အဆင့် ၁ နေရာကို ဆက်ထိန်းသွားနိုင်မည်ဟု ချယ်ဆီးနည်းပြ ယူဆနေ

နိုဝင်ဘာ ၂၁၊ ၂၀၁၆
M-Media

– ဇယားထိပ်ဆုံးသို့ ရောက်ရှိနေသည့် မိမိတို့အသင်းမှာ လက်ရှိခြေစွမ်းကို ထိန်းသိမ်းသွားနိုင်ရန်အတွက် ရုပ်ပိုင်းဆိုင်ရာ၊ နည်းစနစ်ပိုင်းဆိုင်ရာ ခွန်အားများ လုံလုံလောက်လောက် ရှိနေသည်ဟု ချယ်ဆီးနည်းပြ အန်တိုနီယို ကွန်တီက ပြောကြားလိုက်သည်။

ယမန်နေ့က မစ်ဒယ်ဘရော့နှင့် ကစားခဲ့သည့်ပွဲတွင် ချယ်ဆီးမှာ ဒီယေဂိုကော်စတာ၏ တစ်လုံးတည်းသောဂိုးဖြင့် အနိုင်ရရှိခဲ့ပြီး ပရီးမီးယားလိဂ်ဇယားအား လီဗာပူးလ်၊ မန်စီးတီးတို့ကို ၁ မှတ်ဖြတ်၍ ဦးဆောင်နိုင်ခဲ့သည်။ ထိုပွဲမှာ ချယ်ဆီး၏ ၆ ပွဲဆက်တိုက် ဂိုးမပေးရသည့်ပွဲလည်း ဖြစ်သည်။

မစ်ဒယ်ဘရော့နည်းပြက ပွဲအပြီးတွင် ချယ်ဆီးမှာ ပရီးမီးယားလိဂ်ဖလားအား ဆွတ်ခူးနိုင်ခြေ ရှိနေသည်ဟု ပြောကြားခဲ့ပြီး၊ ကွန်တီကမူ ရာသီအကြို အပြင်းအထန် လေ့ကျင်မှုများ၏ အသီးအပွင့်ကို ခံစားနေရသည်ဟု ဆိုသည်။

“ကျွန်တော်တို့ အဆင်သင့်ဖြစ်နေပြီလို့ ကျွန်တော်ထင်ပါတယ်။ ရာသီအစမှာ နည်းစနစ်ပိုင်းဆိုင်ရာရော၊ ရုပ်ပိုင်းဆိုင်ရာရော ကျွန်တော်တို့ ပြင်းပြင်းထန်ထန် လေ့ကျင့်ထားတာကြောင့် ရက်အနည်းငယ်အတွင်းမှာ ပွဲတော်တော်များများ ကစားဖို့ ကျွန်တော်တို့ အဆင်သင့်ဖြစ်နေပါပြီ။ လိဂ်က ပွဲတိုင်းမှာ တောင်းတင့်ဖို့၊ အစကနေအဆုံးအထိ သွားနိုင်ဖို့ အရေးကြီးတာကြောင့် ကျွန်တော်တို့ ဒီလို ဆက်ကြိုးစားသွားမှာပါ” ဟု ကွန်တီက ပြောကြားခဲ့သည်။

Ref : Goal