ပင်လယ်ပြင်မှာ ထီပေါက်ခဲ့တဲ့ အိုမန်တံငါသည်

နိုဝင်ဘာ ၇၊ ၂၀၁၆
M-Media

– အိုမန်နိုင်ငံက တံငါသည်တစ်ယာက်ဟာ ငါးဖမ်းရင်းနဲ့ ဒေါ်လာ ၂.၅ သန်းလောက်တန်တဲ့ ရှားပါး ငါးကြီးအန်ဖတ်တစ်ခုကို တွေ့ရှိခဲ့ပါတယ်။

ငါးဖမ်းလုပ်ငန်းမှာ နှစ်ပေါင်း ၂၀ ကျော်လောက် ကျင်လည်လာခဲ့တဲ့ အသက် ၃၀ ကျော်အရွယ် ခါလစ် အလ် ဆီနာနီဆိုသူဖြစ်ပြီး အောက်တိုဘာ ၃၀ ရက်နေ့က မိတ်ဆွေ ၂ ဦးနဲ့အတူ ကွေရာယဟ်ပြည်နယ်မှာ ငါးဖမ်းထွက်စဉ်အတွင်း အလွန်ညှီတဲ့ ဝေလငါး အန်ဖတ်ကြီးတစ်ခု မျောနေတာကို တွေ့ရှိခဲ့တာဖြစ်ပါတယ်။

“ဒီအန်ဖတ်ကြီးကို ကျွန်တော်တို့ ကြိုးနဲ့ဆွဲယူခဲ့ပြီး လှေထဲကို ထည့်ခဲ့ပါတယ်။ အမ်ဘာဂရစ် (ဝေလငါးအန်ဖတ်) တော်တော် အနံ့ဆိုးတယ်ဆိုတာကို ကျွန်တော် အရင်က ကြားဖူးပါတယ်။ ဒါပေမယ့် ၂ ရက်လောက်နေတော့ အမွှေးနံ့တစ်ခု ထွက်လာပါတယ်” လို့ ခါလစ်က ပြောကြားခဲ့ပါတယ်။

ဒီငါးကြီးအန်ဖတ်ကို သေတ္တာထဲ သိမ်းဆည်းခဲ့ပြီးတဲ့နောက်မှာတော့ ခါလစ်က တစ်ချို့ ကျွမ်းကျင်သူတွေကို ခေါ်ပြီး ပြသခဲ့ပါတယ်။

“အမ်ဘာဂရစ်ဆိုတာ သေချာ သိပြီးခဲ့တဲ့နောက်မှာတော့ ကျွန်တော်တို့ဟာ ဖြတ်တောက်ပြီး အခြောက်လှမ်းကာ ရောင်းချဖို့ လုပ်ခဲ့ပါတယ်”

‘အမ်ဘာဂရစ်’ လို့ခေါ်တဲ့ အဲဒီဝေလငါးအန်ဖတ်ဟာ အင်မတန် အဖိုးတန်တဲ့ အန်ဖတ်မျိုးဖြစ်ပြီး ဧရာမ ဝေလငါးကြီးတွေရဲ့ အူတွင်းမှာ ထွက်တဲ့ အရည်ကနေ ဖြစ်ပေါ်လာတာဖြစ်ပါတယ်။ အဲဒီလို ငါးကြီးအန်ဖတ်တွေကို အပူပိုင်းဒေသက ပင်လယ်ပြင်တွေမှာ မျောနေတာမျိုး တွေ့ရတတ်ပြီး ရေမွှေးထုတ်လုပ်ရာမှ အသုံးပြုကြတာပါ။

ခါလစ်ဟာ ၈၀ ကီလိုဂရမ်ရှိတဲ့ အမ်ဘာဂရစ်ကို ရရှိခဲ့တာ ဖြစ်ပါတယ်။

“ဘယ်လောက်နဲ့ ရောင်းလို့ရမလဲဆိုတာကို ကျွန်တော် ကြည့်မယ်။ နောက်ပိုင်းမှာ ကျွန်တော့် အသက်မွေးဝမ်းကြောင်းလုပ်ငန်းကို ပြောင်းဖို့ ဆုံးဖြတ်ထားပြီး ပိုကောင်းတဲ့ ဘ၀မှာ နေထိုင်နိုင်ဖို့ အိမ်ခြေမြေလုပ်ငန်းထဲကို ၀င်မှာပါ” လို့ ခါလစ်က ဖွင့်ဟခဲ့ပါတယ်။

ဒီတံငါသည် ၃ ယောက်ဟာ ဒီအန်ဖတ်အတွက် ဈေးကောင်းရမယ်ဆိုရင် အိုမန်ရီယဲလ် ၁ သန်း (ကန်ဒေါ်လာ ၂.၅ သန်း) ကျော်လောက် ရဖို့ရှိနေပါတယ်။

အိုမန်နိုင်ငံဟာ ဒီလို ငါးကြီးအန်ဖတ်တွေ တွေ့ရတတ်တဲ့ နိုင်ငံမျိုးဖြစ်ပြီး အထူးသဖြင့် ရှာကွီယဟ်၊ ၀ူစ်တာနဲ့ ဒိုဖာရ် ပြည်နယ်တွေမှာ ဖြစ်ပါတယ်။

အမ်ဘာဂရစ်တွေက ကနဦးပိုင်းမှာ တော်တော်လေး ညှီပေမယ့် နောက်ပိုင်းမှာ ချိုမွှေးလာတတ်တဲ့ အန်ဖတ်မျိုး ဖြစ်ပါတယ်။

Ref: hindustantimes