အစ္စရေး-ပါလက်စတိုင်းကိစ္စအတွက် ထရမ့် လေသံပြောင်း

နိုဝင်ဘာ ၂၃၊ ၂၀၁၆
M-Media

အမေရိကန်ရှိ ထရမ့်၏နေအိမ်တွင် သွားရောက်တွေ့ဆုံခဲ့သည့် အစ္စရေးဝန်ကြီးချု ပ် ဘင်ဂျမင် နေတန်ယာဟု

– မိမိအနေဖြင့် အစ္စရေးနှင့် ပါလက်စတိုင်းတို့အကြား ငြိမ်းချမ်းရေးသဘောတူညီချက်ရရန် ဆောင်ရွက်ရေးကို နှစ်သက်ပြီး မိမိ၏ သားမက်ဖြစ်သူကို အရှေ့အလယ်ပိုင်းကိုယ်စားလှယ်အဖြစ် ခန့်အပ်ကာ ထိုအရေး ဆောင်ရွက်ခိုင်းမည်ဟု ပြောကြားခဲ့သည်။

နယူးယောက်တိုင်းမ်စ်နှင့် ယမန်နေ့အင်တာဗျူးတွင် ပြောကြာခဲ့ခြင်းဖြစ်ပြီး လက်ခံနိုင်လောက်သည့် သဘောတူညီချက် ရရှိရန်အတွက် ဆွေးနွေးညှိနှိုင်းမှုတွင် နှစ်ဖက်စလုံးက တစ်ခုခုကို စွန့်လွှတ်ရမည်ဟု ဆိုသည်။ ထို့ပြင် လုံခြုံရေးကောင်စီတွင် အမေရိကန်၏ ဗီတိုအာဏာကိုလည်း ၁၀၀ ရာခိုင်နှုန်း အသုံးပြုသွားမည်ဟု ကတိပြုခဲ့သည်။

“အစ္စရေးနဲ့ ပါလက်စတိုင်း ငြိမ်းချမ်းရေးအတွက် ဆောင်ရွက်ဖို့ ကျွန်တော် နှစ်သက်ပါတယ်။ ဒါဟာ ကြီးကျယ်တဲ့အောင်မြင်မှု ဖြစ်မှာပါ။ လူတော်တော်များများ၊ ကြီးကြီးမာစတာတွေကပါ ဒါဟာ မဖြစ်နိုင်ဘူးလို့ ကျွန်တော့်ကို ပြောကြပါတယ်။ ခင်ဗျား မလုပ်နိုင်ဘူးပေါ့။ ဒါပမယ့် ကျွန်တော် လက်မခံပါဘူး။ ငြိမ်းချမ်းရေးရအောင် လုပ်နိုင်တယ်လို့ ကျွန်တော် ထင်ပါတယ်” ဟု ထရမ့်က ပြောကြားခဲ့သည်။

ဝါရှင်တန်အခြေစိုက်ပြီး နာမည်ဆိုးဖြင့်ကျော်ကြားသည့် အစ္စရေး ထောက်ခံရေးအုပ်စု အမေရိကန်အစ္စရေးပြည်သူဆက်ဆံရေးကော်မတီ (AIPAC) ၏ မတ်လက ပြုလုပ်ခဲ့သော နှစ်ပတ်လည် ညီလာခံတွင် ထရမ့်က ကုလမှာ အစ္စရေးနှင့် ပါလက်စတိုင်းအကြားတွင် သဘောတူညီချက်တစ်ခု ရရန် ကြိုးစားနေသည်ဟုဆိုကာ ကုလကို ဝေဖန်ခဲ့သည်။

အစ္စရေးက ပါလက်စတိုင်းပိုင် အနောက်ဖက်ကမ်းတွင် တရားမ၀င်အိမ်ယာများ တိုးချဲ့တည်ဆောက်နေခြင်းမှာ ငြိမ်းချမ်းရေးဆွေးနွေးပွဲအတွက် အဓိကအဟန့်အတားဖြစ်သည်ဟု ပါလက်စတိုင်းက ပြောကြားထားပြီး ကုလအနေဖြင့် ထိုပြဿ နာကို ၀င်ရောက်ဖြေရှင်းရန် အကြိမ်ကြိမ်အခါခါ တောင်းဆိုခဲ့သည်။

အမေရိကန်မှာ အစ္စရေး-ပါလက်စတိုင်းပြဿနာတွင် အလယ်လူအဖြစ် ကြားဝင်ဆောင်ရွက်ပေးသော်လည်း အစ္စရေးကို စစ်ရေးအထောက်အပံ့များ ပေးနေခြင်း၊ ထောက်လှမ်းရေးသတင်းအချက်အလက်များ မျှဝေနေခြင်းတို့က သစ္စာမဲ့ရာရောက်နေသည်ဟု စောင့်ကြည်သူများက ဝေဖန်ထားသည်။

ထရမ့်ကမူ ပါလက်စတိုင်းအနေဖြင့် အစ္စရေးနှင့် အမေရိကန်တို့အကြား ဆက်ဆံမှုမှာ လုံးဝ ပျက်ပြယ်မည်မဟုတ်သည့် ဆက်ဆံမှုမျိုးဖြစ်သည်ကို သိရှိကာ စားပွဲဝိုင်းသုို့ လာရောက်ရမည်ဟုလည်း ပြောကြားခဲ့ဖူးသည်။

ထရမ့်၏ ရွေးကောက်ကောက်ပွဲ အောင်နိုင်မှုအတွက် အစ္စရေးရှိ လက်ယာစွန်းရောက်ခေါင်းဆောင်များက အောင်ပွဲခံခဲ့ပြီး အစ္စရေးပညာရေးဝန်ကြီး နက်ဖ်တာလီ ဘန်းနက်ကမူ ‘ပါလက်စတိုင်းနိုင်ငံ ထူထောင်ရေးခေတ်မှာ ကုန်ဆုံးသွားခဲ့ပြီ’ ဟု ပြောကြားခဲ့သည်။

Ref: Aljazeera