ထရမ့်၏ရေနံပေါ်လစီ ကောင်းကျိုးရှိမည်မဟုတ်ဟု ဆော်ဒီသတိပေး

နိုဝင်ဘာ ၁၉၊ ၂၀၁၆
M-Media

– မိမိတို့ဆီမှ ရေနံဝယ်ယူမှုကို လျှော့ချမည်ဆိုသည့် ပြောစကားအတွက် ဆော်ဒီအာရေဗျက ဒေါ်နယ်ထရမ့်ကို သတိပေးလိုက်ပြီး ကမ္ဘာစီးပွားရေးကို ကမောက်ကမဖြစ်စေမည်ဟု ပြောကြားလိုက်သည်။

ထရမ့်က IS အဖွဲ့ကို မြေပြင်တပ်များဖြင့် တိုက်ခိုက်ခြင်း၊ အမေရိကန်က ထိုအဖွဲ့အား တိုက်ခိုက်မှုအတွက် ကုန်ကျစားရိတ်အား ပြန်ပေးခြင်းတို့ မပြုလုပ်ပါက ဆော်ဒီနှင့် အခြားသော အာရပ်နိုင်ငံများမှ ရေနံတင်သွင်းမှုကို ရပ်တန့်မည်ဟု ယခုနှစ်အစောပိုင်းက ပြောကြားခဲ့သည်။

ထို့ပြင် နောက်ပိုင်း စွမ်းအင်နှင့်ပတ်သက်၍ ၎င်း၏ပေါ်လစီအား ပြောကြားရာတွင် အမေရိကန်အနေဖြင့် ရန်သူများနှင့် ရေနံအင်အားကြီးနိုင်ငံများမှ စွမ်းအင်ဆိုင်ရာ မီခိုနေရမှုကို လုံးဝ လွတ်လပ်အောင် ဆောင်ရွက်မည်ဟုလည်း ဆိုသည်။

ဆော်ဒီစွမ်းအင်ဝန်ကြီး ခါလစ် အလ်-ဖာလီဟ်ကမူ ဆော်ဒီမှ ရေနံတင်သွင်းမှုကို ပိတ်ပင်ပါက ဆိုးရွားသည့်နောက်ဆက်တွဲနှင့် ရင်ဆိုင်ရမည်ဟု သတိပေးခဲ့သည်။

“သူကတော့ အကျိုးရှိမယ်လို့ ထင်မှာပေါ့လေ။ ဘယ်လိုရေနံထွက်ကုန်မျိုးမဆို ပိတ်ပင်တာက အခြေအနေကေင်းမှာ မဟုတ်ဘူးဆိုတာကို ရေနံလုပ်ငန်းက သူ့ကို သင်ပေးသွားမယ်လို့ ကျွန်တော် ထင်ပါတယ်”

ထို့ပြင် အလ်-ဖာဟီလ်က စွမ်းအင်မှာ ကမ္ဘာ့စီးပွားရေး၏ အသက်သွေးကြောဖြစ်ပြီး ကမ္ဘာ့လွတ်လပ်စွာကုန်သွယ်မှုမှတစ်ဆင့် အမေရိကန်မှာ အားလုံးထက်ပို၍ အမြတ်ထွက်နေသည်ဟုလည်း ထပ်လောင်းပြောကြားခဲ့သည်။

ကိုလံဘီယာတက္ကသိုလ်မှ ပါမောက္ခဖြစ်ပြီး အိုဘားမား၏ စွမ်းအင်ဆိုင်ရာ အကြံပေးဟောင်းဖြစ်သူ ဂျေဆန် ဘောဒေါ့ဖ်က ယနေ့ကဲ့သို့ ခွဲခြား၍မရတော့သည့် ကမ္ဘာ့ရေနံဈေးကွက်တွင် မည်သည့်နိုင်ငံမှမဆို အမေရိကန်သို့ ရေနံတင်သွင်းမှု ပိတ်ပင်ခြင်းမှာ လက်တွေ့မကျဟုဆိုပြီး၊ နိုင်ငံတစ်ခုကို သံတမန်ရေးအရသော်လည်းကောင်း၊ စီးပွားရေးအရသော်လည်းကောင်း အန္တရာယ်ဖြစ်အောင် ဆောင်ရွက်ခြင်းမှာ အမေရိကန်၏ လွတ်လပ်ပြီး ပွင့်လင်းသော စွမ်းအင်ဈေးကွက်ဖြစ်ရေး ကတိက၀တ်ကို ချိုးဖောက်ခြင်းဖြစ်သည်ဟုလည်း သတိပေးခဲ့သည်။

အမေရိကန်မှာ ပြည်တွင်းရေနံထုတ်လုပ်မှု မြင့်တက်လာသော်လည်း နိုင်ငံ၏ ကြီးမားသော စီးပွားရေး အလျင်မီစေရန်အတွက် အိုပက်နိုင်ငံများမှ ရေနံတင်သွင်းမှုကို အဓိကထားနေရသည်။

Ref: CNN