ဖားကန့်မှာ မိုးပေါ်က ပြုတ်ကျတာလာတာ ဘာကြီးလဲ

နိုဝင်ဘာ ၁၂၊ ၂၀၁၆
M-Media

– ကချင်ပြည်နယ် ဖားကန့်မြို့က လုံးခင်းကျေးရွာနားမှာ နိုဝင်ဘာ ၁၀ ရက်နေ့ မနက်အစောပိုင်းက ကောင်းကင်ပေါ်ကနေ အရာဝတ္ထုတစ်ခု ပြုတ်ကျလာခဲ့ပြီး ဘာအရာဝတ္ထုမှန်း အခုအချိန်အထိ မဖော်ထုတ်နိုင်သေးပါဘူး။

စလင်ဒါပုံ ကြီးမားတဲ့ အဲဒီသတ္တုကိုယ်ထည်ကြီးဟာ ၁၂ ပေလောက်ရှည်ကာ အချင်းကတော့ ၅ ပေလောက်ရှိပါတယ်။ အဲဒီအရာဝတ္ထု ကျလာတဲ့အခါ အလွန်ကျယ်လောင်တဲ့အသံ ကြားခဲ့ရပြီး မြေကြီးတွေတောင် တုန်လှုပ်သွားတယ်လို့ ရွာသားတွေက ဆိုပါတယ်။

ဒီအရာဝတ္ထုကြီးကြောင့် ထိခိုက်ဒဏ်ရာရတဲ့သူ မရှိပေမယ့် ရွာထဲက အိမ်တစ်ချို့တော့ ပျက်ဆီးသွားပါတယ်။ နောက်ပိုင်းမှာ ဒီကိုယ်ထည်ကြီးကနေ ညှော်နံ့တွေလည်း ထွက်လာခဲ့ပါတယ်။

“ပထမတော့ တိုက်ပွဲဖြစ်နေပြီလို့ ကျွန်မတို့ထင်တာပေါ့။ ပေါက်ကွဲမှုကြီးကြောင့် ကျွန်မတို့အိမ်တွေတောင် တုန်ခါသွားတယ်။ ရွာထဲကနေ မီးခိုးထွက်လာတာကိုလည်း ကျွန်မတို့ မြင်ခဲ့ရတယ်” လို့ လုံးခင်းကျေးရွာမှာနေထိုင်တဲ့ ဒေါ်မကြည်က ပြောကြားခဲ့ပါတယ်။

ဒီအရာဝတ္ထုကြီးဟာ လေယာဉ်တစ်စီးစီးက ပြုတ်ကျလာတဲ့အရာဖြစ်မယ်လို့ မှန်းဆသူတွေလည်း ရှိနေပါတယ်။

“အင်ဂျင်လို့ထင်တယ်ဗျ။ ဘာ့ကြောင့်လည်းဆိုတော့ အနောက်ဖက်မှာ ဒိုင်အုပ်တွေ၊ ကြေးနီဝါယာကြိုးတွေလည်း တွေ့ရတယ်” လို့ ကိုမောင်မျိုးက ပြောကြားခဲ့ပါတယ်။

အစိုးရတာဝန်ရှိသူတွေက ဒီအရာဝတ္ထုဟာ ဘာဖြစ်တယ်ဆိုတာကို မဖော်ထုတ်ရသေးဘဲ စစ်ဆေးဖို့အတွက် ကျွမ်းကျင်သူတွေ လွှတ်ထားတယ်လို့ ပြောကြားခဲ့ပါတယ်။ လေကြောင်းဌာန အရာရှိဟောင်းတစ်ဦးကတော့ ဒီအစိတ်အပိုင်းကြီးဟာ ခရီးသည်တင်လေယာဉ်က အစိတ်အပိုင်းထက် ဒုံးပျံတွေမှာသုံးတဲ့ အင်ဂျင်မျိုးနဲ့ ပိုတူတယ်လို့ ပြောကြားခဲ့ပါတယ်။

တိုက်တိုက်ဆိုင်ဆိုင်ပဲ မနေ့က တရုတ်နိုင်ငံဟာ သူတို့ရဲ့ ဂြိုဟ်တု ၅ လုံးနဲ့ အာကသထဲက ဂြိုဟ်တုတွေကို လမ်းကြောင်းရှာဖွေနိုင်ရေး စမ်းသပ်အသုံးပြုမယ့် ယာဉ်ငယ်တစ်စင်းတို့ တင်ဆောင်သွားတဲ့ Long March Rocket ဒုံးပျံကို အောင်မြင်စွာ လွှတ်တင်နိုင်ခဲ့တယ်လို့ လိုကြေငြာခဲ့ပါတယ်။

ဂြိုဟ်တုတွေ၊ ဒုံးပျံတွင်လွှတ်တင်အပြီးမှာ အပျက်အဆီးတွေ ကျန်ခဲ့တာဟာ ပုံမှန်ဖြစ်နေပေမယ့် ကမ္ဘာမြေပေါ်ကျပြီး လူတွေကို ထိခိုက်မိတာမျိုးက ဖြစ်လေ့ဖြစ်ထမရှိပါဘူး။ နာဆာရဲ့ ဟူစန်တန်က Johnson Space Center က Orbital Debris Program ရုံးမှာ အလုပ်လုပ်နေတဲ့ သိပ္ပံပညာရှင် မာ့ခ် မက်တနေးက ဒီလို အာကာသက အပျက်အဆီးတွေ ကျပြီး လူတွေကို ထိခိုက်မှုဟာ အကြိမ်ပေါင်း ၂၃၀၀ လောက်မှ တစ်ကြိမ်သာ ဖြစ်နိုင်တယ်လို့ ၂၀၁၁ ခုနှစ်က ပြောခဲ့ပါတယ်။

အခုအချိန် အာကာသထဲမှာ ရှိနေတဲ့ အပျက်အစီးတွေက ၅ သောင်းလောက်ရှိပြိး အများစုက သေးကွေးတဲ့ ပစ္စည်းတွေဖြစ်တယ်လို့ နာဆာက ထုတ်ပြန်ထားပါတယ်။

Ref : Space.com