရှော့က ထိုတင်ပြချက်မှာ မိမိတို့ကျင့်သုံးနေသည့် လွတ်လပ်စွာ ရေကြောင်းသွားလာခွင့် ပေါ်လစီနှင့် ကိုက်ညီသည်ဟု ဆိုသည်။

အမေရိကန်၏ ခိုင်မာသော မဟာမိတ်ဖြစ်သည့် သြစတေးလျမှာ ယခင်က တောင်တရုတ်ပင်လယ်အနီးတွင် ၎င်း၏ လေယာဉ်များ ပျံသန်းမှုရှိခဲ့ပြီး တရုတ်ကမူ ဝေဖန်ရှုတ်ချမှု ပြုလုပ်ခဲ့သည်။ အမေရိကန်ကမူ လွတ်လပ်စွာရေကြောင်းသွားလာခွင့်ကို ကျင့်သုံးခြင်းသာဖြစ်သည်ဟု သြဇီအား ထောက်ခံခဲ့သည်။

တရုတ်နိုင်ငံမှာ တောင်တရုတ်ပင်လယ်၏ အစိတ်အပိုင်းအများစုကို ပိုင်ဆိုင်ကြောင်း ပြောကြားထားပြီး ဘရူးနိုင်း၊ မလေးရှား၊ ဖိလစ်ပိုင်၊ ထိုင်ဝမ်၊ ဗီယက်နမ်တို့ကလည်း တောင်တရုတ်ပင်လယ်၏ အစိတ်အပိုင်းအချို့မှာ ၎င်းတို့၏ ပိုင်နက်အတွင်းရှိသည်ဟု ဆိုသည်။

အင်ဒိုနှင့် သြစတေးလျတို့မှာ တီမောပင်လယ်တွင် ပူးတွဲ ပင်လယ်ပြင် ကင်းလှည့်မှုများ ပြုလုပ်ခဲ့ပြီး လူကုန်ကူးသူများ၊ တရားမ၀င်ငါးဖမ်းသူများအား တွန်းလှန်ရန် ကြိုးပမ်းမှု အစိတ်အပိုင်းလည်းဖြစ်သည်။

ဘစ်ရှော့ကမူ တောင်တရုတ်ပင်လယ်တွင် ကင်းလှည့်မှု ပြုလုပ်ပါက မိမိတို့အနေဖြင့် ဒေသတွင်းနိုင်ငံများကို အသိပေးသွားမည်ဟု ထည့်သွင်းပြောကြားခဲ့သည်။

Ref : Channelnewsasia