အမေရိကန်ရွေးကောက်ပွဲမှာ သမိုင်းသစ်ရေးထိုးခဲ့တဲ့ မွတ်စလင်အမျိုးသမီး

နိုဝင်ဘာ ၁၀၊ ၂၀၁၆
M-Media

– အင်္ဂါနေ့ကပြုလုပ်ခဲ့တဲ့ အမေရိကန်ရွေးကောက်ပွဲမှာ အသက် ၃၄ နှစ်အရွယ် ဆိုမာလီနွယ်ဖွာ မွတ်စလင်အမျိုးသမီး အစ်လ်ဟမ် အိုမာရ်ဟာ လွှတ်တော်အမတ်တစ်ယောက်ဖြစ်လာခဲ့ပြီး သမိုင်းသစ်ရေးထိုးနိုင်ခဲ့ပါတယ်။

ဆိုမာလီမှာမွေးဖွားပြီး အမေရိကန်မှာ ဒုက္ခသည်အဖြစ် ခိုလှုံခဲ့တဲ့ အစ်လ်ဟမ်ဟာ မင်နီဆိုတာပြည်နယ်လွှတ်တော်မှာ အမတ်အဖြစ် ရွေးကောက်တင်မြှောက်ခံခဲ့ရတာ ဖြစ်ပါတယ်။

ဒါဟာ အမေရိကန်ရောက် ဆိုမာလီနွယ်ဖွားတွေ နိုင်ငံရေးမှာ အမြင့်ဆုံးအဆင့်ကို ရရှိလိုက်တာလည်း ဖြစ်ပြီး အစ်လ်ဟမ်ဟာ ဆိုမာလီနွယ်ဖွားတွေထဲမှာ ပထမဆုံး လွှတ်တော်အမတ် ဖြစ်လာသူလည်း ဖြစ်ပါတယ်။

မင်နီဆိုတာက ဆိုမာလီပြောင်းရွှေ့အခြေချသူတွေဟာ ‘အစွန်းရောက်အယူအဆတွေကို ဖြန့်ဖြူးနေတယ်’ လို့ သမ္မဖြစ်လာတဲ့ ထရမ့် ပြောကြားပြီး ရက်ပိုင်းအတွင်းမှာပဲ ဒီလို သမိုင်းဝင်းရွေးချယ်မှုကို ခံခဲ့ရတာပါ။

မင်နီဆိုတာပြည်နယ်ဟာ အမေရိကန်နိုင်ငံမှာ ဆိုမာလီလူ့အဖွဲ့အစည်း အများစုရှိရာဒေသဖြစ်ပြီး လူဦးရေ ၅ သောင်းလောက် ရှိပါတယ်။

ရွေးကောက်ပွဲမှာ အနိုင်ရရှိခဲ့ပြီးတဲ့နောက် အစ်လ်ဟမ်က မိမိအနေနဲ့ ပြည်နယ်လွှတ်တော်မှာ ‘ဘေးဖယ်ခံထားရသူတွေအတွက် အသံထုတ်သွားမယ်’ လို့ ပြောကြားခဲ့ပါတယ်။

“ကျွန်မဟာ လူငယ်တွေရဲ့ အသံတွေကို ထုတ်မယ်လို့ စဉ်းစားထားတယ်။ အရှေ့အာဖရိက လူ့အဖွဲ့အစည်းက အမျိုးသမီးတွေရဲ့အသံကိုလည်း ကျွန်မ ထုတ်သွားမယ်။ မွတ်စလင်တွေရဲ့ အသံကိုလည်း ထုတ်သွားမှာပါ။ အခွင့်အလမ်းတွေကို ရှာဖွေနေတဲ့ လူငယ်မိခင်တွေရဲ့ အသံကိုလည်း ထုတ်သွားမှာ ဖြစ်ပါတယ်” လို့ အစ်လ်ဟမ်က မင်နီဆိုတာ ပြည်သူ့ရေဒီယိုကို ပြောကြးခဲ့ပါတယ်။

အစ်လ်ဟမ်ဟာ ဆိုမာလီမှာ ပြည်တွင်းစစ် စတဲ့အချိန် အသက် ၈ နှစ်လောက်မှာ မိသားစုနဲ့အတူ ထွက်ပြေးလာခဲ့တာပါ။

သူတို့တွေဟာ ကင်ညာက ဒုက္ခသည်စခန်းမှာ ၄ နှစ်လောက် နေခဲ့ရပြီး နောက်ပိုင်းမှာတော့ အမေရိကန်ကို ပြောင်းရွှေ့လာကာ မင်နီဆိုတာက ဆိုမာလီ-အမေရိကန်ရပ်ကွက်မှာ အခြေချနေထိုင်ခဲ့ပါတယ်။

ဟီဂျဘ်ကို ဂုဏ်ယူသည်

ဒီမိုကရက်တစ်ပါတီနဲ့ မဟာမိတ်ဖွဲ့ထားတဲ့ DFL ညွန့်ပေါင်းပါတီ ကိုယ်စားပြုသူ အစ်လ်ဟမ်ဟာ ရီပက်ဘလစ်ကန်ပါတီက အမတ်လောင်းတစ်ဦးနဲ့ ရင်ဆိုင်ခဲ့ရတာဖြစ်ပြီး အဲဒီပြိုင်ဘက်က မိသားစုကိစ္စကြောင့် ရွေးကောက်ပွဲကနေ ထွက်သွားခဲ့ပါတယ်။

သြဂုတ်လက ပြုလုပ်ခဲ့တဲ့ ပါတီအတွင်း ယှဉ်ပြိုင်မှုမှာလည်း အစ်လ်ဟမ်ဟာ မင်နီဆိုတာပြည်နယ်ရဲ့ သက်တမ်းအရင့်ဆုံး အမတ်ကို ဖြုတ်ချနိုင်ခဲ့ပါတယ်။

မင်နီယာပိုလစ်ထုတ် Star Tribune သတင်းစာကတော့ အစ်လ်ဟမ်ကို ‘ဟီဂျဘ်ကို ဂုဏ်ယူစွာဝတ်ဆင်သည့် အမေရိကန်မွတ်စလင်’ လို့ ကင်ပွန်းတပ်ခဲ့ပြီး ‘သမိုင်းတွင် မကြုံစဖူး နုပျိုသစ်လွင်ကာ၊ မြို့ပြဆန်ပြီး လူမျိုးရေး၊ ဘာသာရေး မျှတသည့် DFL ညွှန့်ပေါင်းပါတီ၏ ခေါင်းဆောင်ပိုင်းသို့ တိုးဝင်လာသူတစ်ဦး’ လို့ အမွှမ်းတင်ခဲ့ပါတယ်။

Ref: BBC