ဝါရှင်တန်မှ ကုရ်အာန်ပြပွဲတွင် သက်တမ်းရင့်လက်ရေးမူများ ပါဝင်

နိုဝင်ဘာ ၁၅၊ ၂၀၁၆
M-Media

– အမေရိကန်ပြည်ထောင်စု ၀ါရှင်တန်ဒီစီတွင် ကုရ်အာန်ဆိုင်ရာ အနုပညာပြပွဲတစ်ခုကို ပြီးခဲ့သည့် ရက်ပိုင်းအတွင်းက စတင်ခဲ့ပြီး သမိုင်းတစ်လျှောက် အဖိုးမဖြတ်နိုင်သည့် လက်ရေးမှုပေါင်း ၆၀ ကျော် ပါဝင်ခဲ့သည်ဟု သိရသည်။

ပြပွဲတွင် ပြသထားသည့် အဆိုပါလက်ရာများမှာ မြောက်အာဖရိကမှ တူရကီ၊ အီရန်နှင့် အာဖဂန်နစ္စတန်တို့အထိ အစ္စလာမ်ကမ္ဘာတစ်ဝှမ်းရှိ နိုင်ငံများတွင် လွန်ခဲ့သည့် နှစ်ပေါင်း တစ်ထောင်ကျော်အရင်က ရေးသားခဲ့သည့် လက်ရာများဖြစ်သည်။

The Art of the Quran ဟု အမည်ပေးထားသည့် အဆိုပါ ပြပွဲကို စာကြည့်တိုက်နှင့် သုတေသနလုပ်ငန်းများ လုပ်ဆောင်ရာတွင် နမည်ကျော်သော Smithsonian Institution အသင်း၏ အစိတ်အပိုင်းတစ်ခုဖြစ်သည့် Arthur M. Sackler Gallery အနုပညာပြခန်းတွင် ပြလုပ်ခြင်းဖြစ်ကာ ပြခန်းတာဝန်ခံ မာဆူမာ ဖာဟဒ်က ကုရ်အာန်လက်ရာများကို စုဆောင်းရသည့် တာဝန်ကို ရယူထားသည်။

ပြခန်းသို့ လာရောက်သူများ ပထမဆုံး တွေ့မြင်ရန်အတွက် ချိတ်ဆွဲထားသည့် အရောင်အသွေးစုံလင်၍ ကြီးမားသော လက်ရေးမူ ကားချပ်နှင့်ပတ်သက်၍ သူမက “ဒါဟာ အကြီးဆုံးနဲ့ အလေးချိန်အစီးဆုံးပါ။ ဒီကားရဲ့ အလေးချိန်က ၆၀ ကီလိုလောက် ရှိပါတယ်။ အင်မတန် အံ့သြမှင်သက်လောက်စရာပါပဲ။ ဒီကားချပ်တွေဟာ အဓိကအားဖြင့် ခန့်ထည်အောင် ချိတ်ဆွဲဖို့ဖြစ်ပါတယ်။ အဲဒီကားတွေကို ဗလီတွေ၊ ဂူဗိမာန်တွေမှာ ချိတ်ဆွဲဖို့အတွက် လက်ဆောင်ပေးကြတာမျိုးပါ” ဟု ပြောကြားခဲ့သည်။

ပြပွဲတွင် ခင်းကျင်းပြသထားသည့် လက်ရာအများစုမှာ အစ္စတန်ဘူလ်ရှိ တူရကီနှင့် အစ္စလာမ့်အနုပညာဆိုင်ရာ ပြတိုက်မှဖြစ်ပြီး အချို့လက်ရာများမှာ Smithsonian Institution အသင်း၏ ကိုယ်ပိုင်စုဆောင်းမှုဖြစ်သည်။

သက်တမ်းအရင့်ဆုံး ကုရ်အာန်လက်ရေးမူမှာ ၇ ရာစုက ဆီးရီးယားနိုင်ငံ ဒမတ်စကတ်မြို့တွင် ရေးသားခဲ့သည့် လက်ရေးမူဖြစ်ပြီး သက်တမ်းအနုဆုံးမှာ ၁၇ ရာစု အစ္စတန်ဘူလ်မှ လက်ရာဖြစ်သည်။

အချို့သော လက်ရာများကမူ အော်တိုမန် ဆူလ်တန်ဘုရင်များ မြှုပ်နှံထားရှိရာ ဂူဗိမာန်များမှ ရရှိခြင်းဖြစ်သည်။

ဖာဟဒ်က ပြခန်းတွင် ခင်းကျင်းပြသထားသည့် လက်ရေးမူတစ်ချို့တွင် ကျမ်းချက်များက အတူတူပင် ဖြစ်သော်လည်း ရေးဟန်မှာ ကွဲပြားကြောင်း၊ ပညာရှင်တိုင်းက ၎င်းတို့၏ ကျွမ်းကျင်မှုအလိုက် ကုရ်အာန်ကျမ်းတော်မြတ်ကို အထူး အနုပညာလက်ရာများဖြင့် ရေးသားခဲ့ခြင်းဖြစ်ကြောင်း ထည့်သွင်းပြောကြားခဲ့သည်။

“ဥပမာအားဖြင့် စာပန်းချီပညာရှင် ယာကွတ်ရဲ့ လက်ရာတစ်ခုပေါ့ရှင်။ သူက ၁၂ ရာစုနှောင်းပိုင်းနဲ့ ၁၃ ရာစု အစောပိုင်းတွေမှာ အစ္စလာမ်ကမ္ဘာရဲ့ အကြီးကျယ်ဆုံး စာပန်းချီပညာရှင်တွေထဲက တစ်ယောက်လည်း ဖြစ်ပါတယ်”

အဆိုပါပြပွဲတွင် စာပန်းချီများ၏ လှပမှုနှင့် ကုရ်အာန်ကျမ်းတော်မြတ်၏ အသေးစိတ် အချက်အလက်များကို တွေ့မြင်ရမည်ဖြစ်ပြီး အချို့သော လက်ရေးမူများအတွက် ၎င်းတို့ကို ဖန်တီးသူများ၊ အစောပိုင်း ပိုင်ရှင်များအကြောင်းကိုလည်း ဖော်ပြထားသည်။

“ဘယ်လို စိတ်ဝင်စားမှုမျိုးပဲ ရှိနေပါစေ။ လာရောက်လာပတ်သူတွေဟာ ဒီအကြောင်းအရာတွေထဲက အချို့ကို ရသွားမယ်လို့ ကျွန်မတို့ မျှော်လင့်ပါတယ်။ တစ်ချို့က စာပန်းချီကို စိတ်ဝင်စားမယ်။ တစ်ချို့ကလည်း စာပန်းချီပညာရှင် တစ်ဦးချင်းစီကို စိတ်ဝင်စားမယ်၊ ဒါမှမဟုတ် အရောင်တောက်တောက်လေး ရေးထားတဲ့ လက်ရာမျိုးကို သဘောကျကြမယ်။ ကျွန်မတို့ ပြသသထားတဲ့ ပုံစံမျိုးက လာရောက်သူတွေကို တစ်ခုခုပေးဖို့ မျှော်လင့်တာ ဖြစ်ပါတယ်” ဟု ဖာဟဒ်က ပြောကြားခဲ့သည်။

Sackler Gallery တွင် ပြသထားသည့် အဆိုပါပြပွဲကို ၂၀၁၇ ခုနှစ် ဖော်ဝါရီ ၂၀ ရက်နေ့အထိ ပြုလုပ်သွားမည်ဖြစ်သည်။

Ref: VOA