မိမိတို့နှင့်ပူးပေါင်းခြင်းက ကန်အတွက် တစ်ခုတည်းသော ရွေးချယ်ခွင့်ဟု တရုတ်သမ္မတ ပြော

နိုဝင်ဘာ ၁၅၊ ၂၀၁၆
M-Media

– ကမ္ဘာ့အကြီးဆုံး စီးပွားရေးရှိသည့် နိုင်ငံကြီးနှစ်ခုဖြစ်သည့် တရုတ်နှင့် အမေရိကန်အနေဖြင့် နှစ်နိုင်ငံကြားဆက်ဆံရေးကို ထိန်းသိမ်းရန်အတွက် နှစ်ဖက်ပူးပေါင်းဆောင်ရွက်ရေးသာ နောက်ဆုံးနည်းလမ်းဖြစ်သည်ဟု တရုတ်သမ္မတ ရှီကျင့်ဖျင်က အမေရိကန်သမ္မတသစ် ဒေါ်နယ်ထရမ့်ကို အကြံပြုပြောကြားလိုက်သည်။

“တရုတ်နဲ့ အမေရိကန်အတွက် တစ်ခုတည်းသော ရွေးချယ်စရာနည်းလမ်းက ပူးပေါင်းဆောင်ရွက်ရေးသာ ဖြစ်တဲ့အကြောင်းကို အချက်အလက်တွေက သက်သေပြနေပါတယ်” ဟု ဖုန်းဖြင့် စကားပြောဆိုမှုအတွင်း ရှီက ထရမ့်အား ပြောကြားခဲ့သည်ဟု CCTV သတင်းဌာနမှ ဖော်ပြခဲ့သည်။

ထို့ပြင် ပိုမိုကောင်းမွန်သည့် တရုတ်-အမေရိကန်ဆက်ဆံရေး ဖြစ်လာရန်အတွက် မိမိတို့နှစ်ဖက်စလုံးမှာ ကြိုးပမ်းအားထုတ်ရန်၊ နှစ်နိုင်ငံ စီးပွားရေးဖွံ့ဖြိုးတိုးတက်မှုနှင့် ကမ္ဘာ့စီးပွားရေး ဖွံ့ဖြိုးတိုးတက်မှုတို့ကို တိုးမြှင့်ရန် လိုအပ်ကြောင်း ထည့်သွင်းပြောကြားခဲ့သည်။

ထရမ့်၏ ရွေးကောက်ပွဲအနိုင်ရမှုအတွက် ချီးကျူးသည့်အနေဖြင့် ပြုလုပ်သည့် အဆိုပါ ဖုန်းခေါ်ဆိုမှုတွင် ရှီက မိမိတို့ နှစ်နိုင်ငံ ပူးပေါင်းဆောင်ရွက်မှုမှာ ကမ္ဘာကြီးနှင့် ဒေသတွင်း ငြိမ်းချမ်းရေး၊ တည်ငြိမ်ရေးနှင့် သာယာဝပြောရေးကို မြှင်တင်ပေးခဲ့သည်ဟု ဆိုသည်။

ခေါင်းဆောင်နှစ်ဦးမှာ နီးကပ်သည့် ဆက်ဆံရးကို ထိန်းသိမ်းရး သဘောတူညီခဲ့ပြီး မကြာမီ တွေ့ဆုံရန်လည်း ရှိနေသည်။

Ref : Presstv