မိမိတို့လုံခြုံရေးအဖွဲ့ကို တူရကီဝင်လျှင် စဉ်းစားပေးမည်ဟု တရုတ်ပြော

နိုဝင်ဘာ ၂၂၊ ၂၀၁၆
M-Media

– ရုရှားနှင့်တရုတ်တို့ ဦးဆောင်သည့် လုံခြုံရေးအဖွဲ့သို့ ၀င်ရောက်ရန် တူရကီမှ လျှောက်ထားလာပါက မိမိတို့အနေဖြင့် လက်ခံရန် စဉ်းစားသွားမည်ဟု တရုတ်နိုင်ငံက ပြောကြားလိုက်သည်။

တူရကီသမ္မတ အာဒိုဂန်က တူရကီအနေဖြင့် ‘ရှန်ဟိုင်းပူးပေါင်းဆောင်ရွက်ရေးအဖွဲ့’ ကို ၀င်ရောက်လာနိုင်သည်ဟု တနင်္ဂနွေနေ့က ပြောကြားခဲ့ပြီးနောက် တရုတ်၏ ယခုကဲ့သို့ တုန့်ပြန်မှု ပေါ်ထွက်လာခြင်းဖြစ်သည်။

အဆိုပါ လုံခြုံရေးအဖွဲ့ကို တရုတ်၊ ရုရှားနှင့် ဗဟိုအာရှ လေးနိုင်ငံဖြစ်သည့် ကာဇက်စတန်၊ ကာဂျစ်စတန်၊ တာဂျစ်ကစ္စတန်နှင့် ဥဇဘက်ကစ္စတန်တို့က အိမ်နီးချင်း အာဖဂန်နစ္စတန်နိုင်ငံမှ အစွန်းရောက်အန္တရာယ်နှင့် မူးယစ်ဆေးဝါး အန္တရာယ်များကို တိုက်ဖျက်ရန်အတွက် ၂၀၀၁ ခုနှစ်က စတင်ဖွဲ့စည်းခဲ့ခြင်းဖြစ်သည်။

တရုတ်နိုင်ငံခြားရေးဝန်ကြီးဌာန၏ ပြောရေးဆိုခွင့်ရှိသူ ဂျန်ရှောင်းက တူရကီနိုင်ငံသည် ၎င်းတို့အဖွဲ့အစည်းနှင့် ဆွေးနွေးဆဲ မိတ်ဖက်နိုင်ငံဖြစ်နေပြီး၊ တရုတ်နှင့်လည်း အချိန်အတော်ကြာ နီးနီးကပ်ကပ် ပူးပေါင်းဆောင်ရွက်မှု ရှိထားသည်ဟု ပြောကြားခဲ့သည်။

ဤသို့ ပူးပေါင်းဆောင်ရွက်ခြင်းကို ခိုင်မာအားကောင်းရန် တူရကီနိုင်ငံ၏ ဆန္ဒကလည်း တရုတ်အတွက် အလွန်အရေးပါကြောင်း၊ ရှန်ဟိုင်း ပူးပေါင်းဆောင်ရွက်ရေးအဖွဲ့သို့ ၀င်ရောက်ရန် တူရကီက လျှောက်ထားလျှင် မိမိတို့က စဉ်းစားပေးသွားမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

တူရကီမှာ ဥရောပသမဂ္ဂသို့ ၀င်ရောက်ရန် ကြိုးစားနေသော်လည်း မအောင်မြင်သေးဘဲ အာဒိုဂန်ကမူ မိမိတို့အနေဖြင့် ဥရောပသမဂ္ဂသို့ လုံးဝ ၀င်ရောက်ရန် မလိုဘဲ ရှန်ဟိုင်းပူးပေါင်းဆောင်ရွက်ရေးအဖွဲ့၏ အဖွဲ့ဝင်သာ ဖြစ်လာနိုင်ကြောင်း မှတ်ချက်ပြုခဲ့သည်။

ယခုကဲ့သို့ တရုတ်နှင့် ရုရှားတို့ ဦးဆောင်သည့် လုံခြုံရေးအဖွဲ့သို့ ၀င်ရောက်ပါက မဟာမိတ်နိုင်ငံများနှင့် ၎င်း၏ နေတိုးအဖွဲ့ဝင်နိုင်ငံများအတွက် စိုးရိမ်စရာ ဖြစ်လာမည်ဖြစ်သည်။

Ref : CNA