ချိုတဲ့မိသားစုများကို အမေရိကန်မွတ်စလင်များ အဟာရဒါနပြု

နိုဝင်ဘာ ၂၆၊ ၂၀၁၆
M-Media

– အမေရိကန်ပြည်ထောင်စု ချီကာဂိုပြည်နယ် အနောက်မြောက်ဖက်ရှိ ချို့တဲ့မိသားစုများကို အမေရိကန်မွတ်စလင် ပရဟိတအဖွဲ့တစ်ခုက ပြီးခဲ့သည့် ရက်အနည်းအတွင်း ကြက်ဆင်သားများ ဝေငှကာ အဟာရဒါန ပြုခဲ့သည်ဟု သိရသည်။

Sabeel Food Pantry ဟု အမည်ရသည့် ပရဟိတအဖွဲ့က ဆောင်ရွက်ခြင်းဖြစ်ပြီး ထိုလှုပ်ရှားမှုမှာ ၎င်းတို့ နှစ်စဉ်ပြုလုပ်နေသည့် လှုပ်ရှားမှုလည်းဖြစ်ကာ ယခုနှစ်တွင် ၃ ဆပို၍ ဒါနပြုခဲ့သည်။

ကြက်ဆင်များကို စာသင်ကျောင်းများမှတစ်ဆင့် ချို့တဲ့သည့် မိသားစုများကို ဝေငှခဲ့ခြင်းဖြစ်ပြီး အဆိုပါလှုပ်ရှားမှုကို စီစဉ်ခဲ့သည့် ဒေါက်တာ ဆိုဖီယာ ရှာကီရ်ကမူ ယခုကဲ့သို့ ဒါနပြုခွင့်ရသည့်အတွက် ကျေနပ်မိသည်ဟု ပြောကြားခဲ့သည်။

Woodlawn မြို့ ဒေသကျောင်းကောင်စီဥက္ကဌဖြစ်သူ ဗစ်တိုးရီးယား ဘိုဝင်က “ခွဲခြားမှုတွေဟာ ကျွန်မတုိ့ဆီက လာတာမဟုတ်ပါဘူး၊ ခွဲခြားဆက်ဆံတာမျိုးဟာ ဘယ်လိုခံစားရလဲဆိုတာ ကျွန်မတို့ နားလည်ပါတယ်။ အဲဒီအစား ကံမကောင်း အကြောင်းမလှသူတွေကို ကူညီဖို့အတွက် သူတို့လေးတွေကို ပြုစုပျိုးထောင်နိုင်ပါတယ်” ဟု ပြောကြားခဲ့သည်။

အဆိုပါ ဒါနပြုမှုတွင် ပါဝင်ခဲ့သည့် စာသင်ကျောင်းများမှ ဆရာများနှင့် ကျောင်းအုပ်များက ထိုလှုပ်ရှားမှုကို ချီးကျူးခဲ့ကြပြီး အချို့ကျောင်းများက ၎င်းအစီအစဉ်ကို ကျောင်းသားမိဘများ ပါဝင်နိုင်သည့် လှုပ်ရှားမှုမျိုးဖြစ်သည်ဟု ပြောကြားခဲ့သည်။

ရှကီးရ်၏ ခင်ပွန်းဖြစ်သူ ဒေါက်တာ ရှိုရှာရာက ထိုလှုပ်ရှားမှုမှာ ချို့တဲ့သူများကို ကူညီရမည်ဟူသည့် အစ္စလာမ့်သွန်သင်ချက်များကို အကောင်အထည်ဖော်သည့် ကြိုးပမ်းမှုဖြစ်ကြောင်း၊ ဆာလောင်မွတ်သိပ်သူများကို ကျွေးမွေးခြင်းထက် ပိုပြီး မိဘများအနေဖြင့် သားသမီးများအတွက် ဂရုစိုက်မှု နည်းလမ်းတစ်ခုကို ဖန်တီးပေးခြင်းဖြစ်ကြောင်း ပြောကြားခဲ့သည်။

Ref : IINA