မူဆိုးလ်ထိုးစစ်တွင် အစိုးရတပ်က အရပ်သားများအား သတ်ဖြတ်မှုရှိဟု သတင်းထွက်

နိုဝင်ဘာ ၁၁၊ ၂၀၁၆
M-Media

မူဆိုးလ်တိုက်ပွဲများကြောင့် ထွက်ပြေးရသည့် အရပ်သားများ

– နိုင်ငံ၏ ဒုတိယအကြီးဆုံး မူဆိုးလ်မြို့ကို IS လက်မှ ပြန်လည်သိမ်းပိုက်ရေး ထိုးစစ်တွင် အီရတ်လုံခြုံရေးတပ်ဖွဲ့များမှာ အရပ်သားများအား နှိပ်စက်သတ်ဖြတ်မှုများရှိနေသည်ဟု နိုင်ငံတကာ လူ့အခွင့်အရေးအဖွဲ့ Amnesty International က ပြောကြားလိုက်ပြီး အီရတ်စစ်တပ်ကမူ ထိုစွပ်စွဲချက်များကို ငြင်းဆိုခဲ့သည်။

မူဆိုးလ်မြို့တောင်ဖက်ရှိ အလ်-ရှုရာနှင့် အလ်-ကွေယာရဟ်မြို့မှ ရွာများတွင် ပြီးခဲ့သည့်လက ဖက်ဒရယ်ရဲဝတ်စုံဝတ်ထားသူများက သတ်ဖြတ်ခဲ့ခြင်းဖြစ်ပြီး အနည်းဆုံး လူ ၆ ဦး IS နှင့်စွပ်စွဲကာ တရားလက်လွတ်သတ်ဖြတ်ခံရသည့် အထောက်အထားများကို မိမိတို့၏ သုတေသနပညာရှင်များက ရရှိထားသည်ဟု ယမန်နေ့က ထုတ်ပြန်သော အစီရင်ခံစာတွင် Amnesty International က ဖော်ပြခဲ့သည်။

အောက်တိုဘာ ၂၁ ရက်နေ့က ဖြစ်ပွားခဲ့သည့် အဆိုပါအဖြစ်အပျက်တွင် သေဆုံးသူ ၃ ဦးမှာ အသက် ၁၀ နှစ်မှ ၁၆ နှစ်အရွယ် ယောက်ျားလေးအုပ်စုမှဖြစ်ပြီး ၎င်းတို့က အဆိုပါ ဖက်ဒရယ်ရဲဝတ်စုံဝတ်ဆင်ထားသူများထံ သွားရောက်အဖမ်းခံခဲ့သည်ဟု လူ့အခွင့်အရေးအဖွဲ့က ဆိုသည်။

ထိုအုပ်စုမှာ အလံဖြူများကိုထောင်ပြကာ ၎င်းတို့ထံတွင် အသေခံဗုံးခွဲခါးပတ် ပတ်မထားကြောင်း ပြသရန်အတွက် အ၀တ်များကို ချွတ်ပြခဲ့သော်လည်း အဆိုပါ ရဲဝတ်စုံဝတ်ထားသူများက ၎င်းတို့အား ကွင်းပြင်တစ်ခုသို့ခေါ်ဆောင်သွားကာ ရက်ရက်စက်စက် ရိုက်နှက်ခဲ့သည်။ အမျိုးသားတစ်ဦး၏ မုတ်ဆိတ်မှာလည်း မီးရှို့ခံခဲ့ရသည်။

ထိုနေ့တွင်ပင် အခြေားအသတ်ခံရသူတစ်ဦးကို ရဲဝတ်စုံဝတ်ထားသူများက ခေါ်ဆောင်သွားခဲ့ပြီး နောက်တစ်ပတ်အကြာတွင် ၎င်း၏အလောင်းကို ပြန်တွေ့ခဲ့သည်။ Amnesty ကမူ မိမိတို့ထံမှ လေ့လာသူများမှာ ရှုရာနှင့် ကွေယာရာဟ်ရွာရှိ ရွာများစွာသို့ သွားရောက်လေ့လာခဲ့ကြသည်ဟု ဆိုသည်။

ရှုရာမြို့တွင် IS က လူသားတံတိုင်းအဖြစ်အသုံးပြုရန်အတွက် ဒေသမှထွက်ခွာရန် ကြိုးပမ်းမှုအား မနာခံခဲ့ဘဲ ထိုဒေသတွင်နေကျန်နေခဲ့သည့် အမျိုးသား ၆ ဦး၏ အလောင်းကို အစိုးရတပ်များ ၀င်ရောက်အပြီးတွင် တွေ့ရှိခဲ့ရပြီး ရင်ဘတ်နှင့် ခြေသလုံးများတွင် ကျည်ဆံများကို တွေ့ရှိခဲ့သည်ဟု Amnesty International က ထည့်သွင်းဖော်ပြခဲ့သည်။

“ဖက်ဒရယ်ရဲဝတ်စုံဝတ်ထားတဲ့သူတွဟာ ဥပဒေပသတ်ဖြတ်မှု၊ မူဆိုးမြို့တောင်ဘက် ရွာတွေက ရွာသားတွေကိုဖမ်းဆီးကာ သွေးအေးအေးနဲ့သတ်ဖြတ်မှုတွေ အများကြီး ပြုလုပ်ခဲ့ပါတယ်။ ဖမ်းဆီးထားသူတွေ၊ အကာကွယ်မဲ့နေသူတွေကို အကြောင်းမဲ့သတ်ဖြတ်တာကို နိုင်ငံတကာ လူသားချင်း စာနာထောက်ထားမှုဆိုင်ရာ ဥပဒေက တားမြစ်ထားပြီး ဒါဟာ စစ်ရာဇ၀တ်မှုပါပဲ” ဟု Amnesty International ၏ ဘေရွတ်ရုံးမှ သုတေသနဆိုင်ရာ လက်ထောက်ဒါရိုက်တာ လင်မာ လုဖ်က ပြောကြားခဲ့သည်။

သို့သော်လည်း အီရတ်ရဲတပ်ဖွဲ့ကမူ ယမန်နေ့ညပိုင်းက ကြေငြာချက်တစ်ခု ထုတ်ပြန်ခဲ့ပြီး တရားလက်လွတ်သတ်ဖြတ်မှုများတွင် ၎င်းတို့တပ်ဖွဲ့ဝင်များ ပါဝင်သည်ဆိုသည့် စွဲချက်များကို ငြင်းဆိုခဲ့သည်။

ရဲတပ်ဖွဲ့တာဝန်ရှိသူကမူ မိမိတို့တပ်ဖွဲ့ဝင်များမှ လူသားတန်ဖိုးကို လေးစားကာ အရပ်ဖက်စည်းမျဉ်းစည်းကမ်းများကို လိုက်နာပြီး အရပ်သားများ၏ အသက်အိုးအိမ်ကို စောင့်ရှောက်ကြောင်း မူဆိုးလ်စစ်ဆင်ရေးအတွင်း လိုအပ်သည်များအားလုံးကို ကူညီထောက်ပံ့ပေးကြောင်း ထည့်သွင်းပြောကြားခဲ့သည်။

Ref: Aljazeera