အမျိုးသမီးများအပေါ် အကြမ်းဖက်မှု မြင့်တက်လာသည့်အတွက် ဥရောပအမျိုးသမီးများ ဆန္ဒပြ

နိုဝင်ဘာ ၉၊ ၂၀၁၆
M-Media

– လူ့အခွင့်အရေးစံပြဖြစ်သော ဥရောပတွင် လိင်အပေါ်အခြေခံ၍ လုပ်ခလစာ ခွဲခြားခြင်း၊ အမျိုးသမီးများအပေါ် အကြမ်းဖက်ခြင်းတို့ ဖြစ်နေမှုကို ဆန့်ကျင်သည့်အနေဖြင့် စပိန်နှင့် ပြင်သစ်တို့မှ အမျိုးသမီးများမှာ တနင်္လာနေ့က လမ်းပေါ်ထွက်၍ ဆန္ဒပြခဲ့ကြသည်ဟု သိရသည်။

တက်ကြွလှုပ်ရှားသူများက ကျား၊ မ လုပ်ခလစာ ခြားနားနေမှုကို ဆန့်ကျင်သည့်အနေဖြင့် တနင်္လာနေ့ညနေတွင် အလုပ်နား၍ ဆန္ဒပြကြရန် တောင်းဆိုခဲ့ပြီးနောက် ပြင်သစ်အမျိုးသမီးများမှာ ပဲရစ်ရှိ Place de la Republique ရင်ပြင်တွင် စုရုံး ဆန္ဒပြခဲ့ကြခြင်းဖြစ်သည်။

ဥရောပသမဂ္ဂ၏ စာရင်းဇယားဆိုင်ရာအဖွဲ့ Eurostat က ထုတ်ပြန်သည့် နောက်ဆုံးရ အချက်အလက်များအရ ပြင်သစ်တွင် အလုပ်ချင်းတူ၊ အချိန်ချင်းတူသည့်အလုပ်မျိုး၌ပင် အမျိုးသမီးများ၏လုပ်အားခသည် အမျိုးသားများထက် ၁၅.၁ ရာခိုင်နှုန်း ပိုနည်းကြောင်း တွေ့ရှိရသည်။

ယခုကဲ့သို့ လုပ်ခလစာတွင် ခွဲခြားဆက်ဆံမှုသည် အမျိုးသမီးများက စေတနာ့ဝန်ထမ်းသာသာ အခမဲ့ လုပ်ကိုင်ပေးနေရသည်နှင့် တူကြောင်း ဆန္ဒပြမှုကို ဦးဆောင်ခဲ့သည့် Les Glorieuses (The Glorious Women) အဖွဲ့က ထုတ်ပြန်သော ကြေငြာချက်တွင် ဖော်ပြခဲ့သည်။

“အမျိုးသမီးတွေ၊ အမျိုးသားတွေ၊ သမဂ္ဂတွေ၊ အမျိုးသမီးအဖွဲ့အစည်းတွေအနေနဲ့ ကျွန်မတို့ရဲ့ ဒီလှုပ်ရှားမှုမှာ ပါဝင်ဖို့၊ လုပ်ခလစာ မညီမျှမှုကို အဓိကနိုင်ငံရေးပြဿနာ ဖြစ်လာရေး အခမ်းအနားတွေ၊ ဆန္ဒပြမှုတွေ လုပ်ကြဖို့ တိုက်တွန်းပါတယ်။ ဒီပြဿနာကို တုန့်ပြန်ခြင်းအားဖြင့် လုပ်ခလစာမတူညီမှုဟာ အမျိုးသမီးတွေရဲ့ ပြဿနာသာ မဟုတ်ဘူးဆိုတာကို ကျွန်မတို့ ပြသတာမျိုး ဖြစ်ပါတယ်” ဟု ကြေငြာချက်က ဆိုသည်။

အကြမ်းဖက်မှုအတွက် ဆန္ဒပြ

စပိန်နိုင်ငံတွင်လည်း အမျိုးသမီးများအပေါ် အကြမ်းဖက်မှုများကို ဆန့်ကျင်သည့်အနေဖြင့် တနင်္လာနေ့က Museo del Prado ပြတိုက်ရှေ့တွင် အမျိုးသမီး ရာပေါင်းများစွာက ဆန္ဒပြခဲ့ကြသည်။

နိုင်ငံအတွင်း ထိုကဲ့သို့ အကြမ်းဖက်မှုများ စိုးရိမ်ဖွယ် မြင့်တက်လာမှုကို ရှုတ်ချသည့်အနေဖြင့် ‘နိုဝင်ဘာ ၇’ (7-N) ဆန္ဒပြမှုကို ပြီးခဲ့သည့်နှစ်က စတင်ခဲ့ခြင်းဖြစ်ပြီး ယခုနှစ်မှာ ဒုတိယအကြိမ်မြောက်ဖြစ်သည်။

ဆန္ဒပြမှု ပြုလုပ်ပြီးနောက် အမျိုးသမီးများမှာ လမ်းမများတစ်လျှောက် ချီတက်ခဲ့ကြပြီး အမျိုးသမီးများအပေါ် အကြမ်းဖက်မှု မြင့်တက်လာခြင်းအပေါ် ဆန့်ကျင်သည့် ကျွေးကြော်သံများကိုလည်း ကျွေးကြော်ခဲ့ကြသည်။

လူ့အခွင့်အရေးအဖွဲ့များ၏ အဆိုအရ ဥရောပတွင် အိမ်တွင်းအကြမ်းဖက်မှုများမှာ ကျယ်ကျယ်ပြန့်ပြန့် ဖြစ်နေသည်ဟု သိရသည်။

Ref : Presstv