ကယ်လိုရီလွတ်ဖျော်ရည်ကလည်း ဆီးချိုဖြစ်နိုင်

နိုဝင်ဘာ ၈၊ ၂၀၁၆
M-Media

– ကယ်လိုရီမပါဝင်သည့် ဖျော်ရည်များကို တစ်နေ့နှစ်ခွက် သောက်သုံးခြင်းက ဆီးချိုရောဂါဖြစ်ပွားနိုင်ခြေ နှစ်ဆမြင့်တက်နိုင်သည်ဟု ဆွီဒင်နိုင်ငံတွင် ပြုလုပ်ခဲ့သည့် လေ့လာမှုတစ်ခုတွင် တွေ့ရှိခဲ့ရသည်။

ထိုလေ့လာမှုကို Karolinska တက္ကသိုလ်မှ ပြုလုပ်ခဲ့ခြင်းဖြစ်ပြီး အရွယ်ရောက်ပြီးသူ ၂၈၇၄ ဦးအား တစ်နှစ်တာ ဖျော်ရည်သောက်သုံးမှု မှတ်တမ်းကို စောင့်ကြည့်ခဲ့ခြင်းဖြစ်သည်။

တစ်နေ့လျှင် အချိုရည် နှစ်ခွက် သို့မဟုတ် နှစ်ခွက်ထက်ပို၍ သောက်သုံးကြသူများသည် အမျိုးအစား ၂ ဆီးချိုရောဂါ ပို၍ ဖြစ်ပေါ်နိုင်ကြောင်း တွေ့ရှိခဲ့သည်။ အချိုရည်ဟုဆိုရာတွင် သကြားပါဝင်သော ဖျော်ရည်နှင့် လူလုပ်အချိုဓာတ်ပါဝင်သော ဖျော်ရည်များ၊ ကယ်လိုရီလွတ် Diet ဖျော်ရည်များနှင့် သကြားလွတ်ဖျော်ရည်များ ပါဝင်သည်။

သကြားလွတ်ဖျော်ရည်များကို ၅ ခွက်နှင့်အထက် သောက်သုံးပါက ဆီးချိုဖြစ်နိုင်သည့် အန္တရာယ်ကို ၄.၅ ဆအထိ မြင့်တက်နိုင်သည်ကိုလည်း လေ့လာမှုတွင် တွေ့ရှိခဲ့ရသည်။ ထို့ပြင် သဘာဝကိုတုပ၍ အချိုထည့်ထားသာ အချိုရည်များမှာ သာမန် သကြားဖျော်ရည်များကဲ့သို့ပင် ဆိုးဝါးသည်ဟုလည်း လေ့လာသူများက ပြောကြားခဲ့သည်။

သကြားအများအပြားပါဝင်သော ဖျော်ရည်များကို သောက်သုံးခြင်းအားဖြင့် အမျိုးအစား ၂ ဆီးချိုရောဂါ ဖြစ်ပွားနိုင်ခြေမှာ ၂၁ ရာခိုင်နှုန်းအထိ မြင့်တက်နိုင်ပြီး ကယ်လိုရီလွတ် Diet ဖျော်ရည်များကမူ ၁၈ ရာခိုင်နှုန်း မြင့်တက်နိုင်သည်။

Ref; IINA