ဘိုကိုဟရမ်လက်မှလွတ်လာသူများ နိုက်ဂျီးယားအစိုးရအဖွဲ့ဝင်များ၏ အဓမ္မကျင့်မှု ခံနေရ

နိုဝင်ဘာ ၄၊ ၂၀၁၆
M-Media

– ဘိုကိုဟရမ် အကြမ်းဖက်အဖွဲ့လက်မှ လွတ်မြောက်လာသည့် အမျိုးသမီးငယ်များမှာ နိုင်ငံမြောက်ပိုင်း ၎င်းတို့ ခိုလှုံရာ ယာယီစခန်းများ၌ အစိုးရတာဝန်ရှိသူများ၏ အဓမ္မပြုကျင့်မှုကို ခံခဲ့ရသည်ဟု နိုင်ငံတကာ လူ့အခွင့်အရေးစောင့်ကြည့်အဖွဲ့ Human Rights Watch က ထုတ်ပြန်သည့် အစီရင်ခံစာတွင် ဖော်ပြထားသည်။

ဘိုနိုပြည်နယ်မြို့တော် မိုဒူဂူရီမှ အိုးအိမ်စွန့်ခွာထွက်ပြေးလာရသူများ နေထိုင်ရာ ကယ်ဆယ်ရေးစခန်းများမှ အမျိုးသမီးများဖြစ်ပြီး ကယ်ဆယ်ရေးစခန်း ခေါင်းဆောင်များ၊ ရပ်ရွာကာကွယ်စောင့်ရှောက်ရေးအဖွဲ့ဝင်များနှင့် စစ်သားများက အဓ္ဓမပြုကျင်းခဲ့ခြင်းဖြစ်သည်ဟု Human Rights Watch အဖွဲ့သို့ ပြောကြားခဲ့သည်။

ထို့ပြင် ကိုယ်ဝန်ရပြီးနောက် ထိုတာဝန်ရှိသူများက ၎င်းတို့အား စွန့်ပစ်သွားခဲ့သည်ဟုလည်း ဆိုသည်။

“ဒီအမျိုးသမီးတွေ၊ မိန်းကလေးငယ်တွေ ဘိုကိုဟရမ်လက်ထဲမှာ ခံစားခဲ့ရတဲ့ ကြောက်စရာစိတ်ဒဏ်ရာတွေကို ကုသဖို့အတွက် လိုအပ်တဲ့ အထောက်အပံ့တွေ မရတာကိုက တော်တော်လေး ဆိုးရွားနေပါပြီ။ ဒီအမျိုးသမီတွေကို ကာကွယ်ပေးရမယ့် တာဝန်ရှိသူတွေက သူတို့ကို စော်ကားတာ၊ အမြတ်ထုတ်တာမျိုးကတော့ ရှက်စရာကောင်းသလို၊ ယုတ်ညံ့တဲ့အပြုအမူပါပဲ” ဟု HRW မှ အကြီးတန်း သုတေသနပညာရှင်ဖြစ်သူ နိုက်ဂျီးရီးယား နိုင်ငံသား မော်စီ ဆီဂန်က ပြောကြားခဲ့သည်။

နိုက်ဂျီးရီးယားသမ္မတ မိုဟာမာဒူ ဘူဟာရီကမူ အဆိုပါ စွပ်စွဲချက်များအတွက် တုန်လှုပ်ခြောက်ခြားမိသည်ဟု သမ္မတရုံးမှ ထုတ်ပြန်သော ကြေငြာချက်တွင် ဖော်ပြထားပြီး၊ ထိုကိစ္စနှင့်ပတ်သက်၍ စုံစမ်းစစ်ဆေးမှုများ စတင်ရန်အတွက် ဘူဟာရီက ရဲချုပ်နှင့် အစိုးရထိပ်တန်း တာဝန်ရှိသူများကို ညွှန်ကြားထားသည်ဟု ဆိုသည်။

တနင်္လာနေ့က ထုတ်ပြန်ခဲ့သည့် အဆိုပါအစီရင်ခံစာတွင် ဘိုနိုပြည်နယ်ရှိ ရွာနှင့် မြို့များစွာမှ အိုးအိမ်စွန့်ခွာ ထွက်ပြေးကာ ကယ်ဆယ်ရေးစခန်းများတွင် နေထိုင်နေရသည့် အမျိုးသမီးနှင့် မိန်းကလေးငယ် ၄၃ ဦး၏ ပြောကြားချက်များကို ပြုစုထားသည်။

ထိုအထဲမှ ၈ ဦးမှာ ယခင်က ဘိုကိုဟရမ် အကြမ်းဖက်အဖွဲ့၏ ပြန်ပေးဆွဲမှုကို ခံရပြီး အတင်းအဓမ္မ လက်ထပ်ခံခဲ့ရပြီးနောက်ပိုင်းတွင် ပြန်လွတ်လာခြင်းဖြစ်သည်။ ကျူးလွန်ခံခဲ့ရသူ အခြား ၄ ဦးကမူ ၎င်းတို့မှာ အဓမ္မပြုကျင့်မခံရမီ ပထမဆုံး မူးယစ်ဆေးဝါး ထိုးသွင်းခံခဲ့ရသည်ဟု ပြောကြားခဲ့သည်။

HRW ကမူ အမျိုးသမီး ၃၇ ဦးမှာ လက်ထပ်မည်၊ သို့မဟုတ် ပစ္စည်းဥစ္စာနှင့် ငွေကြေး၊ စားနပ်ရိက္ခာထောက်ပံ့မည်ဟုသော မက်လုံးများဖြင့် လှည့်ဖျားကာ အဓမ္မပြုကျင့်ခံခဲ့ရခြင်းဖြစ်သည်ဟု ပြောကြားခဲ့သည်။

Ref: CNN