ဥရောပသို့ရောက်မည့် အီရန်၏ ရထားလမ်းစီမံကိန်းတွင် အိန္ဒိယပါဝင်ချင်

နိုဝင်ဘာ ၁၁၊ ၂၀၁၆
M-Media

– အီရန်တောင်ပိုင်း ဆိပ်ကမ်းတစ်ခုမှစတင်ပြီး အလယ်အာရှနိုင်ငံများကိုဖြတ်၍ ပင်လယ်မှတစ်ဆင့် ဥရောပကို ရောက်ရှိမည့် နိုင်ငံစုံဖြတ် ရထားလမ်းတစ်ခုတည်ဆောက်မည့် စီမံကိန်းတွင် ၀င်ရောက်ပူးပေါင်းရန် အိန္ဒိယ စိတ်ဝင်စားနေသည်ဟု အီရန်က ပြောကြားလိုက်သည်။

အီရန်၏ ကားလမ်းနှင့် မြို့ပြဖွံ့ဖြိုးရေးဆိုင်ရာ ဒုတိယ၀န်ကြီးနှင့် လမ်းပြုပြင်ထိန်းသိမ်းရေးနှင့် သယ်ယူပို့ဆောင်ရေး ညွှန်ကြားရေးမှူးဖြစ်သူ ဒါဗူဒ် ကီရှာဗာဇီယန်က ထိုကဲသို့ ပြောကြားခဲ့ခြင်းဖြစ်ပြီး အီရန်-ဥရောပ ကားလမ်းတွင် အရေးပါသည့် အခန်းကဏ္ဍမှ ပါဝင်မည့် ဂျော်ဂျီယာနိုင်ငံကမူ မြေပြင်လုပ်ငန်းများကို အလျင်အမြန် ဆောင်ရွက်ရန်အတွက် တိုက်တွန်းဆော်သြထားသည်ဟု ဆိုသည်။

စီမံကိန်းအဖွဲ့ဝင်နိုင်ငံများအနေဖြင့် မကြာမီကာလတွင် နည်းပညာပိုင်းဆိုင်ရာများ ဆွေးနွေးမည့် ကျွမ်းကျင်ပညာရှင်အဆင့် တွေ့ဆုံပွဲတစ်ခု ကျင်းပမည်ဟု ကီရှာဗာဇီယန်ကဆိုပြီး၊ ၀န်ကြီးအဆင့် နောက်ဆုံးသဘောတူညီချက် လက်မှတ်ရေးထိုးသွားမည်ဟု ထည့်သွင်းပြောကြားခဲ့သည်။

အဆိုပါ နိုင်ငံဖြတ်ကျော်လမ်းမှာ အီရန်နိုင်ငံ ဘန်ဒါရ်အဘတ်စ်ဆိပ်ကမ်းမှ စတင်ကာ အဇာဘိုင်ဂျန်၊ အာမေးနီးယားနှင့် ဂျော်ဂျီယာနိုင်ငံတို့ကို ဖြတ်သွားမည်ဖြစ်သည်။ ဂျော်ဂျီယာသို့ရောက်သည့်အခါ ဘာတူမီနှင့် ပိုတီဆိပ်ကမ်းများမှတစ်ဆင့် ကုန်ပစ္စည်းများကို သင်္ဘောဖြင့် ဘူဂေးရီးယာ၊ ရိုမေးနီးယားနှင့် အခြားသော ဥရောပနိုင်ငံများသို့ ပို့ဆောင်မည်ဖြစ်သည်။

အီရန်နိုင်ငံမှာ တောင်-မြောက်ဖြတ်ကျော်လမ်း (NTSC) ဟု ခေါ်သည့် နိုင်ငံဖြတ်ကျော်လမ်းတစ်ခု ဖောက်လုပ်ရာတွင်လည်း ပါဝင်နေပြီး အဆိုပါစီမံကိန်းကို ရုရှားက လုပ်ဆောင်ခြင်းဖြစ်သည်။ စီမံကိန်းပြီးဆုံးပါက ဆူးအက်တူးမြောင်းနှင့် အပြိုင်ဖြစ်လာမည်ဖြစ်ပြီး ဥရောပမြောက်ပိုင်းမှ အာရှတောင်ပိုင်းကို သွားရောက်နိုင်မည်ဖြစ်သည်။

Ref : Presstv