“သမိုင်းကော်မရှင်ကို ဦးစီးမည့် ဝန်ကြီးမင်း မှတ်ကျောက်တင်ခံရစေဖို့ ပြည်သူ့အသံများ နားထောင်ကြည့်စေလို” (နိဂုံးပိုင်း)

ဒီဇင်ဘာ ၁ ၊ ၂၀၁၆
M-Media
ဂျက်ဖရီတင်အုန်း (ရန်ကုန်စက်မှုတက္ကသိုလ် R.I.T ) ရေးသည်။

အပိုင်း ၁ ဖတ်ရန်

စစ်အာဏာရှင်စနစ်အောက် နှစ်၅၀ကျော် နေခဲ့ရသည့် မြန်မာပြည်သူလူထုကြီးသည် ယခုလို NLD ဦးဆောင်သည့် အရပ်သားအစိုးရလက်ထက်တွင် မိမိတို့ရဲ့ ရင်တွင်းဖြစ် ခံစားချက် သမိုင်းအဖြစ်အပျက် မှတ်တမ်းများကို ဝန်ကြီးမင်း၏ မြန်မာ့သမိုင်း  စာမျက်နှာတွင် ထည့်သွင်းဖော် ပြစေလိုပါသည်။ ယင်းတို့မှာ

၁။ ၁၉၆၂ မတ်လ ၂ရက်နေ့တွင် ဗိုလ်ချုပ်ကြီးနေဝင်း ဦးဆောင်သော စစ်အစိုးရသည် ပါလီမန် ဒီမိုကရေစီ စနစ်ကို ဖျက်သိမ်းခဲ့သည်။ ပြည်သူလူထုရွေးကောက် တင်မြှောက်ထားသော အစိုးရ တစ်ရပ်ကို လက်နက်အားကိုး အာဏာသိမ်းခဲ့ရသည့်ဖြစ်ရပ်များ။

၂။ ၁၉၆၂ ခု ဇူလိုင်လ (၇) ရက်နေ့တွင် မြန်မာ့လွတ်လပ်ရေးအတွက် သန္ဓေတည်ခဲ့သော သမိုင်းဝင် ကျောင်းသားသမဂ္ဂ အဆောက်အဦးကြီးကို ဒိုင်းနမိုက်ဖြင့် ဖောက်ခွဲဖျက်ဆီးခဲ့ပြီး အပ်တိုတစ်ချောင်းမျှ မရှိသော ဆန္ဒပြတက္ကသိုလ်ကျောင်းသား၊ ကျောင်းသူများကို  ရက်ရက်စက် စက်သေနတ်ဖြင့် ပစ်ခတ်ဖြိုခွင်း အကြမ်းဖက် သတ်ဖြတ်ဖမ်းဆီးထောင်ချခဲ့သည့်ဖြစ်ရပ်များ။

၃။ ၁၉၄၇ခု နိုဝင်ဘာလ ၂၅ ရက်၌ အမေရိကန်နိုင်ငံ၊ နယူးယောက်မြို့၌ အဆုတ်ကင်ဆာဖြင့် ကွယ်လွန်ခဲ့သော ကမ္ဘာ့ကုလသမဂ္ဂ တတိယမြောက် အတွင်းရေးမှူးဟောင်း ဦးသန့်၏ ရုပ်ကလပ် ကို ရန်ကုန်မြို့ ကျိုက္ကဆံကွင်းတွင် ထားပြီးသာမန်င်္သချိုင်း၌ သင်္ဂြိုလ်ရန် ဦးနေဝင်း၏ အစီအမံကို တက္ကသိုလ်ကျောင်းသား ကျောင်းသူများက မကျေနပ်၍ ဆန္ဒပြခဲ့ခြင်း၊ ရန်ကုန်တက္ကသိုလ် ကျောင်းသားသမဂ္ဂ အဆောက်အအုံအနီး ဂူဗိမာန်ဆောက်လုပ်ရာ ညအချိန်မတော်ကြီး ရန်ကုန်တက္ကသိုလ်ဝင်းအတွင်း စစ်တပ်အင်အားဖြင့် အကြမ်းဖက်ဖြိုခွင်း သတ်ဖြတ်မှု့ မှတ်တမ်း များကို ဖန်တီးခဲ့သည့်ဖြစ်ရပ်များ။

၅။ ပြည်သူလူထုသုံးစွဲနေသော  ၇၅ကျပ်၊ ၃၅ကျပ်၊ ၂၅ကျပ်တန် ငွေစက္ကူများကို မဆလ တစ်ပါတီ အာဏရှင်ဦးနေဝင်းက ၁၉၈၇ခု တွင် တရားမဝင်ငွေများအဖြစ် နိုင်ငံပိုင် မီဒီယာများတွင် ကြေညာခဲ့ပြီး ပြန်လည်၍ လှဲလှယ်ပေးခြင်းမရှိခဲ့ပေ။ ထို့ကြောင့် ပြည်သူလူထု ၏မကျေနပ် ပေါက်ကွဲမှုကိုအာရုံလွှဲသည့်အနေဖြင့် ပဲခူးတိုင်းပြည်မြို့နှင့်ရှမ်းပြည်နယ် တောင်ကြီး မြို့များတွင် ကုလား-ဗမာ အဓိကရုဏ်းများကို ဖန်တီးခဲ့သည့်မှတ်တမ်းများ။

၆။၁၉၈၈ခု မတ်လ (၁၃) ရက်တွင် ရန်ကုန်စက်မှုတက္ကသိုလ်ကျောင်းသားများ ကိုဖုန်းမော်နှင့် ကိုစိုးနိုင်တို့ကို ကျောင်းဝင်းအတွင်း အကြမ်းဖက် ဖြိုခွင်းသတ်ဖြတ်ခဲ့သည့် လုံထိန်းရဲများကို ပွင့်လင်းမြင်သာစွာ အရေးယူ အပြစ်ပေးခြင်းမရှိခဲ့သည့် ဖြစ်ရပ်များ။
၇။၁၉၈၈ ခု မတ်လအတွင်း  ရန်ကုန်မြို့ အင်းယားကန်အနီး တံတားဖြူမှတ်တိုင်အနီး ဆန္ဒပြ ကျောင်းသား၊ကျောင်းသူများကို လုံထိန်းများက အကြမ်းဖက်ရိုက်နှက် ဖမ်းဆီးမှုကြောင့် အင်းယားကန်ထဲပြုတ်ကျကာ သေခဲ့ရသည့်ဖြစ်ရပ်များ။ ထောင်ကားများထဲ ကျောင်းသားများကို ပြွတ်သိပ်ထည့်ကာ လူမဆန်စွာပြုမူ မှုကြောင့် အသက်ရှုကြပ်ပြီး ကျောင်းသား၊ကျောင်းသူ အမြောက်အမြား မရှုမလှ သေပွဲဝင်ခဲ့ရသည့်ဖြစ်ရပ်များ။

၈။ ၈.၈.၁၉၈၈ ခု (ရှစ်လေးလုံး) ဒီမိုကရေစီ တောင်းဆိုဆန္ဒပြခဲ့သည့် အခြေခံပညာဦးစီးဌာန လက်အောက်ရှိ ကျောင်းသား ကျောင်းသူများနှင့် တက္ကသိုလ် ကောလိပ်နယ်ပယ်စုံမှကျောင်းသား၊ ကျောင်းသူများအား မြန်မာဆိုရှယ်လစ်လမ်းစဉ်ပါတီ (မဆလ) သမ္မတ၊ ဥိးစိန်လွင်၏အမိန့်အရ တပ်မ-၂၂ ကပစ်ခတ်ဖြိုခွင်းပြီး ကျောင်းသား၊ကျောင်းသူများ၏ အလောင်းများအား အစဖျောက် ဖျက်ခဲ့သည့် သမိုင်းဖြစ်ရပ်အကျည်းတန်လုပ်ရပ်များ။

၉။ ၁၉၈၈ခု စက်တင်ဘာလ ၁၈ ရက်၊ နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ (နဝတ) မှ အာဏာသိမ်းခဲ့ပြီး ရန်ကုန်မြို့တော်ခန်းမရှေ့ ရှိ သပိတ်စခန်း၌ ဆန္ဒပြနေကြသည့် ရဟန်းရှင်လူ ကျောင်းသား၊ပြည်သူလူထုကြီးအား စစ်တပ်မှ အင်အားသုံးအကြမ်းဖက်ဖြိုခွင်းခဲ့သည့်လုပ်ရပ်များ။

၁၀။ ၁၉၉၀ခုနှစ် မေလ ပါတီစုံ ဒီမိုကရေစီ အထွေထွေရွေးကောက်ပွဲကြီးပြီးလျှင် အနိုင်ရပါတီ အား အာဏာလွှဲပြောင်းပေးမည်။ “မိမိတို့တပ်မတော်အနေဖြင့် စစ်တပ်လျား ပြန်မည်” ဟုတိုင်းသိ၊ ပြည်သိ၊ကမ္ဘာသိ၊ ကတိပြု ပြောကြားခဲ့သော နဝတ စစ်အစိုးရ ခေါင်းဆောင်ဗိုလ်မှူးကြီးစောမောင် ၏ ကတိစကားကို မထီမဲ့မြင် ပြုကျင့်ခဲ့ကြသည့် စစ်အရာရှိများ၏ လုပ်ရပ်များ။

၁၁။ ထိုစဉ်က NLD ပါတီ အထွေထွေအတွင်းရေးမှူးဖြစ်သူ ဒေါ်အောင်ဆန်းစုကြည်အား နေအိမ် အကျယ်ချုပ်ချခဲ့ပြီး ၊ ၁၉၉၀ခု မေလ ပါတီစုံ ရွေးကောက်ပွဲကြီးကို ကျင်းပပေးခဲ့ခြင်း။ ၈၀ ရာခိုင်နှုန်းကျော် အနိုင်ရခဲ့သည့် NLD ပါတီအား၊ လွှတ်တော်ခေါ်ခွင့်မပေးဘဲ အစိုးရဖွဲ့ခွင့်မပေးဘဲ ရွေးကောက်ပွဲအနိုင်ရ ပါတီထိပ်ပိုင်းခေါင်းဆောင်များနှင့် တက်ကြွလှုပ်ရှားသူ၊ ဒီမိုကရေစီအင်အား စုများအား ရာဇဝတ်မှု ပုဒ်မများလိုသလိုတပ် ဖမ်းဆီးထောင်ချခဲ့သည့်လုပ်ရပ်များ။

၁၂။ အချို့သော ရွေးကောက်ပွဲ အနိုင်ရပြည်သူ့ကိုယ်စားလျယ်များအား စစ်ထောက်လှမ်းရေးများက မြှောက်လုံး၊ ခြောက်လုံး၊ ချော့လုံး၊ စီးပွားရေးမက်လုံးများပေးကာ NLD ပါတီမှ နှုတ်ထွက်စေရန် ဖိအားပေး အကြပ်ကိုင်စေခဲ့သည့်သမိုင်းများ။

၁၃။ နိုင်ငံပိုင် ပုံနှိပ်မီဒီယာများနှင့် ရုပ်သံ မီဒီယာများကို မိမိတို့စစ်အာဏာရှင်များ၊ အာဏာတည်မြဲ ရေး၊သက်ဆိုးရှည်စေရေး အတွက် နှစ်ပေါင်းများစွာ အသုံးချခဲ့သည့် သမိုင်းကြောင်းများ။

၁၄။ ၂၀၀၈ခု မေလ နာဂစ်မုန်တိုင်းကျရောက်ရာ ဒေသများကို အချိန်နှင့်တပြေးညီ သွားရောက် ကယ်ဆယ်ခြင်းမရှိခြင်း။ နိုင်ငံတကာမှအကူအညီများ ကမ်းလှမ်းပါလျှက်နှင့် အချိန်နှင့်တပြေးညီ လက်မခံခြင်း။ လေယာဉ်၊ရေယာဉ်များဖြင့် နိုင်ငံတကာမှရောက်ရှိလာသော နိုင်ငံတကာကယ်ဆယ် ရေးအဖွဲ့များကို လုံခြုံရေး အကြောင်းပြကာ ကူညီခွင့်မပြုခဲ့ခြင်း။ ပိတ်ပင်တားဆီးခြင်းကြောင့် လူ ၂ သိန်းကျော် နာဂစ်မုန်တိုင်းသင့်ကာ ပိုးဆိုးပက်စက် သေပွဲဝင်ခဲ့ရသည်။ လူသန်းပေါင်းများစွာ အိုးမဲ့ ၊အိမ်မဲ့ ဒုက္ခသည် ဘဝနဲ့ ရင်ဆိုင်ခဲ့ရသည့်ဖြစ်ရပ်ဆိုး သမိုင်းမှတ်တမ်းများ။

၁၅။ ၂၀၀၈ခု ဖွဲ့စည်းပုံ အခြေခံဥပဒေ ထောက်ခံပွဲများကို နာဂစ်မုန်တိုင်းဖြစ်ခဲ့သည့် အချိန်ကာလ နှင့် နီးနီးကပ်ကပ်ကျင်းပခဲ့ခြင်း။ ပြည်ခိုင်ဖြိုးရပ်ကွက် ကျေးရွာစည်းရုံးရေးမှူးများက ၂၀၀၈ခု ဖွဲ့စည်းပုံအခြေခံဥပဒေ ဆန္ဒခံယူပွဲကျင်းပရာ မဲရုံအသီးသီးကို အကြောင်းအမျိုးမျိုးကြောင့် မလာရောက်ခဲ့သည့် လူထုကို ပြည်သူလူထုကိုယ်စားလှယ်ဆိုပြီး ထောက်ခံမဲလက်မှတ်ရေးထိုး မရိုးမသားသော ဥပဒေမဲ့လုပ်ရပ်များကို ဗြောင်ကျူးလွန်ခဲ့ခြင်းမှတ်တမ်းများ။

၁၆။ “နအဖ” စစ်ခေါင်းဆောင်များ ဦးစီးကျင်းပသည့် ၂၀၁၀ပါတီစုံ ရွေးကောက်ပွဲမကျင်းပမီ ရက်ပေါင်း အနည်းငယ်အတွင်း စစ်ခေါင်းဆောင်များသည် မိမိတို့နှင့် ပုလဲနံသင့်သည့် တန်ဆိုး လက်ဆောင်များ မိမိတို့အားဆက်သလေ့ရှိသည့် လာဘ်ပေးလာဘ်ယူ ပြုလေ့ရှိသည့် အတ္တ စီးပွားရေးမုဆိုး၊အတ္တခရိုနီများအားနိုင်ငံတော်ပိုင် မြေပေါ်မြေအောက်၊ရေပေါ်ရေအောက်တွင်းထွက် သံယံဇာတများ၊ လယ်ယာမြေများ၊ ကျွန်းသစ်များကို ဈေးပေါပေါနှင့် ရောင်းချခဲ့သည့်လုပ်ရပ်များ။

၁၇။ ၂၀၀၃ ခု မတ်လ ၃၀ ရက် တနင်္ဂနွေနေ့တွင် ဒေါ်အောင်ဆန်းစုကြည်နှင့် NLD ပါတီ ခေါင်းဆောင်များ၊ NLD ပါတီဝင်များ စစ်ကိုင်းတိုင်းဒီပဲယင်းရွာအနီး  စည်းရုံးရေး ခရီးထွက်စဉ် ကျူပင်ခုတ်၊ ကျူငုတ်မကျန်အောင် အမြစ်ပြတ်သုတ်သင် ဒီပဲယင်းလူသတ်ပွဲကြီးကို အဓိက ပဲ့ကိုင်လှုပ်ရှား တာဝန်ရှိသူများကို ဖော်ထုတ်ရဦးမည့် တာဝန်များကို ဥပေက္ခာပြုခဲ့သည့် မှတ်တမ်း များ။

၁၈။ နိုင်ငံတော်ပိုင် သတင်းမီဒီယာများမှတဆင့် တရားဝင်ကမ္ဘာကို ကြေညာခဲ့သည့် “ပြည်ထောင်စုကြံ့ခိုင်ရေးနှင့်ဖွိ့ဖြိုးရေးအသင်းကြီးသည် လူမှု့ရေးဆောင်ရွက်မည့် အသင်းကြီး ဖြစ်ပါသည်” ဟုနိုင်ငံတော်အကြီးအကဲဆိုသူများက တရားဝင်ပြောဆိုခဲ့ပြီး ရွေးကောက်ပွဲဝင်ခဲ့သည့် ပါတီကြီးတစ်ခုအသွင် အတင်းအဓမ္မ ဖန်တီးခဲ့ခြင်း။ နိုင်ငံတော်ပိုင်ငွေကြေးအမြောက်အများနှင့် အဆောက်အဦး၊မြေ စသည့်ပစ္စည်းတို့ကို “ပြည်ခိုင်ဖြိုးပါတီ” အတွက် အသုံးပြုခဲ့ခြင်း။ သန်း၅၀ ကျော်ပြည်သူလူထုကို ကိုယ်စားပြုသည့် နိုင်ငံဝန်ထမ်း (ပြည်သူ့ဝန်ထမ်း)များအား ပြည်ခိုင်ဖြိုး ပါတီဝင်များအဖြင့် သွတ်သွင်းစေခဲ့ခြင်းများ။

၁၉။ “ဝန်ထမ်းများ ပါတီနိုင်ငံရေးနှင့် ကင်းရှင်းရမည်။ သို့မဟုတ်ပါက ထိရောက်စွာအရေးယူမည်” ဟု ဥပဒေပြဌာန်းထားသော်လည်း ပြည်ခိုင်ဖြိုးပါတီအား ကင်းလွတ်ခွင့်ပြုထားခြင်းများ။

၂၀။မဆလ တစ်ပါတီအာဏာရှင်ခေတ် “နဝတ” စစ်အစိုးရခေတ်၊ “နအဖ” စစ်အစိုးရခေတ် တစ်လျှောက်လုံးတွင် ရပ်ကွက်၊ကျေးရွာ လူမှုရေးအဖြာဖြာတို့ကို ကူညီဖြေရှင်းပေးသည့်  ပြည်သူပိုင်ရပ်ကွက်၊ကျေးရွာရုံးအဆောက်အဦးများ အတွင်း ပြည်ခိုင်ဖြိုး ပါတီကိုယ်စားပြု ရုံးများအဖြင့် ပူးတွဲအသုံးပြုခဲ့သည့် ဖြစ်စဉ်များ။ ပြည်ခိုင်ဖြိုးရုံးခန်းများအဖြင့်သိမ်းပိုက်ခဲ့သည့် သမိုင်းများ။

၂၁။ ကမ္ဘာ့ကုလသမဂ္ဂအဖွဲ့ကြီး၏ အမြင့်ဆုံးအာဏာပိုင် အဖွဲ့အစည်းတစ်ခုဖြစ်သည့် လုံခြုံရေး ကောင်စီ၏ မြန်မာနိုင်ငံအပေါ် ပြင်းထန်စွာအရေးယူ အပြစ်ပေးမည့် ဆုံးဖြတ်ချက်ကို အလှည့်ကျ အဖွဲ့ဝင်နိုင်ငံများက မဲခွဲဆုံးဖြတ်ရာတွင် တရုတ်နိုင်ငံ၏ ဗီတိုအာဏာသုံးစွဲပေးမှု့ကို “မြစ်စုံစီမံကိန်း” ဖြင့်လာဘ်ထိုးပေးကြွေးခဲ့သည့်လုပ်ရပ်များ။

၂၂။ သမ္မတ ဦးသိန်းစိန်အစိုးရလက်ထက် ၂၀၁၂ ခုမေလမှစ၍ စတင်ခဲ့သော လူမျိုးရေး၊ ဘာသာရေး အဓိကရုဏ်းကြောင့်လည်း ၂၀ရက် မတ်လ ၂၀၁၃ခု မိတ္ထီလာမြို့ဈေးကြီး နယူးဝိန့်စိန် ရွှေဆိုင်မှ စတင်ခဲ့သော လူမျိုးရေး၊ဘာသာရေး အဓိကရုဏ်းများကြောင့် လည်းကောင်း၊ မြန်မာ နိုင်ငံ၏ ပုံရိပ်စုတ်ပြတ်သတ်ခဲ့ရခြင်းသည် “နောက်ကွယ်က လက်မဲကြီးအုပ်စု” ဟု သမတ္တ ဦးသိန်းစိန်ကိုယ်တိုင် ပြောကြားခဲ့သော်လည်း ဘာသာရေး၊လူမျိုးရေးတို့ကို ခုတုံးလုပ်ကာ “ဒိုင်း” လုပ်ကာ စနစ်တကျ ရည်ရွယ်ချက်ရှိရှိ မဟာစီမံကိန်းသဖွယ် ဖန်တီးခဲ့သော “ပဲ့ကိုင်ရှင်” တို့ကို  ယနေ့တိုင် ဖော်ထုတ် အရေးယူနိုင်ခြင်း မရှိခဲ့သည့် သမိုင်းဆိုးများ။

၂၃။ မြန်မာနိုင်ငံတွင် ဗုဒ္ဓဘာသာဝင်များနှင့် လူနည်းစုအစ္စလာမ်ဘာသာဝင်တို့အပေါ် နိုင်ငံရေး ရည်ရွယ်ချက်ရှိရှိ ကြိုတင် စနစ်တကျ ဖန်တီးခြင်းခံရသော လူမျိုးရေး၊ဘာသာရေး အဓိကရုဏ်း ဖြစ်စဉ်များတွင် ဖျက်ဆီးခြင်းခံရသော ဘာသာရေး အဆောက်အဦးများ၊စာသင်ကျောင်းများကို ယနေ့တိုင်ပြင်ဆင်ဖွင့်လှစ်ခွင့် မပေးခြင်း၊ ဟန့်တားခြင်း စသည်တို့ကို အာဏာပိုင်ဆိုသူများက ပြုလုပ်နေကြသည့်ဖြစ်ရပ်များ ယနေ့တိုင်ရှိနေဆဲ မှတ်တမ်းများ။

၂၄။ အစ္စလာမ် သာသနာသည် လွန်ခဲ့သောနှစ်ပေါင်း ၁၀၀၀ကျော်က မြန်မာနိုင်ငံသို့ရောက်ရှိလာ ခဲ့ကြောင်း၊ “နအဖ” စစ်အစိုးရခေတ်၊ ၁၉၉၇ခု ကာကွယ်ရေးဝန်ကြီးဌာနက ပြုစုထုတ်ဝေခဲ့သော  “သာသနာရောင်ထွန်းစေဖို့” သမိုင်းစာအုပ် စာမျက်နှာ၆၅အရ လည်းကောင်း၊ ဒေါ်တင့်စိန်ပြုစုခဲ့သော ၁၉၇၃ ခု ဇူလိုင်လ တက္ကသိုလ်ပညာပဒေသာ စာစောင်အတွဲ (၃) အရ လည်းကောင်း၊ ပုဂံခေတ် ကျောက်စာအရ လည်းကောင်း၊မြန်မာ့သမိုင်းပါရဂူကြီး ဒေါက်တာသန်းထွန်း ရေးသားခဲ့ သည့် “ အမိန့်တော်ထဲက သမိုင်း” စာမျက်နှာ ၃၇ အရလည်းကောင်း၊ သမိုင်းပညာရှင် ဦးတင် ၁၉၆၆၅ခု၌ ရေးသားထုတ်ဝေခဲ့သော “မြန်မာမင်းများအုပ်ချုပ်ပုံ စာတမ်း (ဒုတိယတွဲ) ၌လည်းကောင်း၊မှန်နန်းရာဇဝင်၊ ကုန်းဘောင်ရာဇဝင်၊ဦးကုလားရာဇဝင်များတွင် ဖော်ပြထားသော
သမိုင်းမှတ်တမ်းများအရ လည်းကောင်း၊ ပသီ(မြန်မာမွတ်စလင်)လူမျိုးများသမိုင်းသည် မြန်မာ့ သမိုင်းစာမျက်နှာသစ်များတွင် ချန်လှပ်၍ မရနိုင်သော သမိုင်းမှတ်တမ်းများဖြစ်ပါကြောင်း။

၂၅။ မြန်မာ့လွတ်လပ်ရေး ကြိုးပမ်းမှု့ သမိုင်းတစ်လျှောက် ဖက်ဆစ်ဆန့်ကျင်ရေး၊နယ်ချဲ့ဆန့်ကျင် ရေး တိုက်ပွဲများတွင် အခြားတိုင်းရင်းသားများနှင့်အတူ ပသီ(မြန်မာမွတ်စလင်) လူမျိုးများသည် အသက်၊သွေး၊ ချွေး တို့ကို ပေးဆပ်ခဲ့သည့် သမိုင်းများကား အထင်အရှား ဒုနဲ့ဒေး ပင်ဖြစ်သည်။

လူသားဟူသည် အမှားနှင့် မကင်းသည်မှာ သဘာဝတရားပင်ဖြစ်သည်။ သို့သော် “ငါ” စွဲများဖြစ်သည့် ငါ့လူမျိုး၊ငါ့ဘာသာတရား၊ငါ့ပါတီ၊ ငါ့အုပ်စု၊ ငါပြောတာအမှန် ဟူသော အတ္တကို စွန့်လွှတ်ရပေလိမ့်မည်။ အသိကိုတမံ၊ ဥာဏ်ကိုမြေကတုတ်ပြု၍ တိုင်းပြည်ကောင်းစားရေး အတွက် ရည်ရွယ်လုပ်ဆောင်ရပေလိမ့်မည်။

ဝန်ကြီးမင်း သမိုင်းကော်မရှင် ဥက္ကဋ္ဌအနေဖြင့် ကမကထပြု၍ ဦးစီးဆောင်ရွက်သည့်အခါ သမိုင်းပညာရှင်တို့အား လွတ်လပ်စွာ ရေးသားခွင့်ပြုရပါလိမ့်မည်။ ပုဂ္ဂိုလ်ခင်၊ တရားမင်ကာ မျက်နှာလိုက်၊ဘက်လိုက်ခြင်း ကင်းသည့် သမိုင်းမှတ်တမ်းများ ပါဝင်စေဖို့ အပေါ်ဖား အောက်ဖိ သမိုင်းမျိုး မဖြစ်စေဖို့ တရားမျှတမှု့ကို လက်ကိုင်ထားပြီး အရှိအတိုင်း၊အမှန်အတိုင်းဖြစ်စေဖို့ အကြောက်တရားများကို ဘေးဖယ်ကာ ပကတိဖြစ်ရပ်များကို ရဲရဲတင်းတင်း တင်ပြစေဖို့  သမိုင်းပြုစုသူတို့အား တာဝန်ယူမှု၊ တာဝန်ခံမှု့တို့ကို သမိုင်းကော်မရှင် ဥက္ကဋ္ဌကြီး ထူးကဲပြောင် မြောက်စွာ လုပ်နိုင်စွမ်းရည် ရှိဖို့လိုပေလိမ့်မည်။ ထိုသို့ပြုလုပ်နိုင်စွမ်းရှိပါက သမိုင်းမော်ကွန်း တင်ခံရပြီး ဟီးရိုး ဖြစ်သွားနိုင်ပေမည်။ ထိုသို့မဟုတ်ဘဲ “ကြောက်စိတ်၊အတ္တစိတ်” များကိုဦးစားပေးကာ အာဏာရှင်ဆန်ဆန် ထင်ရာစိုင်းခဲ့ပါက သမိုင်းမော်ကွန်း မတင်ခံရဘဲ “ဇီးရိုး” ဖြစ်သွားနိုင်ပါကြောင်း အမှန်တရား လိုလားသူ ပြည်သူ့ဘက်တော်သား ပြည်သူလူထုကိုယ်စား တင်ပြလိုက်ရပေတော့သည်။

ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်)