တောင်ဆူဒန်က ဒုတိယရ၀မ်ဒါ ဖြစ်လာမည်ဟု ကုလ သတိပေး

ဒီဇင်ဘာ ၁၊ ၂၀၁၆
M-Media

– အစုလိုက်အပြုံလိုက်သတ်ဖြတ်မှု၊ ငတ်မွတ်ခေါင်းပါးမှု၊ အုပ်စုဖွဲ့ အဓမ္မပြုကျင့်မှုနှင့် ကျေးရွာများ ဖျက်ဆီးမှုအပါအ၀င် တောာင်ဆူဒန်နိုင်ငံအတွင်း လူမျိုးစုလိုက် သတ်ဖြတ်သုတ်သင်မှု အနေအထားကို တစ်ဖြည်းဖြည်း မြင်လာရသည်ဟု ကုလသမဂ္ဂ လူ့အခွင့်အရေးကော်မရှင်က ပြောကြားလိုက်သည်။

ကော်မရှင်မှ အဖွဲ့ဝင် ၃ ဦးမှာ တိုင်းရင်းသားလူမျိုးစု ၆၄ စုရှိသည့် တောင်ဆူဒန်တစ်ဝှမ်းသို့ ၁၀ ရက်ကြာ သွားရောက် လေ့လာခဲ့ပြီးနောက် ထိုကဲ့သို့ ပြောကြားလိုက်ခြင်းဖြစ်သည်။

“ရ၀မ်ဒါမှာ ဖြစ်ပျက်ခဲ့သလို ပြန်ဖြစ်မယ့် ပုံစံမျိုးကို ဦးတည်နေပါတယ်။ နိုင်ငံတကာ အ၀ိုင်းအ၀ိုင်းအနေနဲ့ ဒါကို တားဆီးရမယ့်တာဝန် ရှိနေပါတယ်” ဟု ကုလ လူ့အခွင့်အရေး ကော်မရှင်၏ ဥက္ကဌဖြစ်သူ ယာစမင်း ဆူကာက သတင်းစာရှင်းလင်းပွဲတွင် ပြောကြားခဲ့ပြီး ငတ်မွတ်ခေါင်းပါးအောင် ပြုလုပ်ခြင်း၊ အုပ်စုဖွဲ့အဓမ္မပြုကျင့်ခြင်း၊ ကျေးရွာများကို မီးရှို့ခြင်းတို့ကဲ့သို့ နည်းလမ်းများကို အသုံးပြုကာ နိုင်ငံ၏ နေရာတော်တော်များများတွင် လူမျိုးစုလိုက် သတ်ဖြတ်သုတ်သင်မှု အခြေအနေမျိုး တစ်ဖြည်းဖြည်း ဖြစ်လာနေသည်ဟု ဆိုသည်။

တောင်ဆူဒန်တွင် အစိုးရတပ်ဖွဲ့များ၊ သူပုန်နှင့် မာဟာမိတ်ပြည်သူ့စစ်များအကြား တိုက်ပွဲများ ဖြစ်နေသည်မှာ ၃ နှစ်နီးပါး ရှိလာပြီဖြစ်ပြီး၊ သမ္မတ ဆာလ်ဗာ ကီရ်နှင့် ဒုတိယသမ္မတဟောင်း ရီက် မာချာတို့အကြား သဘောထားကွဲမှုမှုမှ စတင်ခဲ့ခြင်း ဖြစ်သည်။

အဆိုပါ ပဋိပက္ခအတွင်း လူထောင်ချီ သေဆုံးခဲ့ကာ၊ ငတ်မွတ်ခေါင်းပါးမှုများလည်း ကျယ်ကျယ်ပြန့်ပြန့် ဖြစ်ပွားခဲ့ပြီး လူပေါင်း ၃ သန်းခန့်မှာ အိုးအိမ်စွန့်ခွာ ထွက်ပြေးခဲ့ရသည်။

လက်ရှိတွင် ဆိုပါ ပဋိပက္ခမှာ ကီရ်၏ ဒင်ကာ လူမျိုးနှင့် မာချာ၏ နျူအာ လူမျိုးစု၊ သူပုန်များကို ထောက်ပံ့ပေးသော အခြားလူမျိုးစုများအကြား တိုက်ခိုက်မှုအသွင် ဖြစ်လာခဲ့သည်။ ထိုကဲ့သို့ လူမျိုးစုများကို ပစ်မှတ်ထား တိုက်ခိုက်မှုမှာ မူလက နိုင်ငံမြောက်ပိုင်းတွင်သာ ဖြစ်ပွားခဲ့သော်လည်း ယခုတွင် တောင်ပိုင်းသို့ ကူးစက်လာခဲ့သည်ဟု ကုလသမဂ္ဂမှ တာဝန်ရှိသူ ဂေါ့ဒ်ဖရေး မူဆီလာက ပြောကြားခဲ့သည်။

အမေရိကန်ကလည်း အစိုးရတပ်များမှာ အလယ်ပိုင်း အီကွေတိုရီယာဒေသရှိ အရပ်သားများကို ပစ်မှတ်ထားကာ ကြီးမားသည့်တိုက်ခိုက်မှု ပြုလုပ်ရန်အတွက် ပြင်ဆင်နေပြီး လူမျိုးတုန်းသတ်ဖြတ်မှု အလားအလာ ရှိနေသည်ဟု ယမန်နေ့တွင် သတိပေးခဲ့သည်။

Ref : Aljazeera