မလေးရှားမှ ရိုဟင်ဂျာဒုက္ခသည်များ အလုပ်ရရှိရန် ကုလ စီစဉ်နေ

နိုဝင်ဘာ ၂၄၊ ၂၀၁၆
M-Media

– ညှင်းပမ်းနှိပ်စက်မှုများကြောင့် မြန်မာနိုင်ငံမှ ထွက်ပြေးလာရသည့် ရိုဟင်ဂျာမွတ်စလင်များ နိုင်ငံအတွင်း အလုပ်လုပ်ခွင့်ရရှိရေး ရှေ့ပြေးစီမံကိန်းတစ်ခုကို မလေးရှားနှင့် ဆောင်ရွက်နေသည်ဟု ကုသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) က ပြောကြားလိုက်သည်။

ရိုဟင်ဂျာ ၅၅၀၀၀ အပါအ၀င် ဒုက္ခသည်နှင့် ခိုလှုံ့ခွင့်တောင်းခံသူ စုစုပေါင်း ၁၅၀၀၀၀ ခန့် လက်ခံထားရသည့် မလေးရှားနိုင်ငံအနေဖြင့် အဆိုပါ ဒုက္ခသည်များကို ကာကွယ်စောင့်ရှောက်မှု၊ မိမိကိုယ်ကို အားကိုးမှု ပိုမိုရရှိလာစေရန်အတွက် တရားဝင် အလုပ်လုပ်ခွင့်ပေးရန် လူ့အခွင့်အရေးလှုပ်ရှားသူများက ယခင်ကတည်းက တိုက်တွန်းမှုများ ရှိခဲ့သည်။

UNHCR ၏ တတိယနိုင်ငံသို့ အခြေချနိုင်ရေး အစီအစဉ်မှာ နှေးကွေးနေသည့်အချိန်တွင် တရားဝင်အလုပ်လုပ်ခွင့် မရသောကြောင့် မလေးရှားရှိ ဒုက္ခသည်အများစုမှာ အခက်အခဲများနှင့် ရင်ဆိုင်နရသည်။ မလေးရှားမှာ ကုလ၏ ဒုက္ခသည်ဆိုင်ရာ သဘောတူညီချက်တွင် လက်မှတ်ရေးထိုးထားခြင်း မရှိသော နိုင်ငံဖြစ်သည်။

ဒုက္ခသည်များမှာ သန့်ရှင်းရေး၊ ဆောက်လုပ်ရေးနှင့် စားသောက်ဆိုင်များကဲ့သို့ နေရာများတွင် အောက်ခြေသိမ်းလုပ်ငန်းများကို လုပ်ကိုနေရပြီး လစာရခြင်းကဲ့သို့ ခေါင်းပုံဖြတ်ခံရမှုများလည်း ကျယ်ကျယ်ပြန့်ပြန့် ဖြစ်ပွားနေသည်။

ယခု ရှေ့ပြေးအစီအစဉ်အရ ရိုဟင်ဂျာ ၃၀၀ ကို စိုက်ပျိုးရေးနှင့် ကုန်ထုတ်လုပ်မှုကဏ္ဍတွင် တရားဝင် အလုပ်လုပ်ကိုင်ခွင့် ပေးမည်ဟု မလေးရှားအာဏာပိုင်များက ပြောကြားခဲ့သည်။

ကွာလာလမ်ပူရှိ UNHCR ရုံးကမူ အဆိုပါ ရှေ့ပြေးအစီအစဉ်မှာ မလေးရှားရှိ ဒုက္ခသည်များအတွက် အလုပ်အကိုင်များ တိုးမြှင့်ဖန်တီးပေးရေး လမ်းဖွင့်ပေးနိုင်မည်ဖြစ်ပြီး နှစ်ဖက်စလုံးအတွက် win-win အခြေအနေဖြစ်သည်ဟု ပြောကြားခဲ့သည်။

UNHCR ၏ ပြောရေးဆိုခွင့်ရှိသူ ယန်တီ အစ္စမာအီလ်ကမူ ဒုက္ခသည်များက မလေးရှား၏ စီးပွားရေးအတွက် တန်ဖိုးရှိသည့် ရင်းမြစ်တစ်ခု ဖြစ်လာမည်ဖြစ်ပြီး ၎င်းတို့အား တရားဝင် အလုပ်လုပ်ခွင့်ပေးခြင်းက ၎င်းတို့နှင့်ပတ်သက်၍ စီမံခန့်ခွဲမှုပိုင်းတွင် အစိုးရက ပိုမိုကောင်းမွန်အောင် ဆောင်ရွက်နိုင်မည်ဟု ပြောကြားခဲ့သည်။

မလေးရှားအာဏာပိုင်များကမူ ယခင်က မိမိတို့အနေဖြင့် ဒုက္ခသည်များကို တရားဝင်အလုပ်လုပ်ခွင့်ပေးရန် စဉ်းစားခဲ့သော်လည်း အသေးစိတ် ဖြစ်မလာခဲ့ပေ။ အချို့တာဝန်ရှိသူများကမူ ထိုကဲ့သို့ ဖြေလျော့ပေးလိုက်ပါက ရွှေ့ပြောင်းလုပ်သားများ အမြောက်အများ ၀င်ရောက်မှုဆီသို့ ဦးတည်သွားနိုင်သည်ဟု စိုးရိမ်မှုများလည်း ရှိနေသည်။

Ref: Channelnewsasia