မက်ဆီထက်ပိုကောင်းသည့် ကစားသမားများ မွေးထုတ်မည်ဟု မြောက်ကိုရီးယားကြုံးဝါး
================
နိုဝင်ဘာ ၁၅၊ ၂၀၁၆
M-Media

၁၉၆၆ ကမ္ဘာ့ဖလားတွင် အီတလီအား အနိုင်ရပြီး ကွာတားဖိုင်နယ်သို့ တက်ရောက်နိုင်ခဲ့စဉ်က မြောက်ကိုရီးယားအသင်း

– မိမိတို့အနေဖြင့် ဘာစီလိုနာကြယ်ပွင့်ကစားသမား မက်ဆီထက် ပိုကောင်းသည့် ကစားသမားများကို မွေးထုတ်ပေးသွားမည်ဖြစ်ပြီး ၎င်းတို့အား ကမ္ဘာ့အဆင့်တွင် လွှမ်းမိုးနိုင်စေရန် ကူညီပေးသွားမည်ဟု မြောက်ကိုရီးယားက ပြောကြားလိုက်သည်။

၂၀၁၃ ခုနှစ်က ပြုံးယမ် နိုင်ငံတကာ ဘောလုံးသင်တန်းကျောင်ကို ဖွင့်လှစ်ခဲ့ပြီးနောက် မြောက်ကိုရီးယားမှာ အနာဂတ်တွင် ဘောလုံးသမားကောင်းများ ထွက်ပေါ်လာရေး အာရုံစိုက်လာခဲ့ခြင်းဖြစ်သည်။

“ကျွန်တော်တို့ဟာ ကျောင်းသားတွကို လီယွန်နယ် မက်ဆီလို ကစားသမားမျိုးရဲ့ စွမ်းရည်တွေကို ကျော်ဖြတ်နိုင်မယ့် အလွန်ပါရမီရှိတဲ့ ကစားသမားတွေ ဖြစ်လာအောင် လေ့ကျင့်ပေးနေပါတယ်။ အခုအချိန်မှာ ကျွန်တော်တို့ဟာ အာရှကို လွှမ်းမိုးသင့်ပြီးလို ထင်ပါတယ်။ သိပ်မဝေးတော့တဲ့ အနာဂတ်မှာတော့ ကျွန်တော်တို့ ကမ္ဘာအဆင့်မှာ လွှမ်းမိုးနိုင်မယ်လို့ မျှော်လင့်ပါတယ်” ဟု ပြုံးယမ် ဘောလုံးသင်တန်းကျောင်းမှ နည်းပြဖြစ်သူ ရီယူအီက ပြောကြားခဲ့သည်။

လက်ရှိ ဖီဖာအဆင့်သတ်မှတ်ချက်တွင် မြောက်ကိုရီးယားမှာ ၁၂၆ တွင် ရှိနေပြီး အာမေးနီးယားနှင့် အီသီယိုးပီးယားတို့ကြားတွင် ဖြစ်သည်။ ထို့ပြင် ဒေသတွင်း ထိပ်တန်းအသင်းများဖြစ်သည့် တောင်ကိုရီးယား၊ ဂျပန်နှင့် တရုတ်တို့အား မှီရန်လည်း အလှမ်းဝေးလွန်းနေသည်။

မြောက်ကိုရီးယားဘောလုံးသမိုင်းတွင် အကြီးကျယ်ဆုံး အောင်မြင်မှုမှာ ၁၉၆၆ ခုနှစ် အင်္ဂလန်တွင် ကျင်းပသည့် ကမ္ဘာဖလား ဘောလုံးပြိုင်ပွဲတွင် ထိုစဉ်က ဥရောပအသင်းကြီး အီတလီအသင်းအား အနိုင်ရပြီးနောက် ကွာတားဖိုင်နယ်ကို တက်ရောက်နိုင်ခဲ့ခြင်းဖြစ်သည်။

မြောက်ကိုရီးယား လက်ရွေးစင်အသင်း၏ နည်းပြဖြစ်သူ နော်ဝေနိုင်ငံသား ဂျွန် အန်ဒါဆန်ကမူ မြောက်ကိုရီးယား ဘောလုံးလောက၌ တိုးတက်မှုများ ရရှိရန်အတွက် နိုင်ငံရပ်ခြားတွင် သွားရောက်ကစားမှု ပိတ်ပင်ထားခြင်းကဲ့သို့ ကန့်သတ်မှုများကို ဖယ်ရှားရမည်ဟု ပြောကြားခဲ့သည်။

Ref: Goal