လိင်သန့်ရှင်းရေးဓလေ့တွင် ပါဝင်သူကို မာလာဝီက အပြစ်ရှိကြောင်း ဆုံးဖြတ်

နိုဝင်ဘာ ၂၀၊ ၂၀၁၆
M-Media

– ‘လိင်သန့်ရှင်းရေး’ (sexual cleansing) ဟု ခေါ်သည့် အာဖရိက ဓလေ့ထုံးတမ်းတစ်ခုကို လိုက်နာကျင့်သုံးသည့်အနေဖြင့် အမျိုးသမီး ၁၀၄ ဦးနှင့် လိင်ဆက်ဆံခဲ့သည့် လိင်လုပ်သား အမျိုးသားတစ်ဦးကို မာလာဝီတရားရုံးက အပြစ်ရှိကြောင်း ဆုံးဖြတ်ခဲ့သည်ဟု သိရသည်။

အသက် ၄၅ နှစ်အရွယ်ရှိ အဲရစ် အေနီဗာဆိုသူဖြစ်ပြီး HIV ပိုး ကူးစက်နေသူလည်းဖြစ်ကာ အန်ဆန်ဂျီ ခရိုင်တရားရုံးတွင် သောကြာနေ့က စွဲချက်နှစ်ခုအတွက် အပြစ်ရှိကြောင်း ဆုံးဖြတ်ခဲ့ခြင်းဖြစ်သည်။ အမိန့်ကို နိုဝင်ဘာ ၂၂ ရက်နေ့တွင် ချမှတ်မည်ဖြစ်သည်။

“စွပ်စွဲခံရသူဟာ ဆိုးရွားတဲ့ကျင့်သုံးမှုမှာ ပါဝင်တယ်ဆိုတာ သံသဖြစ်စရာမလိုအောင်ကို သက်သေထင်ရှားနေပါတယ်။ စွပ်စွဲခံရသူအနေနဲ့ အပြစ်ရှိတယ်ဆိုတာ တွေ့ရှိခဲ့ရပြီး၊ အပြစ်ရှိကြောင်းလည်း ဆုံးဖြတ်ပါတယ်” ဟု တရားသူကြီး အင်နိုးဆင့် နီဘီက ပြောကြားခဲ့သည်။

၎င်း လိင်ဆက်ဆံခဲ့သည့် အမျိုးသမီးများတွင် HIV ပိုးကူးစက်မှုကို မတွေ့ရသောကြောင့် ဆုံးဖြတ်ချက်တွင် HIV ပိုး ဖြန့်ဝေမှုဖြင့် အပြစ်ရှိကြောင်း မပါဝင်ခဲ့ပေ။

‘လိင်သန့်ရှင်းရေး’ (sexual cleansing) ဟုခေါ်သည့် ဓလေ့ထုံးတမ်းမှာ ကင်ညာ၊ ဇမ်ဘီယာ၊ မာလာဝီ၊ ယူဂန်ဒါ၊ တန်ဇန်းနီးယား၊ မိုဇမ်ဘတ်၊ အန်ဂိုလာ၊ အိုက်ဗရီကို့စ်၊ ကွန်ဂို၊ ဂါနာနှင့် နိုက်ဂျီးရီးယားတို့ရှိ ဒေသအများအပြားတွင် ကျင့်သုံးသည့် ဓလေ့ထုံးတမ်းဖြစ်သည်။

အမျိုးသမီးများ ပထမဆုံး ရာသီသွေးပေါ်ပြီးချိန်၊ မုဆိုးမဖြစ်ပြီးချိန်နှင့် ကလေးဖျက်ချပြီးချိန်တွင် အမျိုးသားတစ်ဦးနှင့် လိင်ဆက်ဆံရခြင်းဖြစ်ပြီး များသောအားဖြင့် လက်ထပ်ရန် ရည်ရွယ်ထားသူအမျိုးသား၊ ကွယ်လွန်သူအမျိုးသား၏ ညီအစ်ကို သို့မဟုတ် ဆွေမျိုးထဲမှ အမျိုးသားတစ်ဦးဖြင့်လည်းကောင်း၊ ငွေကြေးတစ်စုံတစ်ရာပေးရသည့် လိင်အလုပ်သမားဖြင့်လည်းကောင်း ပြုလုပ်ကြသည်။

မာလာဝီတွင်မူ နိုင်ငံတောင်ပိုင်းတွင် အဆိုပါဓလေ့ထုံးတမ်းကို အများဆုံးကျင့်သုံးကြပြီး ‘hyena’ ဟုခေါ်သည့် လိင်အလုပ်သမားကို မိသားစုများက ခန့်ထားကာ ဆောင်ရွက်ကြသည်။

“ကျွန်တော်က ဒီဓလေ့ထုံးတမ်းကို ကျင့်သုံးခဲ့တယ်ဆိုတာကို ၀န်ခံပါတယ်။ ဒါပေမယ့် ကျွန်တော့်ကိုဖမ်းလိုက်တာ၊ တရားစွဲတာ၊ ထောင်ချလိုက်ရင်တော့ လွန်ခဲ့တဲ့ နှစ်ပေါင်း ၁၀၀ ကျော်ကတည်းက ရှိခဲ့တဲ့ ဒီလေ့ထုံးတမ်း အခြားသူတွေ ကျင့်သုံးတာမျိုးကို ရပ်တန့်လို့ရမှာ မဟုတ်ပါဘူး” ဟု အေဗာနီက ပြောကြားခဲ့သည်။

မုဆိုးမများကို ကွယ်လွန်သွားသည့်အမျိုးသား၏ ၀ိဉာဏ်ငြိမ်းချမ်းရာစေရန် ရည်ရွယ်ချက်ဖြင့်လည်းကောင်း၊ အပျိုဖော်ဝင်သူများကို အရွယ်ရောက်ကြောင်း အထိမ်းအမှတ်ဖြစ်စေရန် ရည်ရွယ်ချက်ဖြင့်လည်းကောင်း ကျင်သုံးခြင်းဖြစ်ပြီး ထိုသို့မဆောင်ရွက်ပါက မိသားစု သို့မဟုတ် လူ့အဖွဲ့အစည်းတွင် နေထိုင်မကောင်းခြင်း၊ ကံမကောင်းခြင်းတို့ ဖြစ်တတ်သည်ဟု အယူရှိကြသည်။

အေနီဗာ၏ ယခုအမှုမှာ မာလာဝီနိုင်ငံတွင် အုံးအုံးကြွက်ကြွက်ဖြစ်ခဲ့ပြီး အမျိုးသမီးအရေး တက်ကြွလှုပ်ရှားသူများကမူ ၎င်းကို အမြတ်ထုတ်ဟု ရှုမြင်ကြကာ တစ်ချိ့က ဓလေ့ထုံးတမ်း၏ ဓားစားခံဟု ရှုမြင်ကြသည်။

အပြစ်ရှိကြောင်း ဆုံးဖြတ်ခံခဲ့ရသည့် အေနီဗာမှာ အမြင့်ဆုံး ထောင်ဒဏ် ၅ နှစ်အထိ ချမှတ်ခံရနိုင်သည်။

မာလာဝီနိုင်ငံမှာ ကမ္ဘာပေါ်တွင် HIV ကူးစက်မှုအဆိုးရွားဆုံး နိုင်ငံများထဲမှ တစ်ခုဖြစ်ပြီး အရွယ်ရောက်ပြီးသူအရေအတွက် ၉ ရာခိုင်နှုန်းမှာ HIV ပိုး ကူးစက်နေကြသည်။

Ref: Aljazeera