ရော်နယ်ဒို ပုံစံကောင်းပြန်ရပြီဟု ဇီဒိန်းပြော

နိုဝင်ဘာ ၂၇၊ ၂၀၁၆
M-Media

– ရာသီအစတည်းက ခြေစွမ်းမပြနိုင်သောကြောင့် ဝေဖန်မှုများနှင့် ရင်ဆိုင်နေရသည့် ရော်နယ်ဒိုမှာ အကောင်းဆုံးပုံစံ ပြန်လည်ရရှိနေပြီဟု ရီးယဲလ်နည်းပြ ဇီနဒင်း ဇီဒိန်းက ပြောကြားလိုက်သည်။

ပြီးခဲ့သည့်တစ်ပတ် အက်သလက်တီကိုနှင့် ဒါဘီပွဲတွင် ဟက်ထရစ်သွင်းယူခဲ့သည့် ရော်နယ်ဒိုမှာ ယမန်နေ့က စပို့တင်းဂီဂျွန်အား ၂ ဂိုး ၁ ဂိုး ဖြင့် အနိုင်ရသည့်ပွဲတွင်လည်း ၂ ဂိုးစလုံးကို သွင်းပေးခဲ့သည်။ ဇီဒိန်းကမူ ၎င်း၏ တိုက်စစ်မှူး ပုံစံကောင်း ပြန်ရမှုအတွက် ချီးကျူးခဲ့သည်။

“ခရစ္စတီယာနိုက ဒီအတိုင်းပါပဲ။ ဘယ်အချိန်မဆို သူ ဂိုးသွင်းနိုင်တယ်။ သူ ဂုိုးမသွင်းနိုင်တဲ့အခါ လူတွေက သူ မကောင်းဘူးလို့ ထင်ကြပါတယ်။ သူဟာ ဘင်ဇီမာနဲ့ အလယ်မှာ ကောင်းကောင်း ကစားနိုင်တယ်။ တောင်ပံလည်း ထွက်ကစားနိုင်တယ်။ ကြိုးလည်း ကြိုးစားတယ်။ သူဟာ ပုံစံကောင်း ပြန်ရနေပါပြီ” ဟု ဇီဒိန်း ပြောကြားခဲ့သည်။

ထို့ပြင် ဘေးလ်အစား လူစားဝင်ကစားခဲ့သည့် ဂျိမ်းစ်ရော်ဒရီဂက်စ်ကိုလည်း ချီးကျူးခဲ့သည်။

Ref: Goal