အာဇာဘိုင်ဂျန်အမျိုးသမီး ကုရ်အာန်ကို ပိုးသားပေါ်တွင် ရေးသားကာ မှတ်တိုင်သစ်စိုက်ထူ

နိုဝင်ဘာ ၂၄၊ ၂၀၁၆
M-Media

– အဇာဘိုင်ဂျန်မှ ပန်းချီပညာရှင် အမျိုးသမီး တွန်ဇာလီ မမ်မဒ်ဇာဒီမှာ ကုရ်အာန်ကျမ်းတော်မြတ်ကို ပိုးသားအပါးပေါ်တွင် ရေးသားကာ အစ္စလာမ့်သမိုင်းတွင် မှတ်တိုင်သစ် စိုက်ထူနိုင်ခဲ့သည်ဟု သိရသည်။

အသက် ၃၃ နှစ်အရွယ် သူမမှာ မီတာ ၅၀ အရှည်ရှိသည့် ပိုးသား အပါးပေါ်တွင် ရွှေမှင်၊ ငွေမှင်များဖြင့် ကုရ်အာန်ကျမ်းတော်မြတ် အစ၊ အဆုံး ရေးသားခဲ့ခြင်းဖြစ်ပြီး ၃ နှစ်တာ ကြာမြင့်ခဲ့သည်။

သူမကမူ တူရကီသာသနာရေးဝန်ကြီးဌာနမှ ထုတ်ပြန်သည့် ကုရ်အာန်ကျမ်းတော်မြတ် ဗားရှင်းအတိုင်း ရေးသားခဲ့ခြင်းဖြစ်သည်ဟု ပြောကြားခဲ့သည်။ အဆိုပါ ကုရ်အာန်ကျမ်းတော်မြတ်၏ စာမျက်နှာတစ်မျက်နှာချင်းစီမှာ ၂၉x၃၃ စင်တီမီတာ ရှိသည်။

ထို့ပြင် ကုရ်အာန်ကျမ်းတော်မြတ်၏ သမိုင်းကြောင်းကို လေ့လာခဲ့သည့်အခါ အခြားသော ပုံစံအမျိုးမျိုးဖြင့် ရေးသားမှတ်တမ်းတင်ထားသည်ကို တွေ့ရသော်လည်း ပိုးသားပေါ်တွင် ရေးသားထားမှု မရှိသောကြာင့် မိမိအနေဖြင့် ထိုကဲ့သို့ ဆောင်ရွက်ရန်အတွက် တွန်းအားဖြစ်စေခဲ့ကြောင်း၊ မိမိ၏ ထိုလက်ရာကို အကောင်းဆုံးလက်ရာဖြစ်စေရန် စဉ်းစားခဲ့ကြောင်း သူမက ထည့်သွင်းပြောကြားခဲ့သည်။

မမ်မဒ်ဇာဒီမှာ တူရကီရှိ မာမာရာ တက္ကသိုလ်တွင် သမိုင်းပညာရပ်ဖြင့် ဘွဲ့ရခဲ့ခြင်းဖြစ်သည်။ သူမကမူ မိမိအနေဖြင့် ထိုကဲ့သို့ ၃ နှစ်တာ ကြိုးပမ်းအားထုတ်မှု အောင်မြင်ခဲ့သည့်အတွက် အလ္လာဟ်အရှင်မြတ်ကို ကျေးဇူးတင်မိကြောင်း၊ ထိုကဲ့သို့ ပထမဆုံးဆောင်ရွက်နိုင်သူ ဖြစ်သည့်အတွက်လည်း ပျော်ရွှင်မိကြောင်း ထည့်သွင်းပြောဆိုခဲ့သည်။

Ref: Dailysabah