မြို့လယ်ကောင်တွင် ဗြိတိန်နိုင်ငံသားအသတ်ခံရမှု သံသယရှိသူကို ရဲတပ်ဖွဲ့ ရှာဖွေ

နိုဝင်ဘာ ၇၊ ၂၀၁၆
M-Media

ရဲတပ်ဖွဲ့က ရှာဖွေနေသည့် ဘီနော့တီ

– ယမန်နေ့က ရန်ကုန်မြို့လယ်ကောင် ၃၉ လမ်းတွင် သေဆုံးလျက်တွေ့ရသည့် ဗြိတိန်နိုင်ငံသားတစ်ဦး၏ အမှုအတွက် တစ်နိုင်ငံတည်းသား ကျောင်းဆရာကို ရဲတပ်ဖွဲ့က ရှာဖွေနေသည်ဟု သိရသည်။

သေဆုံးသူမှာ အသက် ၄၇ နှစ်အရွယ်ရှိ ဂယ်ရီဖာဂူဆန်ဆိုသူဖြစ်ပြီး ဇနီးဖြစ်သူက ဖုန်းခေါ်မရဖြစ်ခဲ့ပြီးနောက် ၃၉ လမ်းရှိ အခန်းတစ်ခုတွင် ရင်ဘတ်နှင့် လည်ပင်းတို့တွင် ဒဏ်ရာမျာဖြင့် သေဆုံးနေသည်ကို တွေ့ရှိခဲ့ရခြင်းဖြစ်သည်။

ဖာဂူဆန်နှင့် အသက် ၂၅ နှစ်အရွယ် ဟာရစ် ဘီနော့တီတို့မှာ သောကြာနေ့ညပိုင်းက ပါတီအတူ တက်ခဲ့ကြပြီး ရဲတပ်ဖွဲ့က ဘီနော့တီမှာ ဖာဂူဆန်အား တိုက်ခိုက်ခဲ့သည်ဟု သံသယရှိနေကာ ရှာဖွေမှုများ ပြုလုပ်နေခြင်းဖြစ်သည်။

သို့သော်လည်း ပြန်ကြားရေးဝန်ကြီးဌာနကမူ ဘီနော့တီမှာ နိုဝင်ဘာ ၅ ရက်ညပိုင်းက ရန်ကုန်အပြည်ပြည်ဆိုင်ရာလေဆိပ်မှ ထိုင်းလေကြောင်းလိုင်းဖြင့် ထွက်ခွာသွားခဲ့သည်ဟုဆိုပြီး အသေးစိတ်အချက်အလက်ကို ပြောကြားခဲ့ခြင်းမရှိချေ။

လက်ရှိတွင် ကျောက်တံတားရဲစခန်း၌ အမှုဖွင့်ထားပြီး ရဲတပ်ဖွဲ့က ထုတ်ပြန်သောကြောငြာချက်တွင် Horizon နိုင်ငံတကာကျောင်းမှ ကျောင်းဆရာနှစ်ဦးဖြစ်သည့် ဖာဂူဆန်နှင့် ဘီနော့တီတို့မှာ သောကြာနေ့ညပိုင်းက မြို့လယ်ကောင်ရှိ ဟိုတယ်တစ်ခုတွင် ပါတီပွဲတက်ခဲ့ပြီးနောက်ပိုင်း ဘီနော့တီအိမ်သို့ ပြန်လာခဲ့သည်ဟု ဖော်ပြထားသည်။

အနီးရှိတိုက်ခန်းတွင် နေထိုင်သူများကမူ စနေနေ့ မနက်ပိုင်း ၄ နာရီခွဲခန့်က ဘီနော့တီ၏ အခန်းတွင် အမျိုးသား ၂ ဦးနှင့် အမျိုးသမီး ၁ ဦးတို့ စကားများ ရန်ဖြစ်ကြသည့်အသံကို ကြားခဲ့ရကြောင်း ပြောကြားခဲ့သည်။

ထို့ပြင် ဘီနော့တီနှင့် ၎င်း၏ ချစ်သူတို့မှာ အဆိုပါအခန်းကို လပေါင်းများစွာ ငှားရမ်းခဲ့ပြီး မနက်အလုပ်သွားကာ ညနေပိုင်းမှ ပြန်လာတတ်ကြောင်း၊ ၎င်းတို့မှာ မြန်မာစကားမတတ်ဘဲ မိမိတို့မှာလည်း အင်္ဂလိပ်စကားမတတ်သောကြောင့် ၎င်းတို့နှင့် စကားမပြောဖြစ်ကြောင်း အိမ်နီးချင်းများက ဖွင့်ဟခဲ့သည်။

ဘီနော့တီ၏ ချစ်သူမှာ တစ်ကျောင်းတည်းတွင်လုပ်ကိုင်သည့် ဆရာမှ အဲလ်စီ ဒီဗိုလ်ဒါဖြစ်သည်ဟု ရဲတပ်ဖွဲ့က ပြောကြားခဲ့သည်။

ဒီဗိုလ်ဒါ၏ Facebook အကောင့်မှာ ယနေ့မနက်ပိုင်းအထိ ရှိနေသော်လည်း နောက်ပိုင်း ၀င်ရောက်ကြည့်ရှု၍ မရတော့ပေ။ ၎င်းမှာ တနင်္ဂနွေနေ့ နေ့လည်ပိုင်းက အဆိုပါတိုက်ခန်းမှ ဆင်းသွားပြီး ဂျာနယ်လစ်များ၏ မေးမြန်းမှုကို ဖြေကြားခြင်းမရှိဘဲ ပ၀ါဖြင့် မျက်နှာကိုအုပ်ကာ စောင့်ဆိုင်းနေသော ကားထဲသို့ ၀င်ရောက်သွားခဲ့သည်။

ရဲတပ်ဖွဲ့မှ သေဆုံးသူ ဖာဂူဆန်၏ ဇနီးမှာ ဆူပက်ချာယာ စီချွန်ပူရ်ဖြစ်ပြီး ယနေ့တွင် ဖုန်းဖြင့်မေးမြန်းရာ ဖြေကြားရန်ငြင်းဆိုခဲ့သည်ဟုဆိုသည်။

လက်ရှိတွင် တနင်္ဂနွေနေ့မနက်ပိုင်းက ဖာဂူဆန်၏ အလောင်းအား တိုက်ခန်းအတွင်း တွေ့ရှိသူများအား မေးမြန်းချက်များကို အခြေပြုကာ ရဲတပ်ဖွဲ့ကအမှုအား တည်ဆောက်ထားပြီး မည်သူ့ကိုမှ ဖမ်းဆီးခြင်းမရှိသေးပေ။

Ref: theguardian