ရခိုင်အရေး ဒေါ်အောင်ဆန်းစုကြည် နားစွင့်ပေးသလော ?

နိုဝင်ဘာ ၂၁၊ ၂၀၁၆
M-Media

– ကင်မရာထဲမှမြင်ကွင်းများ ပြီးဆုံးသော် နောက်ခံအကာအရံအတွင်း အမျိုးသမီးတို့၏ ငိုညည်းသံများ ထွက်လာသည်။ “အို – ညီအစ်ကိုတို့။ ဒီမှာ ဒီမှာ ကြည့်ကြပါဦး” ဟု ရှင်းလင်းတင်ပြနေသူက ဆိုလိုက်သည်။ သူပြသနေသည့် ရုပ်သံ၌ မီးလောင်ထားသော အကြွင်းအကျန်အိမ်ပျက်ထဲတွင် ရွှံ့နွံနှင့်ပြာမှုန်များအကြား လူ့ခန္ဓာကိုယ်များက ထိုးထွက်လျက်ရှိသည်ကို အတိုင်းသားမြင်နေရ၏။

မြန်မာနိုင်ငံ၊ ရခိုင်ပြည်နယ်မြောက်ပိုင်းမှ ထွက်ပေါ်လာသည့် အနည်းငယ်မျှသော မှတ်တမ်းများအနက် ဤရင်ထိတ်စရာဗီဒီယိုမှာလည်း အပါအ၀င်ဖြစ်၏။ ထိုဒေသမှာ လူ့အခွင့်အရေးများကို ကျယ်ကျယ်ပြန့်ပြန့်ချိုးဖောက်လျက်ရှိကြောင်း လူ့အခွင့်အရေးအုပ်စုများက သတိပေးနေကြသည်။

လူ့အခွင့်အရေးစောင့်ကြည့်ရေးအဖွဲ့၏အဆိုအရ ပြီးခဲ့သည့်လ အကြမ်းဖက်မှု၏နောက် မြန်မာစစ်တပ်က နယ်မြေရှင်းလင်းရေးကို ဆက်တိုက်လုပ်ဆောင်ခဲ့ရာ ရွာများစွာရှိ လူနေအိမ်ခြေများ ရာနှင့်ချီ၍ ဖျက်ဆီးခံလိုက်ရပြီဖြစ်သည်။

၎င်းမှာ ဒေသခံစစ်သွေးကြွအုပ်စုများက မီးရှို့ခဲ့ခြင်းဖြစ်သည်ဟု မြန်မာအာဏာပိုင်များက စွပ်စွဲ၍ HRW ၏တင်ပြမှုကို ငြင်းဆိုထားသည်။

အိမ်နီးချင်း ဘင်္ဂလားဒေ့ရ်ှရှိ အာဏာပိုင်များက လတ်တလောရက်ပိုင်းအတွင်း ဒါဇင်ပေါင်းများစွာသောလူတို့သည် နယ်စပ်ဖြတ်ကျော်ပြီး အသက်လုပြေးရန် ကြိုးပမ်းနေကြောင်း ပြောကြားသည်။

အကြမ်းဖက်ခြင်းနှင့် နှုတ်ဆိတ်နေမှု
———————————–
မကြားသေးမီ အောက်တိုဘာလအစောပိုင်းတွင် အကြမ်းဖက်ဖြစ်စဉ်တစ်ရပ် ရုတ်ခြည်း ပေါ်ပေါက်ခဲ့သည်။ လက်နက်ကိုင်ထားသူ ၃၀၀ ပါဝင်သော အုပ်စုတစ်စုက စစ်သားနှင့် ရဲအရာရှိများကို သတ်ဖြတ်ခဲ့သည်ဟု နိုင်ငံပိုင်သတင်းဋ္ဌာနများက ဖော်ပြကြသည်။

၎င်းက မြန်မာစစ်တပ်၏ ပြင်းထန်သည့် နယ်မြေရှင်းလင်းရေးတစ်ရပ်ကို အစပျိုးပေးလိုက်သည်။ ယင်းလုပ်ဆောင်ချက်အတွင်း ဒါဇင်ပေါင်းများစွာသော ပြည်သူတို့ သတ်ဖြတ်ခံရပြီး အနည်းဆုံး လူ ၂၃၀ ဦးမှာ ဖမ်းဆီးထိန်းသိမ်းခံရသည်။

ရခိုင်ပြည်နယ်သည် ရိုဟင်ဂျာမွတ်စ်လင်မ် လူဦးရေ အများဆုံး အခြေချနေထိုင်ရာအရပ်ဖြစ်သည်။ ထိုသူတို့မှာ ခွဲခြားချိုးနှိမ်မှုဒဏ်ကို နှစ်ပေါင်းများစွာ ခံစားနေကြရသည့် လူနည်းစုဝင် နိုင်ငံမဲ့ တိုင်းရင်းလူမျိုးစုတစ်ခုလည်းဖြစ်သည်။ မြန်မာအစိုးရဖက်က ၎င်း “ရိုဟင်ဂျာ” ဟူသော အသုံးအနှုန်းကို တရားဝင်ငြင်းဆိုထားသည့်အပြင် တရားမ၀င်ရွှေ့ပြောင်းရောက်ရှိလာသည့် ဘင်ဂါလီများအဖြစ် သတ်မှတ်ထားကြသည်။

မြန်မာအရပ်သားအစိုးရနှင့်အတူ နိုဗယ်ဆုရှင် ဒေါ်အောင်ဆန်းစုကြည်အား စစ်တပ်အပေါ် မည်သို့ဆက်ဆံသွားကြမည်ကို တောက်လျှောက်စောင့်ကြည့်နေသူ များစွာရှိနေ၏။

ယမန်နှစ်က ဒေါ်အောင်ဆန်းစုကြည် ဦးဆောင်သော အမျိုးသားဒီမိုကရေစီအဖွဲ့ချုပ် NLD မှာ ရွေးကောက်ပွဲတွင် အပြတ်အသတ် အနိုင်ရရှိခဲ့ပြီး နှစ်ပေါင်း ၂၀ ကျော် တည်ရှိခဲ့သည့် စစ်အုပ်ချုပ်ရေးမှာ အဆုံးသတ်သွားသည်။

သို့သော်လည်း စစ်အစိုးရဟောင်း ရေးဆွဲခဲ့သည့် ဖွဲ့စည်းပုံအခြေခံဥပဒေအရ စစ်တပ်သည် ပါလီမန်တွင် နေရာ ၂၅ ရာခိုင်နှုန်းအထိ ရယူထိန်းသိမ်းကာ လုံခြုံရေးကိစ္စများကိုလည်း ထိန်းချုပ်ထားလျက်ရှိ၏။

မြန်မာ့တပ်မတော်ကို ဦးဆောင်နေသည့် ဗိုလ်ချုပ်မှူးကြီး မင်းအောင်လှိုင်မှာ ၂၀၁၁ ခုနှစ်က အပြင်းစားစစ်အာဏာရှင်ဟောင်း ဦးသန်းရွှေမှ စိတ်ကြိုက်ရွေးချယ်ခန့်အပ်ထားသူဖြစ်သည်။

ရခိုင်ပြည်နယ်ရှိ စစ်ဆင်ရေးများကို စစ်တပ်က ဦးဆောင်နေကြောင်း အဆိုညီကြသလို၊ အစိုးရဖက်မှ တစ်စုံတစ်ရာ အရေးယူဆောင်ရွက်မှု ကင်းမဲ့နေခြင်းအပေါ် စိတ်ပျက်မိကြောင်း ဖော်ပြထားကြသည်။

“လက်ရှိဖြစ်ပေါ်နေတဲ့ လူ့အခွင့်အရေးချိုးဖောက်မှုတွေကို အစိုးရဖက်က မျက်စေ့စုံမှိတ်ငြင်းပယ်နေတာဟာ NLD အတွက် အလားအလာ ကောင်းနိုင်မှာ မဟုတ်ပါဘူး။ အစိုးရအနေနဲ့ ဒီလိုလူ့အခွင့်အရေးချိုးဖောက်မှု ကျူးလွန်တာဆိုရင် ပြည်သူတစ်ရပ်လုံးအတွက် စိုးရိမ်စရာ ဖြစ်လာစရာ အကြောင်းရှိတယ်” ဟု ဘန်ကောက်အခြေစိုက် Fortify Rights လူ့အခွင့်အရေးအဖွဲ့တည်ထောင်သူ မက်သျူးစမစ်က ဆိုသည်။

မတည်ငြိမ်မှု အန္တရာယ်
——————–
ရခိုင်ပြည်နယ်၌ အကြမ်းဖက်မှု မရပ်မနား ရှေ့ဆက်နေခြင်းနှင့်ပတ်သက်၍ မြန်မာအစိုးရ၏ ကော်မရှင်တစ်ခုကို လက်ရှိဦးဆောင်လျက်ရှိသော ကုလသမဂ္ဂအတွင်းရေးမှူးချုပ်ဟောင်း ကိုဖီအာနန်က “၎င်းသည် နိုင်ငံတော်အား မတည်ငြိမ်မှုအသစ်တစ်ရပ်ထဲသို့ ထိုးနှစ်နေခြင်းဖြစ်သည်” ဟု သတိပေးပြောကြားလိုက်သည်။

ရခိုင်ပြည်နယ်အတွင်းရှိ အမျိုးသမီးများနှင့် မိန်းမငယ်များအား လိင်ပိုင်းစော်ကားချက်နှင့် မုဒိန်းကျူးလွန်ချက်ဆိုင်ရာ ခိုင်မာနေသည့်အချက်အလက်များအပေါ် “ဒေသတွင်း ပိုမိုကျယ်ပြန့်သောလူမျိုးရေးအကြမ်းဖက်မှုပုံဟန်ဖြစ်စေရန် တွန်းအားပေးအကြမ်းဖက်မှုတစ်ခု” အပါအ၀င်ဖြစ်နေ၍ ကုလသမဂ္ဂသံတမန် ဇိုင်နဗ် ဟာဝါ ဘန်ကူရာ ကလည်း အလွန်အမင်း စိုးရိမ်ရကြောင်း ဖော်ထုတ်ပြောကြားခဲ့သည်။

ဤရက်သတ္တပတ် မြန်မာသမ္မတရုံးထုတ်ပြန်စာ၌ စစ်တပ်သတင်းအဖွဲ့ကို ကိုးကားလျက် ပြည်ပမီဒီယာတို့၏ လုပ်ကြံဖော်ပြချက်များဟုဆိုကာ ငြင်းဆန်ချေပထားပြီး အကြမ်းဖက်အုပ်စုများ၏ အကြမ်းဖက်မှုဟု အပြစ်ဖို့ထားသည်။

ယခင် စစ်အစိုးရအတွက် တာဝန်ထမ်းဆောင်ပေးခဲ့သော သမ္မတရုံးပြန်ကြားရေးဝန် ဦးဇော်ဌေးက ဗုဒ္ဓဟူးနေ့ သတင်းစာရှင်းလင်းပွဲ၌ နယ်မြေရှင်းလင်းရေးတပ်ဖွဲ့ဝင်များမှ လူနေအိမ်များအား မီးတင်ရှို့ခြင်းသတင်းများ၊ မုဒိန်းနှင့်လိင်ပိုင်းဆိုင်ရာကျူးလွန်စော်ကားချက်များဆိုင်ရာ သတင်းများကို ငြင်းဆိုခဲ့သည်။

အစိုးရအနေနှင့် အနာဂတ်တွင် ထိလွယ်ရှလွယ် ပဋိပက္ခသတင်းများအပေါ် မီဒီယာများနှင့် ပူးပေါင်းဆောင်ရွက်သွားမည်ဟု အခိုင်အမာ ပြောကြားသွားခဲ့သည်။

လူ့အခွင့်အရေးစောင့်ကြည့်အဖွဲ့ကမူ ထိုဒေသထဲသို့ လူ့အခွင့်အရေးစောင့်ကြည့်သူများနှင့် ဂျာနယ်လစ်များ ၀င်ရောက်ခွင့်အား မြန်မာအစိုးရမှ ငြင်းပယ်ခြင်းအပေါ် ထပ်ဖန်တလဲ ဝေဖန်လျက်ရှိသည်။

တစ်စုံတစ်ရာသောမှတ်ချက်ရယူနိုင်ရန် CNN မှ ဒေါ်စုကြည်၏ရုံးသို့ အကြိမ်ကြိမ်ရောက်ရှိသော်လည်း မည်သည့်တုန့်ပြန်ဖြေကြားမှုမျှ မရရှိခဲ့ပေ။

စိတ်ပျက်စရာအတိပြီးသော ..
——————————–
စက်တင်ဘာလအတွင်း CNN နှင့်ပြုလုပ်သည့် အင်တာဗျူးတစ်ခုတွင် ဒေါ်စုကြည်က မိမိ၏အစိုးရအနေဖြင့် မိမိတို့ ရည်မျှော်သော သဟဇာတဖြစ်မှု၊ နားလည်မှုနှင့် သဘောထားကြီးလိုက်လျောမှုတို့ကို ဖော်ဆောင်ရာ၌ အခက်အခဲများစွာ ရှိနေကြောင်း ပြောဆိုခဲ့သည်။ ဒေါ်စုကြည်က အာနန်ကော်မရှင်ဖွဲ့စည်းမှုနှင့် သူမအစိုးရအဖွဲ့ဆောင်ရွက်ချက်ဖြစ်သော ရိုဟင်ဂျာတို့၏ သွားလာခွင့်ကန့်သတ်ချက်အချို့ ရုပ်သိမ်းဖယ်ရှားမှုကို ညွှန်းလျက် “ဒါက ကျွန်မတို့ချည်း ရင်ဆိုင်ကြုံတွေ့နေရတဲ့ ပြဿနာ မဟုတ်ပါဘူး။ နိုင်ငံတကာအသိုင်းအ၀ိုင်းကလည်း အာရုံစိုက်နေတဲ့ကိစ္စတစ်ခုဖြစ်ပါတယ်” ဟုဆိုသည်။

မည်သို့ဆိုစေ ဤအရေး ကျယ်လောင်နေသည့်တိုင် ဒေါ်စုကြည်မှာ နှုတ်ဆိတ်နေလေ့ရှိသည်။ ယင်းသို့တုန့်ပြန်ချက်ကို စမစ်က အလွန်တရာ စိုးရိမ်စရာကောင်းနေသည်ဟု ဖော်ပြသည်။

အရပ်သားအစိုးရသည် ရခိုင်ပြည်နယ်ရှိ စစ်တပ်၏လုပ်ရပ်အပေါ် မည်မျှ သြဇာသက်ရောက်မှုရှိကြောင်း သူ့အနေနှင့် တပ်အပ်မပြောဆိုနိုင်သေးသလို သြစတေးလျ Deakin University မှ မြန်မာ့အရေးကျွမ်းကျင်ပညာရှင် Anthony Ware ကလည်း ဒေါ်စုကြည်၏ နှုတ်ဆိတ်နေမှုမှာ ကာလရှည်ကြာစွာ အလိုတူအလိုပါသဘောဆောင်သကဲ့သို့ဖြစ်သည်ဟု ဆိုသည်။ “ဒေါ်အောင်ဆန်းစုကြည် သို့မဟုတ် NLD ဆီကနေ ဒီအရေးအပေါ် ဟုတ်တိပတ်တိ ဦးဆောင်မှုပေးတာ ကျွန်တော်တို့ မတွေ့မြင်ရသေးဘူး”။

စစ်တပ်က လုံခြုံရေးကိစ္စအား အပြည့်အ၀ထိန်းချုပ်ထားမှုနှင့်အတူ ပါလီမန်၌ ကျောထောက်နောက်ခံ ၂၅ ရာခိုင်နှုန်းရယူထားခြင်းကြောင့် NLD အစိုးရအနေနှင့် မည်မျှထိရောက်စွာ အသံထုတ်နိုင်မည်ကို ရှင်းလင်းစွာ မသိရှိရပေ။

တိုင်းပြည်၏ လူများစုဗုဒ္ဓဘာသာဝင်များအကြား ရိုဟင်ဂျာဆန့်ကျင်ရေးလုပ်ဆောင်ချက်နှင့် မွတ်စ်လင်မ်တို့အပေါ် မုန်းတီးနာကြည်းအောင် ၀ါဒဖြန့်ချက်အတွက် မြန်မာပင်တိုင်မီဒီယာတို့က အူတိုင်လမ်းကြောင်းသဖွယ် အခိုင်အမာ အားပေးနေပြန်သည်။ ၎င်းတို့ကို အစွန်းရောက်အမျိုးသားရေးဝါဒီ ဗုဒ္ဓဘာသာဝင်ရဟန်းသံဃာများက ဦးဆောင်လျက်ရှိသည်။

“လူနည်းစုဝင် တိုင်းရင်းအုပ်စုအများအပြားထဲမှာပင်လျှင် မွတ်စ်လင်မ်တွေဟာ ဗုဒ္ဓဘာသာအတွက်၊ နိုင်ငံလုံခြုံရေးအတွက် အန္တရာယ်ရှိသူတွေအဖြစ် အယုံသွင်းခံထားရတယ်” ဟု Ware က ဆိုပါသည်။

စစ်တပ်၏ ကျူးလွန်စော်ကားစည်းဖောက်မှုများ
———————————————–
ဒီမိုကရေစီအကူးအပြောင်း မတိုင်မီနှင့် အကူးအပြောင်းနောက်ပိုင်း နှိပ်စက်ညှင်းပန်းခြင်း၊ မုဒိမ်းမှုကျူးလွန်ခြင်း၊ ကလေးစစ်သားများကို အသုံးချခြင်းတို့ဖြင့် ဗမာစစ်တပ်အပေါ် စွဲချက်တင်လျက်ရှိကြသည်။

တိုင်းရင်းသားလူနည်းစုဝင်များအပေါ်လည်းကောင်း၊ ရခိုင်နှင့် ကချင်ပြည်နယ်များ၌လည်းကောင်း ခြေလှမ်းကျယ်ဆဲ ကျူးလွန်စော်ကားမှုများကို လူ့အခွင့်အရေးအုပ်စုများက မှတ်တမ်းတင်နေကြသည်။

“ရခိုင်ပြည်နယ်က အဓိကပြဿနာနဲ့ လှုပ်ရှားဆောင်ရွက်ချက်အားလုံးဟာ စစ်တပ်ရဲ့ထိန်းချုပ်မှုအောက်မှာ ရှိနေတယ်။ ရခိုင်ပြည်နယ်ထဲမှာ လက်နက်ကိုင်အုပ်စုတွေ ရှိနေပါစေ၊ နယ်စပ်ရေးရာပရမ်းပတာထိန်းကွပ်မှုနဲ့ နိုင်ငံတကာအကြမ်းဖက်သြဇာသက်ရောက်မှုဟာ စိုးရိမ်စရာ သိသာထင်ရှားနေပါစေ စစ်တပ်ကတော့ ဘယ်သူတစ်ဦးတစ်ယောက်ကို များများစားစား ပြောခွင့်ပေးမှာ မဟုတ်ပါဘူး” ဟု Ware က ဆိုသည်။

စမစ် ကလည်း စစ်တပ်သည် ဒေသတွင်း၌ နယ်မြေရှင်းလင်းရေးဟုဆိုကာ မွတ်စ်လင်မ်ကင်းစင်ရေးလုပ်နေခြင်းကို ဖော်ဆောင်လုပ်ကိုင်နေကြောင်း၊ ၎င်းမှာ နိုင်ငံတကာရာဇ၀တ်မှုအား ကျူးလွန်ရာရောက်ကြောင်း သတိပေးပြောကြားလိုက်သည်။

“အောက်တိုဘာလ တိုက်ခိုက်မှုတွေမတိုင်မီ မွတ်စ်လင်မ်တွေရဲ့ ပိုင်ဆိုင်မှုတွေအပေါ် ဘယ်လိုဘယ်ပုံ ဖြိုခွင်းဖျက်ဆီးရေး အစီအစဉ်အကြောင်း ရခိုင်ပြည်နယ်အာဏာပိုင်များရဲ့ ပြောဆိုထားချက်တွေကို ကျွန်တော်တို့ အထောက်အထားပြုစုထားပြီးဖြစ်ပါတယ်။ အဲ့ဒီဗျူဟာအရ နောက်ထပ်အကြောင်းဆက်စပ်မှုတစ်ခုပြုလုပ်ပြီး မဖြစ်ဖြစ်အောင် ဖော်ဆောင်လုပ်ကိုင်နေခြင်းသာဖြစ်ကြောင်း ထင်ရှားပေါ်လွင်လာပါလိမ့်မယ်”။

(CNN သတင်းဌာနမှ James Griffiths ၏ Is The Lady listening? Aung San Suu Kyi accused of ignoring Myanmar’s Muslims ဆောင်းပါးကို မြင့်မိုရ်မောင်မောင် က ဆီလျော်အောင်ပြန်ဆိုသည်။)