အားကစားသမိုင်းမှ မေ့၍မရသော လေကြောင်း ဖြစ်ရပ်ဆိုးများ

ဒီဇင်ဘာ ၂၊ ၂၀၁၆
M-Media

၁၉၅၈ ခုနှစ် မြူးနစ်လေယာဉ် ပျက်ကျမှုအတွင်း သေဆုံးခဲ့သည့် မန်ယူအသင်းသားများ၏ ရုပ်အလောင်းများကို ယူဆောင်လာမှု မြင်ကွင်း

– ပြီးခဲ့တဲ့ တနင်္လာနေ့မှာ ဘရာဇီးလ်ပထမတန်းက Chapecoens ဘောလုံးအသင်းရဲ့ ကစားသမား ၂၂ ဦးအပါအ၀င် လူပေါင်း ၈၁ ဦး တင်ဆောင်လာခဲ့တဲ့ စင်လုံးငှားလေယာဉ်တစ်စင်းဟာ ကိုလံဘီယာနိုင်ငံ မက်ဒဲလင်မြို့မှာ ပျက်ကျခဲ့ပါတယ်။

အဲဒီအထဲမှာ ၇၅ ဦးက ပွဲချင်းပြီး သေဆုံးခဲ့ကာ ၆ ဦး အသက်ရှင်ခဲ့ပေမယ့် နောက်ပိုင်းမှာ အသက်ရှင်တဲ့သူတွေထဲက ၃ဦး ထပ်မံသေဆုံးခဲ့ပါတယ်။ လေယာဉ်မှူးတွေက မြေပြင်ထိန်းချုပ်စခန်းနဲ့ ဆက်သွယ်ပြောဆိုမှုတွေအရ လေယာဉ်ပျက်ကျမှုဟာ ဆီကုန်သွားတာကြောင့် ဖြစ်နိုင်ချေရှိနေပြီး အသေးစိတ် စုံစမ်းစစ်ဆေးမှုတွေကိုတော့ ဆက်လက် ပြုလုပ်နေဆဲ ဖြစ်ပါတယ်။

တောင်အမေရိကဖလားကို ပထမဆုံးရယူနိုင်မယ့် အခြေအနေမျိုးရှိနေတဲ့ Chapecoens ရဲ့ ဒီအဖြစ်အပျက်ဟာ အားကစားလောကမှာ ပထမဆုံး လေကြောင်း မတော်တဆမှုမျိုး မဟုတ်ပါဘူး။ ယခင်ကလည်း အခုလို ၀မ်းနည်းကြေကွဲဖွယ် လေယာဉ်ပျက်ကျမှုတွေ အားကစားလောကမှာ ဖြစ်ပေါ်ခဲ့ဖူးပါတယ်။

၁။ မန်ယူအသင်း လေယာဉ်ပျက်ကျမှု (၁၉၅၈)

ကမ္ဘာ့နာမည်အကြီးဆုံး မန်ယူအသင်း လိုက်ပါသွားတဲ့ လေယာဉ်ဟာ ဂျာမနီနိုင်ငံ မြူးနစ်မြို့လေယာဉ်ကွင်းကအတက်မှာ ပျက်ကျခဲ့တာဖြစ်ပြီး နှစ်စဉ် ဖေဖော်ဝါရီလ ၆ ရက်နေ့ ရောက်တိုင်း မန်ယူပရိတ်သတ်တွေဟာ အိုးထရက်ဖို့မှာ ဒီဖြစ်ရပ်ဆိုးအတွက် ၀မ်းနည်းဖွယ် အခမ်းအနားကို အခုအချိန်အထိ ကျင်းပကြဆဲ ဖြစ်ပါတယ်။

ဥရောပဖလားပြိုင်ပွဲအဖြစ် ရက်စတာဘဲလ်ဂရိတ်အသင်းနဲ့ကစားပြီး ပြန်အလာ မြူးနစ်မှာ ဆီဖြည့်ပြီးနောက် ပြန်အထွက်မှာ ပျက်ကျခဲ့တာဖြစ်ပါတယ်။ ရာသီဥတုဆိုးရွားနေတဲ့အချိန် အင်ဂျင်ပြဿနာကြောင့် လေယာဉ်မှူးတွေက ပျံသန်းမယ့် အစီအစဉ်ကို ၂ ကြိမ်တိုင်တိုင် ရွှေ့ဆိုင်းခဲ့ပေမယ့် ပြည်တွင်းပွဲအမှီ ပြန်ရမှာဖြစ်တဲ့အတွက် တတိယအကြိမ် ပျံတက်ဖို့ ကြိုးစားရာမှာ ပျက်ကျခဲ့တာ ဖြစ်ပါတယ်။

အဲဒီဖြစ်ရပ်ဆိုးမှာ အဲဒီအချိန်က မန်ယူနည်းပြ မတ် ဘက်စ်ဘီရဲ့ Busby Babes လို့အမည်ပေးထားတဲ့ မန်ယူအသင်းက ကစားသမား ၈ ဦး အပါအ၀င် စုစုပေါင်း ၂၃ ဦး သေဆုံးခဲ့ပါတယ်။

၂။ မာရှယ်တက္ကသိုလ် အမေရိကန်ဘောလုံးအသင်း (၁၉၇၀)

အမေရိကန် Southern Airways လေကြောင်းလိုင်းက လေယာဉ်အမှတ် ၉၃၂ ပျက်ကျမှုအတွင်း Marshall University Thundering Herd အမေရိကန်ဘောလုံးအသင်းရဲ့ ကစားသမား ၃၇ ဦး၊ နည်းပြ ၉ ဦး၊ ပရိတ်သတ် ၂၅ ဦး၊ လေယာဉ်အမှုထမ်း ၄ ဦး စုစုပေါင်း လေယာဉ်ပေါ်လိုက်ပါလာသူ ၇၅ ဦးစလုံး သေဆုံးခဲ့ပါတယ်။

Marshall University Thundering Herd အသင်းဟာ အရှေ့ကယ်ရိုလိုင်းနား တက္ကသိုလ်အသင်းနဲ့ ကစားပြီး ပြန်အလာ နိုဝင်ဘာ ၁၄ ရက်နေ့မှာ အနောက်ဗာဂျီးနီးယားပြည်နယ် ကီနိုဗာမြို့က ထရိုင်စတိတ်လေဆိပ်နီး တောင်ပေါ်မှာ ပျက်ကျခဲ့တာပါ။ သစ်ပင်တစ်ပင်ရဲ့ အကိုင်းနဲ့ ငြိမိပြီး ဟန်ချက်ပျက်ကာ တောင်စောင်းကို ၀င်စောင့်ခဲ့တဲ့ ဒီအဖြစ်အပျက်ဟာ အမေရိကန်သမိုင်းမှာ အားကစားနဲ့ပတ်သက်ပြီး အဆိုးဝါးဆုံး အဖြစ်အပျက်တစ်ခုလည်း ဖြစ်ပါတယ်။

၃။ ဥရုဂွေး ရပ်ဘီအသင်း (၁၉၇၂)

ဥရုဂွေးအခြေစိုက် Old Christians Club ရပ်ဘီအသင်းသားတွေ၊ အသင်းကိုအားပေးသူတွေ၊ ဆွေမျိုးတွေ လိုက်ပါလာတဲ့ လေယာဉ်ဟာ အန်းဒီးစ်တောင်တန်းအပေါ်မှာ ပျက်ကျခဲ့တာဖြစ်ပြီး လေယာဉ်ပေါ်လိုက်ပါသူ ၄၅ ဦးမှာ ၃ ပုံတစ်ပုံလောက် သေဆုံးခဲ့ပါတယ်။

အောက်တိုဘာ ၁၃ ရက်နေ့မှာ ဖြစ်ပွားခဲ့တဲ့ အဲဒီအဖြစ်အပျက်မှာ လေယာဉ်ပျက်ကျပြီးနောက်ပိုင်း အသက်ရှင်သူ ၂၇ ဦး ရှိခဲ့ပေမယ့်၊ အေးခဲတဲ့ဒဏ်၊ တောင်ပေါ်က လျှောဆင်းလာတဲ့ ရေခဲတုံးတွေ ပိမိတဲ့ဒဏ်ကြောင့် ၈ ဦး ထပ်မံသေဆုံးခဲ့ပါတယ်။

ရက်နည်းငယ်အကြာမှာ သူတို့ကို ရှာဖွေမှုကို အာဏာပိုင်တွေက ရပ်တန့်လိုက်ပြီးတဲ့နောက် အသက်ရှင်ကျန်ရစ်သူတွေဟာ အငတ်ဘေးနဲ့ ရင်ဆိုင်ခဲ့ရပြီး သေဆုံးသွားသူတွေရဲ့အသားကို ဖြတ်တောက်ကာ စားသုံးရတဲ့အထိ ဖြစ်ခဲ့ပါတယ်။ ရက်ပေါင်း ၇၀ ကျော် ကြာတဲ့အခါမှာတော့ ချီလီနိုင်ငံသားတစ်ဦးက သူတို့အုပ်စုကို တွေ့ခဲ့ပြီး အာဏာပိုင်တွေကို အကြောင်းကြားခဲ့တာကြောင့် ဒီလေယာဉ်ပျက်မှုအတွင်းမှာ စုစုပေါင်း ၁၆ ဦး အသက်ဆက်ရှင်ခဲ့ပါတယ်။

၎။ ကျူဘားလက်ရွေးစဉ် ဓားသိုင်းအဖွဲ့ (၁၉၇၆)

ဗင်နီဇွဲလားနိုင်ငံ ကရာကက်စ်မှာ ပြုလုပ်ခဲ့တဲ့ ၁၉၇၆ ခုနှစ် Pan American အားကစားပြိုင်ပွဲမှာ ဆုတံဆိပ်ဆွတ်ခူးခဲ့တဲ့ ကျူးဘားလက်ရွေးစဉ် ဓားသိုင်းအဖွဲ့ဟာ အောက်တိုဘာ ၆ ရက်နေ့ အိမ်အပြန်လမ်းမှာ ဒီလို ကံကြမ္မာဆိုးနဲ့ ကြုံတွေ့ခဲ့ရတာဖြစ်ပါတယ်။ ဘာဘာဒို့စ်ကနေ ဂျမေကာကို ပျံသန်းနေစဉ်အတွင်းမှာ ချိန်ကိုက်ဗုံး ၂ လုံး ပေါက်ကွဲကာ ဘာဘာဒို့စ် ကမ်းရိုးတန်းမှာ လေယာဉ်ပျက်ကျခဲ့တာဖြစ်ပြီး လိုက်ပါသွားသူ ၇၃ ဦးစလုံး သေဆုံးခဲ့ပါတယ်။

သေဆုံးသူတွေထဲမှာ ၂၄ ဦးက ဓားသိုင်းအဖွဲ့ဝင်တွေဖြစ်ပါတယ်။ နောက်ပိုင်း အမေရိကန်လျှို့ဝှက်မှတ်တမ်းတွေအရ အဲဒီအကြမ်းဖက်တိုက်ခိုက်မှုကို စီစဉ်တဲ့ လူးဝစ် ပိုဆာဒါ ကာရီလက်စ်ဟာ စီအိုင်အေအတွက် အလုပ်လုပ်နေသူဖြစ်တယ်လို့ သိရပါတယ်။

၅။ ဇမ်ဘီယာ လက်ရွေးစင်ဘောလုံးအသင်း (၁၉၉၃)

အဲဒီအချိန်က အာဖရိက အကောင်းဆုံးအသင်းတွေထဲက တစ်သင်းဖြစ်တဲ့ ဇမ်ဘီယာ လက်ရွေးစင်အသင်းကို တင်ဆောင်လာတဲ့ ဇမ်ဘီယာစစ်တပ်လေယာဉ်ဟာ ဆီနီဂေါမြို့တော် ဒါကာမှာ ဆီနီဂေါလက်ရွေးစဉ်အသင်းနဲ့ ၁၉၉၄ ကမ္ဘာ့ဖလားခြေစစ်ပွဲကစားဖို့ သွားရောက်စဉ်အတွင်း အတ္တလန်တိတ် သမုဒ္ဒရာထဲကို ပျက်ကျခဲ့တာဖြစ်ပါတယ်။

ဇမ်ဘီယာအတွက် ကမ္ဘာ့ဖလား နောက်ဆုံးအဆင့်မှာ ပထမဆုံး ၀င်ရောက်ယှဉ်ပြိုင်ခွင့်ရဖို့အတွက် အလားအလာကောင်းနေချိန် ဖြစ်ပွားခဲ့တဲ့ ဒီကံကြမ္မာဆိုးကြောင့် လေယာဉ်ပေါ်လိုက်ပါသွားတဲ့ ဇမ်ဘီယာလက်ရွေးအသင်း တစ်ဖွဲ့လုံးနဲ့ လေယာဉ်အမှုထမ်း ၅ ဦးစလုံး သေဆုံးခဲ့ပါတယ်။

စုံစမ်းစစ်ဆေးမှုတွေအရတော့ လေယာဉ်မှူးဟာ အင်ဂျင်မီးလောင်တာကြောင့် အင်ဂျင်ကို ပိတ်ပစ်ရာမှာ မီးမလောင်တဲ့အင်ဂျင်ကို မှားပိတ်မိတဲ့အတွက် လေယာဉ်ပျက်ကျရခြင်းဖြစ်တယ်လို့ ကောက်ချက်ချခဲ့ပါတယ်။

Ref : Time.com