ဒီဇင်ဘာ ၁ ရက်မှစ၍ စင်ကာပူသို့ ဗီဇာမလိုဘဲ သွားနိုင်မည်

နိုဝင်ဘာ ၂၅၊ ၂၀၁၆
M-Media

– စင်ကာပူသို့ လာရောက်လည်ပတ်မည့် မြန်မာနိုင်ငံသားများအနေဖြင့် ဒီဇင်ဘာ ၁ ရက်နေ့မှစ၍ ဗီဇာကင်းလွတ်ခွင့်ရမည်ဟု စင်ကာပူ လူဝင်မှုကြီးကြပ်ရေး အာဏာပိုင်အဖွဲ့ဖြစ်သော Immigration and Checkpoints Authority of Singapore က ယမန်နေ့တွင် တရားဝင် ကြေငြာလိုက်သည်။

စင်ကာပူ-မြန်မာ နှစ်နိုင်ငံ ဗီဇာကင်းလွတ်ရန် အစီအစဉ်ကို စင်ကာပူဝန်ကြီးချုပ် လီရှန်လွန်း ဇွန်လအတွင်း မြန်မာနိုင်ငံသို့ လာရောက်လည်ပတ်စဉ်က သဘောတူခဲ့ခြင်းဖြစ်သည်။

Immigration and Checkpoints Authority of Singapore က ထုတ်ပြန်သော ကြေငြာချက်တွင် မြန်မာနိုင်ငံသားများအတွက် ဗီဇာကင်းလွတ်ခွင့်မှာ ဒီဇင်ဘာ ၁ ရက်နေ့မှ စတင်၍ အကျုံးဝင်မည်ဟု ဖော်ပြထားသည်။

ထို့ကြောင့် စင်ကာပူသို့ သွားရောက်မည့် မြန်မာနိုင်ငံသားများအနေဖြင့် ဗီဇာမလိုဘဲ ၀င်ရောက်နိုင်မည်ဖြစ်ပြီး ရက်ပေါင်း ၃၀ နေထိုင်နိုင်မည်ဖြစ်သည်။

Ref: yangon.coconuts.co