အစ္စလာမ်ကို နိုင်ငံတော်ဘာသာအဖြစ် သတ်မှတ်မှု ဘင်္ဂလားဒေ့ရှ် ပယ်ဖျက်မည်

နိုဝင်ဘာ ၁၆၊ ၂၀၁၆
M-Media

ဘင်္ဂလားဒေ့ရ်ှရှိ ဂူသီယာ ဗလီဝတ်ကျောင်းတော်

– ဘင်္ဂလားဒေ့ရှ် အကြီးတန်းနိုင်ငံရေးသမားတစ်ဦးက မိမိတို့နိုင်ငံမှာ ‘ဘာသာရေးမစွက်သော အားကောင်းသည့် နိုင်ငံရေးဝါဒ’ ကို လက်ခံကျင့်သုံးသည်ဟု ပြောကြားခဲ့ပြီးနောက် အင်္ဂလားဒေ့ရ်ှအစိုးရ တာဝန်ရှိသူများက အစ္စလာမ်ဘာသာအား နိုင်ငံတော်ဘာသာအဖြစ် သတ်မှတ်ထားမှုကို ပယ်ဖျက်ရန် စဉ်းစားနေသည်ဟု သိရသည်။

ဘင်္ဂလားဒေ့ရှ်၏ အာဏာရ အ၀ါမီအဖွဲ့ချုပ်ပါတီ၏ ထိပ်တန်းအဖွဲ့ဝင်တစ်ဦးဖြစ်သူ ဒေါက်တာ အဘ်ဒူရ် ရာဇတ်က မြို့တော်ဒါကာရှိ ‘အမျိုးသားစာနယ်ဇင်း ကလပ်’ ဆွေးနွေးမှုအတွင်း နိုင်ငံတော်ဘာသာ သတ်မှတ်မှုကို နိုင်ငံ၏ ဖွဲ့စည်းပုံ အခြေခံဥပဒေမှ ပယ်ဖျက်ရန် အဆိုပြုခဲ့ခြင်းဖြစ်သည်။

“ဘင်္ဂလားဒေ့ရ်ှဟာ လူမှုရေး သဟဇာတဖြစ်တဲ့ နိုင်ငံတစ်ခုပါ။ ဒီနိုင်ငံမှာ ဘာသာပေါင်းစုံ နေထိုင်ကြတယ်။ ဘင်္ဂလားဒေ့ရ်ှဖွဲ့စည်းပုံ အခြေခံဥပဒေမှာ အစ္စလာမ်ကို နိုင်ငံတော်ဘာသာအဖြစ် မသတ်မှတ်သင့်ပါဘူး။ အရင်ကလည်း ကျွန်တော် လူသိရှင်ကြား ပြောခဲ့ဖူးပါတယ်။ အခု ထပ်ပြောချင်တာက အချိန်တစ်ခုရောက်လာရင် အစ္စလာမ်သာသနာကို နိုင်ငံတော်ဘာသာအဖြစ် သတ်မှတ်ထားမှုကနေ ပယ်ဖျက်သွားမှာပါ။ ဘင်္ဂလားဒေ့ရ်ှပြည်သူတွေမှာ ဘာသာရေးမစွက်တဲ့ အားကောင်းတဲ့နိုင်ငံရေးဝါဒ ရှိပါတယ်။ ကျွန်တော်တို့တိုင်းပြည်မှာ ‘လူနည်းစု’ ဆိုတာမျိုး မသတ်မှတ်ပါဘူး” ဟု ဒေါက်တာ ရာဇတ်က ဆွေးနွေးမှုတွင် ပြောကြားခဲ့သည်။

ထိုကဲ့သို့ အစ္စလာမ်သာသနာကို နိုင်ငံတော်ဘာသာအဖြစ် ပြဌာန်းထားမှုမှာ ‘မဟာဗျူဟာမြောက် အကြောင်းအရင်းများ’ ကြောင့်ဟု မိမိယုံကြည်ကြောင်း ၎င်းက ထည့်သွင်းပြောကြားခဲ့သည်။ သို့သော်လည်း အသေးစိတ်ကို ရှင်းလင်းခဲ့ခြင်း မရှိချေ။

ဘင်္ဂလားဒေ့ရ်ှတွင် အစ္စလာမ်ဘာသာကို သက်ဝင်ယုံကြည်သူအရေအတွက်မှာ သန်း ၁၅၀ နီးပါး ရှိနေပြီး အိန္ဒိယ၊ ပါကစ္စတန်နှင့် အင်ဒိုနီးရှားပြီးလျှင် စတုတ္ထမြောက် အစ္စလာမ်ဘာသာဝင်အများဆုံးရှိရာ နိုင်ငံလည်းဖြစ်သည်။

ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာမှာ မကြာသေးမီက ပြောကြားခဲ့သည့် မိန့်ခွန်းတွင် ဘာသာရေးလူနည်းစုများကို ကာကွယ်စောင့်ရှောက်မှု အရေးကြီးပုံကို မီးမောင်းထိုးပြခဲ့သည်။

“မွတ်စလင်အများစုရှိတဲ့ တိုင်းပြည်ဖြစ်တာကြောင့် လူနည်းစုတွေကို စောင့်ရှောက်ဖို့ဆိုတာ ဘင်္ဂလားဒေ့ရ်ှနိုင်ငံသားတွေရဲ့ ကိုယ်ကျင့်တရားပိုင်းဆိုင်မှာပါ ပါဝင်နေတဲ့ တာဝန်တစ်ခု ဖြစ်ပါတယ်။ ဘင်္ဂလားဒေ့ရ်ှနိုင်ငံဟာ သဟဇာတဖြစ်တဲ့ လူ့အဖွဲ့အစည်း တည်ရှိရာ တိုင်းပြည်ဖြစ်ပြီး တိုင်းပြည်ဖွံ့ဖြိုးဖို့၊ တိုင်းပြည်ရဲ့ပုံရိပ် ကောင်းမွန်ဖို့အတွက် ဒီသဟဇာတဖြစ်မှုကို ဘယ်လိုနည်းမျိုးနဲ့မဆို ထိန်းသိမ်းထားရပါမယ်” ဟု ၀န်ကြီးချုပ်က ပြောကြားခဲ့သည်။

ထို့ပြင် ၀န်ကြီးချုပ်မှာ IS အကြမ်းဖက်အဖွဲ့က နိုင်ငံအတွင်း လူနည်းစု လူ့အဖွဲ့အစည်းများအပေါ် ပစ်မှတ်ထား တိုက်ခိုက်မှုများကိုလည်း ရှုတ်ချခဲ့သည်။

Ref: Independent