ရခိုင်ပြဿနာအတွက် အလွန်စိုးရိမ်သည်ဟု ကိုဖီအန်နန်ပြော

နိုဝင်ဘာ ၁၅၊ ၂၀၁၆
M-Media

– ရခိုင်ပြည်နယ်တွင် လက်ရှိဖြစ်ပွားနေသည့် အကြမ်းဖက်တိုက်ခိုက်မှုများအတွက် အလွန်အမင်းစိုးရိမ်မိပြီး လုံခြုံရေးတပ်ဖွဲဝင်များအနေဖြင့် ဥပေဒနှင့်အညီ အပြည့်အဝေဆောင်ရွက်သွားရန် ကုလသမဂ္ဂ အထွေထွေ အတွင်းရေးမှူးချုပ်ဟောင်း မစ္စတာ ကိုဖီအန်နန်က ပြောကြားလိုက်သည်။

ပြီးခဲ့သည့် ရက်ပိုင်းအတွင်းက ဖြစ်ပွားခဲ့သည့် တိုက်ခိုက်မှုများအတွင်း စစ်သွေးကြွ ၆၉ ဦးနှင့် လုံခြုံရေးတက်ဖွဲ့ဝင် ၁၇ ဦး သေဆုံးခဲ့သည်ဟု မြန်မာစစ်တပ်က ယနေ့တွင် ပြောကြားခဲ့ပြီး၊ ထိုအရေအတွက်မှာ နိုင်ငံပိုင် Global New Light of Myanmar နေ့စဉ်သတင်းစာတွင် တနင်္ဂနွေနေ့က ဖော်ပြခဲ့သည့်အရေအတွက်ထက် သိသိသာသာ များပြားနေသည်။

ပြီးခဲ့သည့်သြဂုတ်လက ဒေါ်အောင်ဆန်းစုကြည် ဖွဲ့စည်းပေးထားသည့် ရခိုင်အရေးအကြံပေးကော်မရှင်၏ ဥက္ကဌဖြစ်သူ မစ္စတာ ကိုဖီအန်နန်ကမူ ထိုအဖြစ်အပျက်များအတွက် စိုးရိမ်မိသည်ဟု ဆိုသည်။

“ပြည်နယ်ကို ထပ်ပြီး မတည်မငြိမ်ဖြစ်စေကာ၊ ရွှေ့ပြောင်းထွက်ပြေးရမယ့် အခြေအနေ ထပ်ဖြစ်မယ့် ရခိုင်နိုင်ငံမြောက်ပိုင်းက လက်ရှိ အကြမ်းဖက်မှုတွေအပေါ်မှာ အလွန်အမင်းစိုးရိမ်မိတယ်လို့ ပြောချင်ပါတယ်။ အကြမ်းဖက်မှုကို လူ့အဖွဲ့အစည်းတိုင်းက ရှုတ်ချရမှာဖြစ်ပြီး လုံခြုံရေးတပ်ဖွဲ့တွေအနေနဲ့လည်း ဥပဒေနဲ့အညီ ပြည့်အ၀ ဆောင်ရွက်ဖို့ တိုက်တွန်းလိုပါတယ်” ဟု မစ္စတာ ကိုဖီအန်နန်က ထုတ်ပြန်ခဲ့သည့် ကြေငြာချက်တွင် ဖော်ပြထားသည်။

အောက်တိုဘာ ၉ ရက်နေ့က နယ်ခြားစောင့်စခန်းများ တိုက်ခိုက်ခံရပြီးနောက်ပိုင်း ရခိုင်ပြည်နယ်မြောက်ပိုင်းတွင် ဖြစ်ပွားခဲ့သည့် မတည်မငြိမ်မှုများကြောင့် အစိုးရဘက်က အကြမ်းဖက်သမားဟု နာမည်တပ်ထားသည့် လူ ၁၀၂ ဦးသေဆုံးကာ လုံခြုံရေးတပ်ဖွဲ့ဝင်များဘက်မှ ၃၂ ဦး ကျဆုံးခဲ့ကြောင်း အစိုးရ၏ တရားဝင်ထုန်ပြန်ချက်များမှ သိရသည်။

ထိုဒေသတွင် အစိုးရတပ်များမှာ တရားလက်လွတ်သတ်ဖြတ်ခြင်း၊ အဓမ္မပြုကျင့်ခြင်းနှင့် နေအိမ်များ မီးရှို့ခြင်းတို့ ရှိသည်ဟု ဒေသခံများနှင့် လူ့အခွင့်အရေး လှုပ်ရှားသူများက ပြောကြားထာပြီး အစိုးရနှင့် စစ်တပ်ကမူ ထိုစွပ်စွဲချက်များကို ငြင်းပယ်ကာ အကြမ်းဖက်သမားများကသာ နေအိမ်များကို မီးရှို့ခြင်းဖြစ်သည်ဟု တုန့်ပြန်ခဲ့သည်။

Ref: Ruters