ရာဇာအာရာဖတ်အား လုပ်ကြံသူကို မိမိသိသည်ဟု ပါလက်စတိုင်းသမ္မတပြော

နိုဝင်ဘာ ၁၂၊ ၂၀၁၆
M-Media

ပါလက်စတိုင်းသမ္မတ အဘတ်စ်

– ပါလက်စတိုင်းသမ္မတ မဟ်မူးဒ် အဘတ်စ်က ၎င်းအနေဖြင့် ပါလက်စတိုင်းလွတ်မြောက်ရေးအဖွဲ့ (PLO) ခေါင်းဆောင်းဟောင်းဖြစ်သူ ရာဇာအာရာဖတ်၏ ပဟေဠိဖြစ်ဖွယ် သေဆုံးမှုနောက်ကွယ်၌ မည်သူရှိနေသည်ကို သိရှိကြောင်း ပြောကြားလိုက်သည်။

“သူ့ကို ဘယ်သူသတ်သလဲလို့ ကျွန်တော့်ကိုမေးရင် ကျွန်တော်သိပါတယ်၊ ဒါပေမယ့် ကျွန်တော်တစ်ယောက်တည်းရဲ့ ထွက်ချက်က မလုံလောက်ပါဘူး” ဟု အဘတ်စ်က အာရာဖတ်သေဆုံးမှု ၁၂ နှစ်မြောက် နှစ်ပတ်လည်အထိမ်းအမှတ်အဖြစ် ပါလက်စတိုင်းပိုင် အနောက်ဖက်ကမ်း ရာမာလာမြို့တွင် ပြုလုပ်သည့် အခမ်းအနားတွင် ပြောကြားခဲ့သည်။

“ကျွန်တော် နာမည်တပ်မပြောချင်ပါဘူး၊ ဘာကြောင့်လဲဆိုတော့ ဒီနာမည်တွေက မှတ်ထားဖို့တောင် မကောင်းလို့ပါပဲ” ဟု ၎င်းက ပြောသည်။

သို့သော်လည်း ထိုလုပ်ကြံသူအား ဖော်ထုတ်ရန် စုံစမ်းစစ်ဆေးရေးအဖွဲ့က ဆောင်ရွက်နေသည်ဟုလည်း သမ္မတက ထည့်သွင်းပြောကြားခဲ့သည်။

“စုံစမ်းရေးကော်မရှင်က ဒီကိစ္စကို အသေးစိတ်ရှာဖွေနေပါတယ်။ ဘယ်သူ့လက်ချက်လဲဆိုတာ ခင်ဗျားတို့သိရင် အံ့အားသင့်သွားပါမယ်” ဟု ၎င်းက စိတ်ဝင်စားဖွယ် ပြောကြားခဲ့သည်။

အစ္စရေးက ပါလက်စတိုင်းပိုင်နက်များအား တစ်ဖြည်းဖြည်း ကျူးကျော်သိမ်းပိုက်မှုကို တွန်းလှန်ရန်နှင့် လွတ်လပ်သော ပါလက်စတိုင်းနိုင်ငံ တည်ထောင်ရန်အတွက် ၁၉၆၀ ပြည့်နှစ်နှောင်းပိုင်းတွင် ပါလက်စတိုင်းလွတ်မြောက်ရေး အဖွဲ့ကို ဦးဆောင်ခဲ့သည့် ရာဇာအာရာဖတ်မှာ ၂၀၄ ခုနှစ် နိုဝင်ဘာ ၁၁ ရက် အသက် ၇၅ နှစ်ရှိချိန်တွင် ပြင်သစ်မြို့တော် ပဲရစ်ရှိ ဆေးရုံတစ်ရုံတွင် ရုတ်တရက် ကွယ်လွန်သွားခဲ့ခြင်းဖြစ်သည်။

၂၀၁၂ ခုနှစ်က အာရာဖတ်၏ ဇနီးဖြစ်သူ ဆူဟာက သူမ၏ ခင်ပွန်းမှာ အထက်လန်အောက်လျှောဖြစ်သည့်အတွက် Mercy စစ်ဆေးရုံသို့ တင်ထားစဉ် လုပ်ကြံခံခဲ့ရခြင်းဖြစ်သည်ဟုဆိုကာ ပြင်သစ်တွင်တရားစွဲဆိုမှု ပြုလုပ်ခဲ့သည်။

ပြင်သစ်ဆရာဝန်များကမူ အာရာဖတ်မှာ ဆိုးရွားသည့် လေဖြတ်ရောဂါကြောင့် သေဆုံးခဲ့သည်ဟု ပြောကြားခဲ့ပြီး ၎င်း၏ ရောဂါဇစ်မြစ်ကို မသိဟု ဆိုသည်။

ဆူဟာ၏ တရားစွဲဆိုမှုပြီးနောက် ရာမာလာရှိ ရာဇာအာရာဖတ်၏ အုတ်ဂူကို ဖွင့်ကာ ကျွင်းကျင်ရစ်သည့် ရုပ်ကလပ်ကို ပြင်သစ်၊ ဆွစ်ဇာလန်နှင့် ရုရှားကျွမ်းကျင်သူများက စစ်ဆေးခဲ့သည်။

ပြင်သစ်ကျွမ်းကျင်သူများကမူ အာရာဖတ်တွင် အဆိပ်မိသည့်လက္ခဏာမျိုး မတွေ့ရဟု ပြောကြားခဲ့သော်လည်း ဆွစ်ဇာလန်နှင့် ရုရှားကျွမ်းကျင်သူများက ပြုလုပ်သည့် သီးခြား စုံစမ်းစစ်ဆေးမှုတွင်မူ အာရာဖတ်မှာ ပိုလိုနီယံအဆိပ်ဖြင့် လုပ်ကြံခံခဲ့ရခြင်းဟု ပြောကြားခဲ့သည်။

ပါလက်စတိုင်းပြည်သူများကမူ ၎င်းတို့၏ ခေါင်းဆောင်ဟောင်းကို အစ္စရေးက လုပ်ကြံခဲ့သည်ဟု ယူဆနေကြသည်။

Ref : Presstv