ကန်သမ္မတရွေးကောက်ပွဲ နောက်ဆုံးစစ်တမ်းတွင် ကလင်တန်က အနည်းငယ်သာ အသာရ

နိုဝင်ဘာ ၆၊ ၂၀၁၆
M-Media

– အင်္ဂါနေ့တွင် ပြုလုပ်မည့် အမေရိကန်သမ္မတရွေးကောက်ပွဲအတွက် ၀ါရှန်တန်ပို့စ်နှင့် ABC သတင်းဌာနတို့က ကောက်ယူပြီး ယနေ့တွင် ထုတ်ပြန်ခဲ့သည့် စစ်တမ်းအရ ဒီမိုကရက်တစ်ပါတီ သမ္မတလောင်း ဟီလာရီကလင်တန်က ရီပက်ဘလစ်ကန်ပါတီ သမ္မတလောင်း ဒေါ်နယ်ထရမ့်ထက် အနည်းငယ်သာ အသာရနေသည်ဟု သိရသည်။

ကလင်တန်ကို ထောက်ခံသူမှာ ၄၇ ရာခိုင်နှုန်းရှိပြီး ထရမ့်ကို ထောက်ခံသူမှာ ၄၄ ရာခိုင်နှုန်းရှိနေခြင်းဖြစ်သည်။ ကလင်တန်အား ထောက်ခံသူများတွင် အမာခံအရေအတွက်မှာ ၅၅ ရာခိုင်နှုန်းရှိပြီ ထရမ့်အတွက် အမာခံအရေအတွက်မှာ ၄၃ ရာခိုင်နှုန်း ရှိနေသည်။ ပြိုင်ဘက်သမ္မတလောင်းအား ဆန့်ကျင်သူများတွင် ထရမ့်ကိုထောက်ခံသူများက ပိုများနေသည်။

အမေရိကန်သမ္မတ ရွေးကောက်ပွဲကို နိုဝင်ဘာ ၈ ရက်နေ့တွင် ပြုလုပ်မည်ဖြစ်ပြီး ယမန်နေ့က သမ္မတလောင်းနှစ်ဦးမှာ ၎င်းတို့၏ နောက်ဆုံးမဲဆွယ်မှုကို ပြုလုပ်ခဲ့သည်။ နီဗာဒါတွင် ပြုလုပ်ခဲ့သည့် ထရမ့်၏ မဲဆွယ်ပွဲတွင် လူဖြူအမျိုးသားတစ်ဦးက ‘သေနတ်’ ဟု အော်ခဲ့သောကြောင့် လုံခြုံရေးများမှာ ထရမ့်အား စတိတ်စင်နောက်ဖက်သို့ ခေတ္တ ခေါ်ဆောင်သွားခဲ့ရသည်။

သို့သော်လည်း အဆိုပါ အမျိုးသားနှင့် ပတ်ဝန်းကျင်အား ရှာဖွေစစ်ဆေးမှုအရ မည်သည့်လက်နက်မှ မတွေ့ခဲ့ပေ။

ဝါရှင်တန်တက္ကသုိုလ်မှ သမိုင်းပါမောက္ခတစ်ဦးဖြစ်သူ အလန် လစ်ခ်ျမန်းက ရီပက်ဘလစ်ကန်သမ္မတလောင်း ရော်နယ်ရေဂင်က ဒီမိုကရက်တစ်သမ္မတလောင်း ဝေါလ်တာ မွန်ဒါလီကို အနိုင်ရခဲ့သည့် ၁၉၈၄ ခုနှစ် ရွေးကောက်ပွဲနောက်ပိုင်း ယခု သမ္မတရွေးကောက်ပွဲမှာ ပေါ်ပျူလာအဖြစ်ဆုံးဖြစ်ပြီး ရီပက်ဘလစ်ကန် သမ္မတလောင်းက အနိုင်ရမည်ဟု ခန့်မှန်းခဲ့သည်။

Ref: Aljazeera