ဆွီဒင်အကောင်းဆုံးဘောလုံးသမားဆုကို မိုဗစ် ၁၀ ကြိမ်ဆက် ရရှိ

နိုဝင်ဘာ ၂၂၊ ၂၀၁၆
M-Media

– ဆွီဒင်ဘောလုံးအဖွဲ့ချုပ်က ပေးအပ်ချီးမြှင့်သည့် ၂၀၁၆ ခုနှစ်အတွက် တစ်နှစ်တာအကောင်းဆုံး ဘောလုံးသမားဆုကို မန်ယူတိုက်စစ်မှူး အီဘရာဟီမိုဗစ်က ရရှိခဲ့ပြီး ထိုဆုကို ၁၀ နှစ်ဆက်တိုက် ရရှိခဲ့ခြင်းလည်းဖြစ်သည်။

အသက် ၃၅ နှစ်အရွယ်ရှိ မိုဗစ်မှာ ၂၀၀၅ ခုနှစ်တွင် ဆွီဒင်၏ တစ်နှစ်တာအကောင်ဆုံး ဘောလုံးသမားဆုကို စတင် ရရှိခဲ့ခြင်းဖြစ်ပြီး ၂၀၀၆ ခုနှစ်တွင် ဖက်ဒရစ် လွန်းဘတ်ကို လွှဲပေးခဲ့ရသော်လည်း ၂၀၀၇ ခုနှစ်မှစ၍ ယခုနှစ်အထိ ၁၀ ကြိမ်ဆက်တိုက် ဆွတ်ခူးခဲ့သည်။

ယူရို ၂၀၁၆ ဘောလုံးပြိုင်ပွဲတွင် ဆွီဒင်အသင်း ထွက်ခဲ့ရပြီးနောက်ပိုင်း မိုဗစ်က နိုင်ငံတကာကစားသမားဘ၀မှ အနားယူခဲ့ပြီဟု ကြေငြာခဲ့သည်။ ဆွီဒင်ဘောလုံးအချုပ်ကမူ မိုဗစ်အား ဂုဏ်ပြုသည့်အနေဖြင့် စတော့ဟုမ်းရှိ Friends Arena ဘောလုံးကွင်းရှေ့တွင် မိုဗစ်၏ ရုပ်တုတစ်ခုကို စိုက်ထူရန် ဆောင်ရွက်နေသည်။

“အိပ်မက်လို့ ခံစားရပါတယ်။ လူတော်တော်များများကတော့ ဘာ့ကြောင့် သူချည်းပဲ ဖြစ်နေတာလဲဆိုပြီး တွေးကြမှာပေါ့လေ။ ဒါပေမယ့် နိုင်ငံအသင်းအတွက် ၁၅ နှစ်လောက်၊ ကလပ်အသင်းအတွက် နှစ် ၂၀ လောက် ကြိုးစားအားထုတ်ပြီးခဲ့တဲ့နောက်မှာ အသိအမှတ်ပြုခံရတယ်လို့ပဲ ခံစားမိပါတယ်။ တစ်ချို့က သေဆုံးသွားပြီးတဲ့အခါမှာ ဒီလို အသိအမှတ်ပြုခံရတာမျိုးပါ။ ကျွန်တော်ကတော့ အသက်ရှင်လျက် ကြုံတွေ့ရပါတယ်။ ကျွန်တော် သေဆုံးသွားလည်း ဒီရုပ်ထုကြီးက ထာဝရ ရှိနေမှာ ဖြစ်ပါတယ်” ဟု မိုဗစ်က ဆုရရှိမှုနှင့်ပတ်သက်၍ ပြောကြားခဲ့သည်။

Ref: Goal