ဗလီများကို ခြိမ်းခြောက်စာပို့မှု ကန်ရဲတပ်ဖွဲ့ စုံစမ်းနေပြီး ဗလီအချို့ကို လုံခြုံရေးပေးထား

ဒီဇင်ဘာ ၁၊ ၂၀၁၆
M-Media

– ဂျူများကို သတ်ဖြတ်သကဲ့သို့ မွတ်စလင်များကို လူမျိုးသုဉ်းသတ်ဖြတ်မည်ဟု ခြိမ်းခြောက်ကာ နိုင်ငံအတွင်းမှ ထွက်သွားရန် တိုက်တွန်းထားသည့် ခြိမ်းခြောက်စာများ ရရှိထားသော အမေရိကန်မှ ဗလီဝတ်ကျောင်းတော်များကို ရဲတပ်ဖွဲ့က လုံခြုံရေးပေးကာ စောင့်ကြပ်နေပြီး ခြိမ်းခြောက်မှုနှင့်ပတ်သက်၍လည်း စုံစမ်းစစ်ဆေးမှုများ ပြုလုပ်နေသည်ဟု သိရသည်။

အိုဟိုင်းယိုး၊ မီချီဂန်၊ ရိုဒီ အိုင်းလန်း၊ အင်ဒီယားနား၊ ကိုလိုရာဒိုနှင့် ဂျော်ဂျီယာပြည်နယ်များရှိ ဗလီဝတ်ကျောင်းတော်များထံ ပေးပို့ခဲ့သည့် အဆိုပါခြိမ်းခြောက်စာတွင် သမ္မသစ် ဒေါ်နယ်ထရမ့်မှာ အမေရိကန်ကို သန့်ရှင်းမည်ဖြစ်ပြီး မွတ်စလင်များနှင့် စတင်မည်ဖြစ်ကြောင်း၊ ဟစ်တလာက ဂျူးများကို သတ်ဖြတ်ကဲ့သို့ ထရမ့်ကလည်း မွတ်စလင်များကို သတ်ဖြတ်မည်ဖြစ်ကြောင်း၊ မွတ်စလင်များအနေဖြင့် အထုတ်ထုပ်ကာ တိုင်းပြည်မှ ထွက်သွားခြင်းကသာ အမျှော်အမြင်ကြီးသည့် လုပ်ရပ်ဖြစ်ကြောင်း ရေးသားထားသည်။

အဆိုပါ စာမှာ ကယ်လီဖိုးနီးယားပြည်နယ် လော့စ်အိန်ဂျလိစ်မြို့မှ စတင်ပြန့်နှံ့ခဲ့ခြင်းဖြစ်ပြီး လော့စ်အိန်ဂျလိစ် ရဲတပ်ဖွဲ့ကမူ ထိုလုပ်ရပ်ကို အမုန်းဖြန့်ဝေမှုလုပ်ရပ်အဖြစ် သတ်မှတ်ကာ စုံစမ်းစစ်ဆေးမှုများ ပြုလုပ်နေသော်လည်း သီးသန့်ခြိမ်းခြောက်မှုမျိုးမရှိ၍ ရာဇ၀တ်မှုမမြောက်ဟု ပြောကြားခဲ့သည်။

အမေရိကရှိ အကြီးဆုံး မွတ်စလင်အဖွဲ့အစည်းအဖြစ်သော အမေရိကန်-အစ္စလာမ် ဆက်ဆံရေး ကောင်စီကလည်း ထိုအဖြစ်အပျက်အတွက် စုံစမ်းစစ်ဆေးမှု ပြုလုပ်ပေးရန် FBI ကို တောင်းဆိုထားသည်။

ရိုဒီအိုင်းလန်းရှိ ပရိုဗီဒန့်စ်မြို့မှ ရဲတပ်ဖွဲ့က မိမိတို့အနေဖြင့် ခြိမ်းခြောက်စာ ရရှိခဲ့သည့် အလ်-ကရင်မ် ဗလီဝတ်ကျောင်းတော်ကို လှည့်ည်စောင့်ကြပ်မှုများ တိုးမြှင့်ပြုလုပ်နေသည်ဟု ပြောကြားခဲ့သည်။

FBI ကမူ အဆိုပါခြိမ်းခြောက်မှုမှာ ဆိုးရွားပြီး လှုံ့ဆော်သော ဆောင်ရွက်ချက်ဖြစ်သော်လည်း အမုန်းရာဇ၀တ်မှုအဖြစ် ယူဆ၍မရကြောင်း၊ မိမိတို့အနေဖြင့် အခြအနေကို စောင့်ကြည့်နေပြီး ထိုကဲ့သို့ ဖြစ်အပျက်များ ဖြစ်လာပါက သတင်းပို့ရန် တိုက်တွန်းထားကြောင်း ပြောကြားခဲ့သည်။

Ref: Aljazeera