ရလဒ်မကောင်းသော်လည်း ကစားပုံမဆိုးဟု ကလော့ပ်ပြော

နိုဝင်ဘာ ၂၀၊ ၂၀၁၆
M-Media

– ဆောက်သက်တမ်အသင်းအား သရေကျမှုအတွက် မိမိအနေဖြင့် မကျေနပ်သော်လည်း အသင်းကစားပုံမှာ မိမိထင်ထားသည်ထက် ပိုမိုကောင်းမွန်သည်ဟု လီဗာပူးလ်နည်းပြ ယာဂန်ကလော့ပ်က ပြောကြားလိုက်သည်။

ယမန်နေ့က ကစားခဲ့သည့် အဆိုပါအဝေးကွင်းပွဲတွင် ဆာဒီယို မိန်း၊ ရော်ဘတ်တို ဖာမီနို၊ ဖိလစ်ပီ ကော်တင်ဟိုနှင့် နသန်နီယဲလ် ကလိုင်းတို့မှာ အကောင်းဆုံးအခွင့်အရေးများ ရရှိခဲ့သော်လည်း ဂိုးဝင်အောင် မသွင်းနိုင်သောကြောင့် ဂိုးမရှိရလဒ်ဖြင့် လီဗာပူးလ်မှာ သရေတစ်မှတ်ဖြင့်သာ ကျေနပ်ခဲ့ရသည်။

လက်ရှိတွင် လီဗာပူးလ်မှာ မန်စီးတီးအား ဂိုးကွာခြားချက်ဖြင့် ထိပ်ဆုံး၌ ဦးဆောင်နေသော်လည်း ယနေ့တွင် ချယ်ဆီးက မစ်ဒယ်ဘရော့အား အနိုင်ရလျှင် လီဗာပူးလ်ကို တစ်မှတ်ဖြတ်၍ ဦးဆောင်နိုင်မည်ဖြစ်သည်။

ကလော့ပ်ကမူ အသင်းကစားပုံမှ မိမိထင်သလောက်မဆိုးခဲ့ဟု ဆိုသည်။

“ဘောလုံးမှာ နှစ်ခုသောအရာက အရေးကြီးပါတယ်။ တစ်ခုက ရလဒ်နဲ့ နောက်တစ်ခုက ကစားပုံပါ။ ရလဒ်ကမကောင်းဘူး။ ဒါပေမယ့် ပွဲအတွက်ပြင်ဆင်မှုအပေါ်မှာ အခြေခံပြီး ကျွန်တော်တို့ မျှော်လင့်ခဲ့တာထက်ကို ကစားပုံက ပိုကောင်းပါတယ်။ ပထမပိုင်းမှာမဆိုးသလို၊ ဒုတိယပိုင်းမှာလည်း ပိုကောင်းခဲ့ပါတယ်။ ကစားဖို့ခက်တဲ့အသင်းနဲ့ ကစားရတဲ့ ဒီပွဲမှာ ကျွန်တော်တို့ကစားပုံက တော်တော်လေး ကောင်းခဲ့ပါတယ်။ ဆောက်သက်တမ်ဟာ လိဂ်မှာ စုဖွဲ့မှုအကောင်းဆုံးအသင်းတွေထဲက တစ်သင်းပါပဲ” ဟု ပွဲအပြီးသတင်းစာရှင်းလင်းပွဲတွင် ကလော့ပ်က ပြောကြားခဲ့သည်။

Ref: Goal