ပါလက်စတိုင်းပိုင်နက်များဆိုင်ရာ ကိုယ်စားလှယ်တစ်ဦးကို စင်ကာပူ ခန့်အပ်

နိုဝင်ဘာ ၉၊ ၂၀၁၆
M-Media

ပါလက်စတိုင်းပိုင်နက်ဆိုင်ရာ စင်ကာပူကိုယ်စားလှယ် ဟာဝါဇီ ဒိုင်ပီ

– ယခင် လွှတ်တော်အတွင်းဝန်တစ်ဦးဖြစ်သူ ဟာဝါဇီ ဒိုင်ပီကို ပါလက်စတိုင်းပိုင်နက်များအတွက် စင်ကာပူဆိုင်ရာ ကိုယ်စားလှယ်အဖြစ် ခန့်အပ်သွားမည်ဟု စင်ကာပူနိုင်ငံခြားရေးဝန်ကြီးဌာန MFA က တနင်္လာနေ့တွင် ကြေငြာလိုက်သည်။

MFA က ထုတ်ပြန်သည့် ကြေငြာချက်တွင် ကာကွယ်ရေးနှင့် နိုင်ငံခြားရေးရာ အကြီးတန်းဝန်ကြီး မာလီကီ အိုစ်မန်က ရာမာလာတွင် ပါလက်စတိုင်းအာဏာပိုင်အဖွဲ့ PNA ၏ ခေါင်းဆောင် သမ္မတ မဟ်မူဒ် အဘတ်စ်၊ အခြား အကြီးတန်းအရာရှိများနှင့် တွေ့ဆုံစဉ် မစ္စတာ ဟာဝါဇီအား ကိုယ်စားလှယ်အဖြစ် ခန့်အပ်ကြောင်းကို ကြေငြာခဲ့ခြင်းဖြစ်သည်ဟု ဖော်ပြထားသည်။

“PNA ခေါင်းဆောင်တွေက ဒီ ခန့်အပ်မှုအတွက် ကြိုဆိုခဲ့ပါတယ်” ဟု ကြေငြာချက်က ဆိုသည်။

ယခုကိုယ်စားလှယ်တာဝန်မှာ ပါလက်စတိုင်းတွင် သွားရောက်နေထိုင်စရာမလိုအပ်သည့် တာဝန်မျိုးဖြစ်ပြီး စင်ကာပူ၏ ‘ပါလက်စတိုင်းပြည်သူများအတွက် နည်းပညာပိုင်းဆိုင်ရာ ကူညီမှုတိုးမြှင့်ရေး အစီအစဉ်’ နှင့် ပူးပေါင်းဆောင်ရွက်သွားမည်ဖြစ်သည်။

ယခုနှစ်ဧပြီလတွင် စင်ကာပူဝန်ကြီးချုပ် လီရှန်လွန်းက မိမိတို့နိုင်ငံမှာ ပါလက်စတိုင်းပြည်သူများအား စွမ်းရည်တိုးမြှင့်ရေးအတွက် အကူအညီပေးမှုအစီအစဉ်တွင် စင်ကာပူဒေါ်လာ ၅ သန်းမှ ၁၀ သန်းအထိ တိုးမြှင့်သုံးစွဲသွားမည်ဟု ကြေငြာခဲ့သည်။

ပါလက်စတိုင်းအာဏာပိုင်များနှင့် တွေ့ဆုံစဉ်အတွင်း ၀န်ကြီ မစ္စတာ မာလီကီက စင်ကာပူအနေဖြင့် ပါလက်စတိုင်းပြည်သူများ စွမ်းအားမြှင့်တင်ရေးလုပ်ငန်းများကို ကူညီပံ့ပိုးပေးသွားရန် စိတ်ပိုင်းဖြတ်ထားမှုကို ထပ်လောင်းပြောကြားခဲ့သည်။ ထို့ပြင် စင်ကာပူ ပူးပေါင်းဆောင်ရွက်ရေးအစီအစဉ် SCP အောက်တွင် သင်ကြားပေးနေသည့် ပြည်သူ့အုပ်ချုပ်ရေး၊ စီမံခန့်ခွဲရေးနှင့် မြို့ပြစီမံခန့်ခွဲရေး၊ ကျန်းမာရေးစောင့်ရှောက်မှု စသည့် ဘာသာရပ်များတွင် ပါလက်စတိုင်းပြည်သူ ၂၂၀ ကျော် တက်ရောက်နေကြောင်းလည်း ထည့်သွင်းပြောဆိုခဲ့သည်။

စင်ကာပူအနေဖြင့် အစ္စရေးနှင့် ပါလက်စတိုင်း နှစ်နိုင်ငံ ငြိမ်းချမ်းစွာ၊ လုံခြုံစွာ အတူယှဉ်တွဲနေထိုင်ရေး အဖြေအတွက် ဆက်လက်ရပ်တည်ကာ၊ ကူညီထောက်ပံ့မှုများ ပြုလုပ်သွားမည်ဖြစ်ကြောင်း၊ နှစ်ဖက်စလုံးက ဆွေးနွေးညှိနှိုင်းမှုကို ပြန်လည်စတင်ရေး၊ တရားမျှတပြီး ရေရှည်ခံသည့် အဖြေတစ်ခု ထွက်လာရေးအတွက် တိုးတက်အောင် ဆောင်ရွက်ရေး မျှော်လင့်ကြောင်း မစ္စတာမာလီကီက အလေးအနက်ထား ပြောကြားခဲ့သည်။

Ref: Channelnewsasia