ပြည်သူများ ကန့်ကွက်သောကြောင့် တူရကီအစိုးရက ဥပဒေမူကြမ်းတစ်ခုကို ရုပ်သိမ်း

နိုဝင်ဘာ ၂၃၊ ၂၀၁၆
M-Media

– ပြည်သူများက ဒေါသတကြီး ကန့်ကွက်ဆန္ဒပြမှုများ ပြုလုပ်ခဲ့ပြီးနောက် တူရကီအစိုးရမှာ အရွယ်မရောက်သူများအား လိင်ပိုင်းဆိုင်ရာ ကျူးလွန်မှုအပေါ် စွဲဆိုထားချက်ကို ပယ်ဖျက်နိုင်မည့် မူကြမ်းတစ်ခုကို ပြန်လည် ရုပ်သိမ်းသွားခဲ့သည်ဟု သိရသည်။

အဆိုပါ အငြင်းပွားဖွယ်ဥပဒေက သတ်မှတ်အသက်ဖြစ်သော အသက် ၁၈ နှစ်အောက် ကလေးငယ်များကို လက်ထပ်မှုမှာ လိင်ပိုင်းဆိုင်ရာ စော်ကားမှု မြောက်မမြောက်ဆိုသည့် ပြဿနာကို ဖြေရှင်းရန်နှင့် နှစ်ဦးနှစ်ဖက် သဘောတူပြီး ပြင်ပ ဖိအား မပါလျှင်သော်လည်းကောင်း၊ လိင်းပိုင်ဆိုင်ရာ ကျူးလွန်ပြီး လက်ထပ်ယူရန် ဆောင်ရွက်သည့်အခါတွင်လည်းကောင်း ကျူးလွန်သူအပေါ် ပြုလုပ်ထားသည့် စွဲချက်များအား ပယ်ဖျက်ရန် အဆိုပြုထားသည်။

ဝေဖန်သူများက ထိုဥပဒေကြမ်းမှာ အမျိုးသားများအနေနှင့် အသက် ၁၈ နှစ်အောက် မိန်းကလေးငယ်များအား ထိမ်းမြားလက်ထပ်နိုင်သည့် အလေ့အကျင့်တစ်ခုကို ဥပဒေအရ ခွင့်ပြုပေးလိုက်သည့် အခြေအနေ ဖြစ်ပေါ်လာမည်ကို စိုးရိမ်ကြောင်း ပြောကြားခဲ့ကြသည်။

တူရကီတွင် အသက် ၁၈ နှစ်ကို ကိုယ်ပိုင်ရွေးချယ်ခွင့်ရှိသည့် အရွယ်ဟု သတ်မှတ်ထားသည်။ တူရကီအစိုးရက ထိုဥပဒေကို လွှတ်တော်၌ တင်သွင်းရန် ပြင်ဆင်မှုအား မကျေနပ်သည့်အတွက် ပြီးခဲ့သည့် သီတင်းပတ်နှောင်းပိုင်းတွင် တူရကီပြည်သူ ထောင်ပေါင်းများစွာမှာ လမ်းပေါ်ထွက်၍ ဆန္ဒပြခဲ့ကြသည်။

အစောပိုင်းကလည်း တူရကီဝန်ကြီးချုပ် ဘီနာလီ ယီလ်ဒီရင်မက အစိုးအရအနေဖြင့် အဆိုပါ မူကြမ်း တင်သွင်းထားမှုကို ရုပ်သိမ်သွားမည်ဟု ဆိုသည်။ မူကြမ်းကို ယမန်နေ့တွင် နောက်ဆုံးမဲခွဲအတည်ပြုရန် စီစဉ်ထားခဲ့ခြင်းဖြစ်သော်လည်း အစိုးရကမူ လွှတ်တော်ကော်မတီသို့ တင်သွင်းတော့မည်မဟုတ်ဟု ပြောကြားခဲ့သည်။

Ref : Aljazeera