တောင်ကိုရီးယား သမ္မတ၏ အကြံပေးဟောင်းများ ဖမ်းဆီးခံရ

နိုဝင်ဘာ ၆၊ ၂၀၁၆
M-Media

– သမ္မတပတ်ဂျုံဟေး၏ မိတ်ဆွေဖြစ်သူ ချိုဆီလ်ဆွန်က နိုင်ငံ့အရေးများတွင် ၀င်ရောက်စွက်ဖက်မှု၊ သမ္မတနှင့် နီးစပ်မှုအား အသုံးချမှုတို့နှင့်ပတ်သက်၍ သမ္မတ အကြံပေးဟောင်းနှစ်ဦးကို တောင်ကိုရီးယားက ဖမ်းဆီးလိုက်သည်ဟု သိရသည်။

ထိုကိစ္စနှင့်ပတ်သက်၍ ပြည်သူထောင်ပေါင်းများစွာမှာ လမ်းပေါ်သို့ထွက်ကာ ဆန္ဒပြ၍ ပတ်ဂျုံဟေးနှုတ်ထွက်ရန် တောင်းဆိုမှုများ ပြုလုပ်နေပြီး၊ သမ္မတအား လူကြိုက်များမှုမှာလည်း ၅ ရာခိုင်နှုန်းသာ ရှိတော့ကာ ရာထူးလက်ရှိသမ္မတတစ်ယောက်အတွက် စံချိန်တင်ကျဆင်းမှုလည်း ဖြစ်ခဲ့သည်။

ပတ်ဂျုံဟေး၏ အကြီးတန်းအကြံပေးတစ်ဦးဖြစ်သူ အဟ်ဂျွန်ဘွန်ကို အာဏာအလွဲသုံးစားလုပ်မှု၊ အကျပ်ကိုင်မှုစွဲချက်များဖြင့် ယနေ့တွင် တရားဝင်ဖမ်းဆီးခဲ့ပြီး ချိုမှာ ထိပ်တန်း စီးပွားရေးလုပ်ငန်များထံမှ ဒေါ်လာသန်းချီ ယူခဲ့မှုတွင် ၎င်းက ကူညီခဲ့သည်ဟု သံသယဖြစ်ခံရသူဖြစ်သည်။

အဖမ်းခံရသည့် အခြားတစ်ဦးမှာ သမ္မတအကြံပေးဟောင်း ဂျီအွန်ဟိုဆွန်ဖြစ်ပြီး ထိပ်တန်းလျှို့ဝှက် အချက်အလက်များ ပေါက်ကြားမှုတွင် ပါဝင်သည်ဟု စွပ်စွဲခံနေရသည်။ အသက် ၄၇ နှစ်အရွယ်ရှိပြီဖြစ်သည့် ဂျီအွန်မှာ ပတ်ဂျုံဟေး၏ ညာလက်ရုံးအဖြစ် လူသိများပြီး ၁၉၉၈ ခုနှစ်ကတည်းက ပတ်အား ကူညီလာခဲ့သူဖြစ်သည်။

၎င်းမှာ သမ္မတ၏ မိန့်ခွန်းများ၊ နိုင်ငံတော် စာရွက်စာတမ်းများကို ချိုထံသို့ ပေးပို့သည်ဟု သံသယဖြစ်ခံထားရသည်။

လက်ရှိတွင် ဖမ်းဆီးခံထားရသည့် ချိုနှင့် သမ္မတ ပတ်ဂျုံဟေးတို့မှာ ထိုကိစ္စနှင့်ပတ်သက်၍ တောင်းပန်ခဲ့သော်လည်း ပြည်သူများကမူ လက်မခံပဲ သမ္မတနှုတ်ထွက်ရေးကိုသာ ဆက်လက်တောင်းဆိုနေကြသည်။

Ref: Channelnewsasia