လက်ရှိခြေစွမ်းနှင့် ဖလားမရနိုင်ဟု ဂွါဒီယိုလာ ၀န်ခံ

နိုဝင်ဘာ ၂၁၊ ၂၀၁၆
M-Media

– ခရစ္စတယ်ပဲလေ့စ်အသင်းနှင့် စနေနေ့က ကစားခဲ့သည့်ပုံစံမျိုး ဆက်ကစားပါက မိမိတို့အနေဖြင့် ပရီးမီးယားလိဂ်ဖလား မရနိုင်ဟု မန်စီးတီးအသင်းနည်းပြ ပက် ဂွါဒီယိုလာက ပြောကြားလိုက်သည်။

အဝေးကွင်းတွင် သွားရောက်ကစားခဲ့သည့် အဆိုပါပွဲတွင် မန်စီးတီးမှာ ယာယာတိုးယေး၏ ဂိုးများကြောင့် ၂ ဂိုး ၁ ဂိုဖြင့် အနိုင်ရခဲ့သော်လည်း ၁ ဂိုးစီသရေဖြစ်ခဲ့ပြီးနောက်မှ အနိုင်ရခဲ့ခြင်းဖြစ်သည်။ မန်စီးတီးမှာ ပြီးခဲ့သည့် အိမ်ကွင်း နောက်ဆုံး ၃ ပွဲစလုံးတွင် ၁ ဂိုးစီ သရေရလဒ်ဖြင့်သာ ကျေနပ်ခဲ့ရသည်။

ဂွါဒီယိုလာကမူ အသင်း၏ စိတ်ဓာတ်ကို ချီးကျူးခဲ့သော်လည်း ထိုပုံစံအတိုင်း ဆက်ကစားနေပါက အမှတ်လျော့မည်ဟု သတိပေးခဲ့သည်။

“နည်းပြတွေအတွက် စိတ်ပျက်ရတာက ပွဲရဲ့ လျှို့ဝှက်ချက်ကို တွေ့တဲ့အချိန်လို့ ကျွန်တော် ကစားသမားတွေကို ပြောထားပါတယ်။ အဲဗာတန်၊ ဆောက်သက်တမ်နဲ့ မစ်ဒယ်ဘရော့တို့ကို အိမ်ကွင်းမှာ ခြေအသာနဲ့ကစားနိုင်ပြီး အနိုင်မရဘူးဆိုတာမျိုး တွေ့ရတဲ့အခါမှာ တော်တော်လေး စိတ်အနှောက်အယှက်ဖြစ်ရပါတယ်။ အရိုးသားဆုံးပြောရရင် ဒီပုံစံမျိုးနဲ့ဆိုရင်တော့ မလွယ်ပါဘူး။ ဒီလို ကစားမယ်ဆိုရင် ကျွန်တော်တို့ ဖလားတွေ ရမှာမဟုတ်ပါဘူး” ဟု ဂွါဒီယိုလာက ပြောကြားခဲ့သည်။

Ref: Goal