မွတ်စလင်ခရီးသွားလမ်းညွှန်စာအုပ် သြစတေးလျ ထုတ်ဝေ

ဒီဇင်ဘာ ၂၊ ၂၀၁၆
M-Media

– နိုင်ငံအတွင်းသို့ လာရောက်လည်ပတ်မည့် မွတ်စလင်ခရီးသွားများ အဆင်ပြေ လွယ်ကူစေရန်အတွက် သြစတေးလျနိုင်ငံက မွတ်စလင်ခရီးသွားလမ်းညွှန် စာအုပ်တစ်အုပ်ကို ထုတ်ဝေလိုက်သည်ဟု သိရသည်။

မွတ်စလင်ခရီးသွားများမှာ နိုင်ငံရပ်ခြားသို့ သွားရောက်လည်ပတ်သည့်အခါ ၎င်းတို့နှင့် လျော်ညီမည့် နေရာများကို ရှာဖွေရန် အခက်တွေ့ကြရသည်။ ဟာလာလ်ခရီးသွားလုပ်ငန်းအား သုတေသနပြုလုပ်နေသည့် CrescentRating အဖွဲ့ကမူ ခရီးသွားကဏ္ဍတွင် ကမ္ဘာတစ်ဝှမ်းမှ မွတ်စလင်များ သုံးစွဲနေသည့် ပဏာမှာ ကန်ဒေါ်လာ ၁၄၅ ဘီလီယံရှိသည်ဟု ဆိုသည်။

ထို့ကြောင့် ထိုကဲ့သို့ အလားအလာကောင်းသည့် လုပ်ငန်းအတွက် မွတ်စလင်ခရီးသွားများကို စွဲဆောင်ရန် နိုင်ငံတကာမှ ကြိုးစားလာကြပြီး သြစတေးလျနိုင်ငံကလည်း ယခုကဲ့သို့ မွတ်စလင်ခရီးသွားများအတွက် လမ်းညွှန်စာအုပ် ထုတ်ဝေခဲ့ခြင်းဖြစ်သည်။

သြစတေးလျသို့ အများဆုံးလာရောက်ကြသည့် မွတ်စလင်ခရီးသွားများမှာ မလေးရှား၊ အင်ဒိုနီးရှားနှင့် စင်ကာပူတို့မှ ဖြစ်ပြီး ယခုကဲ့သို့ လမ်းညွှန်စာအုပ် ထုတ်ပြန်နိုင်မှုမှာ သြစတေးလျသို့ မွတ်စလင်ခရီးသွားများ ပိုမိုလာရောက်နိုင်ရေး သမိုင်းမှတ်တိုင်သစ် စိုက်ထူလိုက်ခြင်းလည်းဖြစ်သည်

စာမျက်နှာ ၆၈ မျက်နှာ ပါဝင်သည့်အဆိုပါ လမ်းညွှန်စာအုပ်ကို Tourism Australia and HalalTrip ဟု အမည်ပေးထားပြီး နိုင်ငံအတွင်း လက်မလွှတ်သင့်သည့် စိတ်ဝင်စားဖွယ်နေရာများ၊ ရှုခင်းများကို ဖော်ပြထာသည့်အပြင် နိုင်ငံတစ်ဝှမ်းမှ ဟာလာလ်အစားအသောက် ရရှိနိုင်သည့် နေရာများ၊ ၀တ်ပြုရာနေရာများကဲ့သို့ မွတ်စလင်ခရီးသွားများအတွက် လိုအပ်သည့် နေရာများကိုလည်း ဖော်ပြထားသည်။

လမ်းညွှန်တွင် သြစတေးလျရှိ အဓိက ပြည်နယ် ၈ ခု ပါဝင်ပြီး ထိုဒေသများတွင် အဓိကလုပ်ဆောင်ရမည့် အရာ ၅ ခု၊ ဈေးဝယ်ကောင်းသည့်နေရာများ၊ ဟာလာလ်စားသောက်ဆိုင်များ၊ ဗလီဝတ်ကျောင်းတော်များလည်း ထည့်သွင်း ဖော်ပြထားသည်။ ခရီးသွားများ အလွယ်တကူ ဆက်သွယ်နိုင်စေရန်အတွက် လိပ်စာများ ဖုန်းနံပါတ်များကိုလည်း ပါဝင်သည်။

လောလောဆယ်တွင် အင်္ဂလိပ်ဘာသာဖြင့်သာ ရရှိနိုင်ပြီး စာအုပ်အဖြစ်လည်းကောင်း၊ E-book အဖြစ်လည်းကောင်း ရရှိနိုင်မည်ဖြစ်သည်။ အဆိုပါ လမ်းညွှန်စာအုပ်ကို ခရီးသွားအေးဂျင့်များ၊ ဒေသအတွင်းရှိ ခရီးသွားအဖွဲ့များသို့ ဖြန့်ဝေထားပြီး အွန်လိုင်းတွင်မူ Halal Trip ၀ဘ်ဆိုက်၌ download ဆွဲနိုင်သည်။

Download Link – http://www.halaltrip.com/downloadable-halal-travel-guides

Ref : Crescentrating.com